كەزدەسۋ بارىسىندا قازاقستان پرەزيدەنتىنە ۋنيۆەرسيتەتتىڭ دامۋ پەرسپەكتيۆالارى مەن عىلىمي-زەرتتەۋ جۇمىستارىنىڭ ناتيجەلەرى جونىندە مالىمەت بەرىلدى.
نۇرسۇلتان نازارباەۆ وقۋ ورنىنىڭ وتاندىق ءبىلىم بەرۋ جۇيەسىندە ەرەكشە ورىن الاتىنىن اتاپ ءوتىپ, يندۋستريالاندىرۋ باعدارلاماسىنىڭ تالاپتارىنا سايكەس جوعارى بىلىكتى ماماندار دايارلاۋدىڭ ماڭىزدىلىعىن ايتتى.
– قانىش ساتباەۆ اتىنداعى ۇلتتىق تەحنيكالىق ۋنيۆەرسيتەت – ينجەنەر مامان دايارلايتىن ەڭ ءىرى وقۋ ورىندارىنىڭ ءبىرى. ءبىز ونى دامىتۋ ءۇشىن قاجەتتى جاعدايدىڭ ءبارىن جاساپ كەلەمىز. ۋنيۆەرسيتەتكە دەربەستىك بەرىلگەن. سونىمەن قاتار, بۇل وقۋ ورداسى زەرتتەۋ ۋنيۆەرسيتەتىنە اينالدى, – دەدى قازاقستان پرەزيدەنتى.
ە.بەيسەمبەتوۆ قولدانبالى جوبالاردى جۇزەگە اسىرۋ ءۇشىن قابىلدانىپ جاتقان شارالاردى, سونداي-اق, الەمدىك ۇردىستەردى ەسكەرە وتىرىپ, ءبىلىم بەرۋ ساپاسىن ارتتىرۋ ءۇشىن اتقارىلعان جۇمىستار جونىندە باياندادى.
