ەرماك ءسالىموۆ وندىرىستەن شىققان تاۋاردىڭ دۇكەن سورەسىنە جەتكەندە تىم قىمباتتاپ كەتەتىندىگىنە نازار اۋداردى. سوندىقتان دا قالا باسشىسى ساۋدا ورىندارىنان باعا تۇراقتىلىعى مەن قولجەتىمدىگى تۋرالى رەسمي قۇجاتتار, ەسەپتەر الۋعا تاپسىرما بەردى.
- باعانى اققۇلا تىم شارىقتاتۋدىڭ قاجەتى جوق,-دەدى اكىم ەرماك ءسالىموۆ,-كۇن سايىن تاۋار باعاسىنىڭ مونيتورينگىن جاساپ وتىرىڭىزدار.
سەمەي قالاسىنىڭ اقپاراتتىق ورتالىعىنىڭ ماماندارى حابارلاعانداي, كاسىپكەرلىك ءبولىمى باسشىسىنىڭ ەسەبىن تىڭداعان ەرماك ءسالىموۆ رەنىشىن جاسىرماي وتىر ەكەن.
- سىزدەردىڭ جۇمىستارىڭىزعا كوڭىلىم تولمايدى. كەيبىر ازىق-ت ۇلىكتەرگە باعا قىمباتتاتىلىپ قويىلعان. وزدەرىڭىز دۇكەنگە باراسىزدار ما؟ قاراپايىم حالىق قالاي كۇن كورىپ وتىر دەپ ويلايسىزدار؟ جۇرىڭىزدەر, دۇكەنگە بىرگە بارايىق. نەگە ۇيالى تەلەفوندارىڭىزعا ءتۇسىرىپ, بىردەن قىمبات باعا ۇستاپ وتىرعان ساۋدا دۇكەندەرىنىڭ يەلەرىنە جىبەرىپ, تارتىپكە شاقىرمايسىزدار؟ ءبىر تاۋاردىڭ باعاسى ەكى دۇكەندە ەكى ءتۇرلى, بۇل قالاي؟
الداعى ۋاقىتتا ەرماك ءسالىموۆتىڭ تاپسىرماسىمەن ساۋدا ورىندارى مەن بازارلاردا كۇن سايىن تاۋار باعاسىنا مونيتورينگ جۇرگىزەتىن جۇمىس توبى قۇرىلاتىن بولدى.
راۋشان نۇعمانبەك,
«ەگەمەن قازاقستان»
سەمەي
