ايماقتار • 06 اقپان، 2019

قاراعاندىدا ۇشەم دۇنيەگە كەلدى

282 رەتكورسەتىلدى

قاراعاندىدا بيىلعى جىلدىڭ تۇڭعىش ۇشەمى دۇنيەگە كەلدى. دارىگەر مامانداردىڭ ايتۋىنشا، جىبەك، ايالا جانە سەزىم اتتى سابيلەر شالا تۋسا دا، قازىر وزدەرىن جاقسى سەزىنە باستاعان.

«نارەستەلەر جارىق دۇنيەگە مەرزىمىنەن بۇرىن كەلدى، – دەيدى وبلىستىق پەريناتالدىق ورتالىق ديرەكتورىنىڭ ورىنباسارى گۇلنار عاليەۆا. – سوندىقتان ولار ءبىراز ۋاقىتقا دەيىن دارىگەرلەردىڭ باقىلاۋىندا بولادى».  

جاس بوسانعان انا بوتاگوز جاينابەكوۆا ۇشەمدەرگە دەيىن ەكى ۇل، ءبىر قىزدىڭ اناسى اتانعان. ياعني، قازىرگى تاڭدا ونىڭ وتباسىندا التى بالا بار.

– قيىندىقتىڭ ءبارى ارتتا قالدى. ارينە، باسىندا قورقىنىشتى بولدى. ءبىزدىڭ تۇقىمدا مۇنداي وقيعا ءبىرىنشى رەت بولىپ تۇر. دارىگەرلەرگە دەگەن العىسىم شەكسىز. ۇشەمگە جۇكتى ەكەنىمدى ەشكىمگە ايتپاي، قۇپيا ساقتاپ كەلدىك. تۋعان-تۋىستاردىڭ قۋانىشىندا شەك جوق، – دەيدى كوپبالالى جاس انا.

بوتاگوزدىڭ جۇبايى سلەسار بولىپ جۇمىس ىستەيدى ەكەن. ەڭبەكاقىسى  ورتاشا ەسەپپەن العاندا 100 مىڭ تەڭگە. ەندى وعان وسىنشا مولشەردەگى جالاقىمەن وتباسىنداعى سەگىز جاندى اسىرۋعا تۋرا كەلەدى.

قايرات ءابىلدا،

«Egemen Qazaqstan»

قاراعاندى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار