«وحوتزووپروم» ءوب» رمقك ينسپەكتورى ەرلان نۇرعاليەۆ 13 قاڭتاردا سيرەك كەزدەسەتىن جانە قۇرىپ كەتۋ قاۋپi بار اقبوكەندەردى قورعاۋ بارىسىندا براكونەرلەردىڭ قولىنان اۋىر جاراقات الىپ, قازا تاپقان بولاتىن. بۇل جايىندا ەڭ اۋەلى اشم ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز حاتشىسى ساكەن دىلداحمەت حابارلاعان ەدى.
ينسپەكتورلار 2019 جىلدىڭ 13 قاڭتارىندا قاراعاندى وبلىسىنىڭ نۇرا اۋدانىنا رەيد جاساۋعا شىعىپ, اتىلعان 5 كيىكتى تاۋىپ العان. سونداي-اق وقيعا بارىسىندا نومىرلەرى تىركەلمەگەن Toyota Land Cruiser ماركالى ەكى اۆتوكولىكتى كورگەن. بەلگىلى بولعانداي, كولىكتى ءتىنتۋ بارىسىندا ولارعا بەلگىسىز بىرەۋلەر قارسىلىق كورسەتكەن. سونىڭ سالدارىنان ءبىر ينسپەكتوردىڭ جاعى سىنىپ, ال ەكىنشى ينسپەكتور باس-سۇيەك جاراقاتىن الىپ, ءبىرشاما ۋاقىت اۋرۋحانادا ەس-ءتۇسسىز جاتقان. الايدا, دارىگەرلەر ەكىنشى ينسپەكتوردىڭ ءومىرىن ساقتاپ قالا المادى. ەرلان نۇرعاليەۆ ءبىر تاۋلىكتەن استام استانا قالاسىنداعى №1 اۋرۋحانانىڭ قارقىندى تەراپيا بولىمىندە وكپەنى جاساندى جەلدەتۋ ارقىلى ەس-ءتۇسسىز جاتىپ, كوز جۇمدى.
وسى وقيعاعا بايلانىستى قر قىلمىستىق كودەكسىنىڭ 2-بابىنا سايكەس قىلمىستىق ءىس قوزعالىپ, كۇدىكتىلەردى قولعا ءتۇسىرۋ جۇمىستارى جۇرگىزىلدى. قاراعاندى وبلىسىنداعى ينسپەكتورلارعا شابۋىل جاساۋ ءىسىن ەلىمىزدىڭ باس پروكۋرورى قايرات قوجامجاروۆ جەكە باقىلاۋىنا الدى. كەيىنىرەك, كەشەندى تەرگەۋ جۇمىستارىنان كەيىن قىلمىسقا قاتىسى بار ءۇش ادام انىقتالىپ, ولارعا مەملەكەتارالىق ىزدەۋ جاريالاندى. ىشكى ىستەر مينيسترلىگى حابارلاعانداي, ك.ۆ. اقشانوۆ, ب.م.احمەتوۆ جانە ن.م.شۇكىلدەكوۆ ينسپەكتور ولىمىنە كۇدىكتى ازاماتتار دەپ جاريالانعان بولاتىن.
ەسكە سالا كەتەيىك, ەرلان نۇرعاليەۆ 1966 جىلى اقمولا وبلىسىندا دۇنيەگە كەلگەن. ماماندىعى – دەنە شىنىقتىرۋ جانە اسكەري دايىندىق ءپانىنىڭ وقىتۋشىسى. 2012 جىلعى ناۋرىزدان باستاپ «وحوتزووپروم» ءوب» رمقك قاراعاندى تىرەك پۋنكتىندە ورتالىق ايماقتىق فيليالدىڭ ينسپەكتورى قىزمەتىن اتقاردى.
سونداي-اق ءدال وسىنداي وردەنمەن اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «وحوتزووپروم» ءوب» رمقك ورتالىق وڭىرلىك فيليالىنىڭ ينسپەكتورى نيتسىك پەتر الەكسەەۆيچ ماراپاتتالدى.
