«Metropolitan Textile» جشس-ءى 2015 جىلدان بەرى سپورتتىق جانە ارنايى كيىمدەر تىگۋمەن اينالىسادى. ولاردىڭ كليەنتتەرىنىڭ اراسىندا - The Ritz-Carlton Astana, Hilton Astana, «جىگەرگاز», «ەتالون اۆتو» جەلىسى, كازگيۋ, نازارباەۆ ۋنيۆەرسيتەتى بار.
«نازارباەۆ ۋنيۆەرسيتەتى ءۇشىن ءبىز ەكى جىل قاتارىنان ولاردىڭ ۆولەيبول, فۋتبول, باسكەتبول كوماندالارى ءۇشىن جانە ۋنيۆەرسيتەتتىك سيمۆوليكاسى بار كيىمدەر تىكتىك», – دەيدى «Metropolitan Textile» ديرەكتورى الماگۇل قاسىموۆا.
سپورتتىق كيىمنىڭ فيزيكالىق بەلسەندىلىككە بايلانىستى بىرقاتار ارناۋلى سيپاتتامالارى بولۋى ءتيىس. وندىرۋشىلەر وسىنىڭ ءبارىن ەسەپكە الا وتىرىپ, ارنايى ماتا تاڭداپ, ەرەكشە فۋنكتسيونالدىق ءپىشىم قولدانادى. جاقىندا فيرما جاڭا باعىتتى دامىتۋدى قولعا الىپتى. ەندى مۇندا كۇندەلىكتى ومىرگە ارنالعان سپورتتىق كيىمدەر تىگىلەدى.
ء«بىز وزىمىزدىڭ Evol.Collab برەندىن دامىتۋدى باستادىق, جەكە تاپسىرىسپەن دە كيىم تىگەمىز. قازىر كورسەتىلىمگە ارنالعان ۇلگىلەر تىگۋدەمىز», – دەدى ا. قاسىموۆا.
جەكە تاپسىرىسپەن سپورتتىق كيىم تىگۋگە سۇرانىس جوعارى بولۋى ءتيىس. Evol.Collab برەندىن جاساۋشى وسى باعىتتى دۇرىس دەپ ەسەپتەيدى. تىكەلەي كورپوراتيۆتىك تاپسىرىستاردى ورىنداۋ جاقسى شەشىم دەپ ويلايدى. الماگۇل قاسىموۆا «بولاشاق» باعدارلاماسى بويىنشا بوستون ۋنيۆەرسيتەتىنىڭ كۋەستروما بيزنەس مەكتەبىندە الدى. تىگىن فابريكاسى شاعىن. قازىر وندا سەگىز ادام جۇمىس ىستەيدى. التى تىگىنشى بار. كونسترۋكتور-ءپىشۋشى جانە تەحنولوگ قىزمەتىن ءبىر ادام, قويماشى-قاپتاۋشى ءارى سوسىن تاڭبالاۋشى مەن ساپاسىن باقىلاۋشى قىزمەتىن ءبىر ادام اتقارادى.
الماگۇلدىڭ ايتۋىنشا, جاڭا كوللەكتسيانى @evol.collab ينستاگرام پاراقشاسىنان كورۋگە بولادى. ال شوۋرۋم دايىن بولعاندا, ۇناعان كيىمدى كيىپ, ولشەپ كورۋگە دە بولادى. ول تىگىن فابريكاسىنىڭ ءدال جانىندا ورنالاساتىن بولادى.
ء«بىز تىككەن كيىمدەر ادامدى كوپ جىلدار بويى قۋانتسا دەيمىز, سول سەبەپتى دە جەكە تاپسىرىسپەن تىگەمىز. ءبىز كوللەكتسيامىزدا قىزدار ءۇشىن بەس, ەرلەر ءۇشىن بەس ۇلگى تىگەمىز. ءبارىن ءبىر-بىرىمەن الماستىرىپ تۇرلەندىرۋگە بولادى. ءبىزدىڭ برەند تانىمال بولcا دەيمىز. تۇتىنۋشىلار ءار كيىمنىڭ ساپالى جانە ەرەكشە ەكەنىنە كوز جەتكىزەتىن بولادى», – دەيدى الماگۇل قاسىموۆا.
