تاربيە ءنارى
جۇما, 5 قازان 2012 7:15
بارشا قازاقستاندىقتى ورتاق يدەياعا توعىستىرىپ, ءبىر باعىتقا ۇيىستىرۋدا مەملەكەتتىك ءتىلدىڭ اتقارار مىندەتى, كينونىڭ, انيماتسيالىق فيلمدەردىڭ, ماسسمەديانىڭ ءرولى ايرىقشا دەپ ويلايمىن. ويتكەنى, بۇگىنگى جاس ۇرپاق ومىرگە قاجەتتى تاربيە نارىمەن وتباسىنان بولەك وسىنداي سالالار ارقىلى سۋسىندارى ءسوزسىز. وسىعان بايلانىستى مەن ءوز ۇسىنىستارىمدى ايتقىم كەلەدى.
جۇما, 5 قازان 2012 7:15
بارشا قازاقستاندىقتى ورتاق يدەياعا توعىستىرىپ, ءبىر باعىتقا ۇيىستىرۋدا مەملەكەتتىك ءتىلدىڭ اتقارار مىندەتى, كينونىڭ, انيماتسيالىق فيلمدەردىڭ, ماسسمەديانىڭ ءرولى ايرىقشا دەپ ويلايمىن. ويتكەنى, بۇگىنگى جاس ۇرپاق ومىرگە قاجەتتى تاربيە نارىمەن وتباسىنان بولەك وسىنداي سالالار ارقىلى سۋسىندارى ءسوزسىز. وسىعان بايلانىستى مەن ءوز ۇسىنىستارىمدى ايتقىم كەلەدى.
«ەل بولامىن دەسەڭ, بەسىگىڭدى تۇزە» دەمەكشى, جۇمىستىڭ دەنى بالانىڭ ءسابي كەزىندەگى ءتاربيەسىنەن باستالۋى كەرەك. ول ءۇشىن بۇلدىرشىندەرگە ارنالعان انيماتسيالىق ونىمدەرگە كوڭىل ءبولۋ ءلازىم. بۇل ورايدا ءتول تۋىندىلاردى كوبەيتۋدىڭ, ال شەتەلدىك فيلمدەردى دۇرىس سۇرىپتاۋدى جولعا قويۋدىڭ ماڭىزى زور.
سول سەكىلدى ەرەسەكتەر ءۇشىن دە كينونىڭ ارقالار جۇگى وراسان زور بولماق. ەلدىڭ كينوسىنا قاراپ ول مەملەكەتتە قانداي حالىق تۇراتىنىن بىلۋگە بولاتىنى – ەجەلدەن انىق فاكت. وسى سالامەن ەلدىڭ بولاشاعى قانداي بولاتىنىن دا بايىپتايتىن جۇرت بار. سول ءۇشىن بىردە-ءبىر جاڭا لەنتا مەملەكەت نازارىنان, قاداعالاۋدان تىس قالماۋى كەرەك. مەملەكەتتىك تىلدەگى, قازاقستاندىق يدەيانى قولدايتىن وتاندىق كينولاردى كوپتەپ شىعارۋ كەرەك دەپ ويلايمىن.
شوۋ-بيزنەس پەن ماسسمەديانىڭ دا قوعامعا بەرەرى وتە كوپ. بۇل سالالار بويىنشا شەشىمىن تاۋىپ جاتقان ىستەر بارشىلىق. كوك تۋى جەلبىرەگەن ەگەمەندى ەلىمىزدىڭ ەڭسەسى كۇننەن-كۇنگە كوتەرىلىپ كەلەدى. جاس مەملەكەتىمىز ءالى دە تالاي اسۋ مەن بەلەستەردى الا بەرۋى ءۇشىن قازاقستان ازاماتى رەتىندە بار كۇش-جىگەرىمدى جۇمسايتىن بولامىن.
الەكساندر كوزلوۆ.
باتىس قازاقستان وبلىسى.
