5 قاڭتاردا باستالعان دوپ دوداسىندا 24 كوماندا باق سىنادى. ولار التى توپقا ءبولىنىپ, ءوزارا شەبەرلىك بايقاستى. سولاردىڭ اراسىنان 16 ەلدىڭ ورەندەرى 1/8 فينالعا جولداما الدى. ول كەزدەسۋلەردىڭ ناتيجەلەرى تومەندەگىدەي:
تايلاند – قىتاي 1:2,
يران – ومان 2:0,
يوردانيا – ۆەتنام 1:1 (پەنالتيدەن 2:4),
جاپونيا – ساۋد ارابياسى 1:0,
وڭتۇستىك كورەيا – باحرەين 2:1 (قوسىمشا ۋاقىت),
كاتار – يراك 1:0,
ءباا – قىرعىزستان 3:1 (قوسىمشا ۋاقىت),
اۆستراليا – وزبەكستان 0:0 (پەنالتيدەن 4:2).
شيرەك فينالعا شىققان كوماندالار 24-25 قاڭتار كۇندەرى جاسىل الاڭعا شىقتى. سول كەزدەسۋلەردىڭ ۇشەۋىندە 1:0 ەسەبى تىركەلدى. جاپونيا ۆەتنامدى, كاتار وڭتۇستىك كورەيانى جانە ءباا اۆستراليانى ءدال سونداي ەسەپپپەن ۇتتى. ال يران قۇراماسى قىتايدىڭ قاقپاسىنا جاۋاپسىز ءۇش گول سالدى – 3:0.
جارتىلاي فينالدا جاپونيا يراننىڭ تاس-تالقانىن شىعاردى. ەسەپ – 3:0. بۇل باسەكەدە يۋيا وساكو (بىرەۋى پەنالتيدەن) ەكى گول سوقسا, گەنكي حاراگۋتي ءبىر مارتە مەرگەندىك تانىتتى. كەلەسى ماتچتا دا ءىرى ەسەپ تىركەلدى. كاتار قۇراماسمى الاڭ يەلەرىن 4:0 ەسەبىمەن ۇتتى. بۇل گولداردىڭ اۆتورلارى – حۋكي بۋالەم, ءالي الموەز, ءال-حايدوز جانە يسمايل حاميد.
جاپونيا مەن كاتار فۋتبولشىلارى اراسىنداعى فينالدىق سايىس 1 اقپاندا ءابۋ-دابيدەگى 50 مىڭ كورەرمەنگە ەسەپتەلگەن «زايەد سپورت سيتي» ستاديونىندا وتەدى.
عالىم سۇلەيمەن,
«Egemen Qazaqstan»
