مينيسترلىك وكىلدەرى حابارلاعانداي, قازاق گۋمانيتارلىق-زاڭگەرلىك يننوۆاتسيالىق ۋنيۆەرسيتەت سەمەي قالاسىنىڭ وقۋشىلارى اراسىندا كاسىپكەرلىك سالانى وركەندەتۋ ءۇشىن ءداستۇرلى تۇردە «Startup Battle» بايقاۋىن وتكىزىپ كەلەدى. وسى بايقاۋ جەڭىمپازدارىنىڭ ءبىرى, №30 ورتا مەكتەپتە 11-سىنىپتا وقيتىن نادير ءسابيتوۆ گرانت ۇتىپ الىپ, قاڭقاسىز جيھاز ءوندىرۋ بويىنشا ءوز بيزنەسىن اشقان. جاس كاسىپكەر قازاق گۋمانيتارلىق-زاڭگەرلىك يننوۆاتسيالىق ۋنيۆەرسيتەتى بيزنەس-ينكۋباتورىنداعى «Fox» وقىتۋ ورتالىعىنداعى سەمينارلاردان قالماي, ماركەتينگ, ساتۋ جانە ديزاين سالاسىنداعى بىلىمىن شىڭداعان.
«سەمەي نارىعىن جاۋلاۋعا وسى ءبىلىمىم كوپ كومەكتەستى. قازىر باسقا جاقتان رەسۋرس تارتا وتىرىپ, جىلدام ءوسىم ءۇشىن ينۆەستيتسيالىق مودەل قۇرىپ جاتىرمىز» دەيدى نادير ءسابيتوۆ.
ونىڭ دۇكەنى شىعاراتىن تۇكتى قاپتارعا سۇرانىس جوعارى. قازىر جاس كاسىپكەردىڭ قاراماعىندا ەكى تىگىنشى جانە ءبىر اسسيستەنت جۇمىس ىستەيدى. ءناديردىڭ ايتۋىنشا, كوپ ۇزاماي جيھازداردى وسكەمەن مەن پاۆلودار تۇرعىندارىنا ساتۋ كوزدەلىپ وتىر. سودان كەيىن,ء تىپتى, قازاقستان نارىعىنان اسىپ, تمد ەلدەرىنە كىرۋدى جوسپارلاپ وتىر.
