ايماقتار • 07 اقپان، 2019

«سارىارقااۆتوپرومنىڭ» MAN تىركەمەلى تارتقىشتارى العاش رەت سۇيىتىلعان گاز تاسيتىن كومپانيالارعا ساتىلدى

360 رەتكورسەتىلدى

«سارىارقااۆتوپروم» زاۋىتى وتكەن جىلى لوگيستيكالىق كاسىپورىندارمەن MAN ماركالى 20 جۇك تاسيتىن تەحنيكا بەرۋگە كەلىسىم جاساعان بولاتىن. ەۋروستاندارت 10 MAN اۋىر تەحنيكاسىنىڭ بەسەۋى جۇك تاسۋمەن اينالىساتىن كومپانيالارعا بەرىلدى. تاعى دا سۇيىتىلعان گاز تاسۋعا ارنالعان وسىنداي 10 جۇك تارتقىش ماشينا ۇستىمىزدەگى جىلدىڭ العاشقى توقسانىندا كاسىپورىندارعا جىبەرەلەدى.

ەسكە سالا كەتسەك، وتكەن جىلى الليۋر كومپانيالار توبى «سارىارقااۆتوپروم» زاۋىتىنىڭ ءوندىرىس الاڭىندا بىرلەسىپ MAN جۇك تاسيتىن ماشينالار مەن اۆتوبۋستار شىعارۋ ءۇشىن «MAN Auto – Uzbekistan» وندىرىسىمەن مەموراندۋمعا قول قويعان بولاتىن. MAN اۋىر تەحنيكاسى لوگيستيكالىق كومپانيالاردىڭ قازاقستاننىڭ ىشىندە جانە ودان سىرت باعىتتاردا جۇك تاسۋىنا ارنالعان.

«وتكەن جىلى ءبىز وسى تەحنيكالاردى شىعارۋ جولىندا بارلىق سىناقتاردان ءوتىپ، ونى وندىرۋگە رۇقسات الدىق جانە قۇراستىرۋ جۇمىستارىنا كىرىستىك. جۇك تەحنيكالارىنىڭ نارىعى ءالى تولىق ەمەس، ءبىزدىڭ ساراپتاپ كورگەنىمىزدەي، جۇك تاسىمالىمەن اينالىساتىن كوپتەگەن كومپانيالار وسىنداي تەحنيكالارعا ءزارۋ بولىپ وتىر. 2019 جىلى  جۇك تاسيتىن ماشينالاردى نارىققا كوبىرەك شىعارۋدى ويلاستىرۋدامىز» دەدى «الليۋر» كت» اق كورپوراتيۆتىك ساتۋ جانە ەكسپورت جونىندەگى ۆيتسە-پرەزيدەنتى يرينا ميرونوۆا.

ءنازيرا جارىمبەت،

«ەگەمەن قازاقستان»

قوستاناي

سوڭعى جاڭالىقتار

ۇقساس جاڭالىقتار