قر ورتالىق سايلاۋ كوميسسياسىنىڭ xاتشىسى باقىت مەلدەشەۆتىڭ ايتۋىنشا, س.ساپيەۆ دەپۋتاتتىقتان كەتۋ تۋرالى ءوتىنىشتى ءوزى بەردى. سونىڭ نەگىزىندە ونىڭ وكىلەتتىلىگىن مەرزىمىنەن بۇرىن توقتاتۋ تۋرالى ۇسىنىم ازىرلەندى. ءماجىلىس دەپۋتاتتارى قارسىلىق بىلدىرگەن جوق. ءبارى بىردەي ارنايى قاۋلى ءۇشىن داۋىس بەرىپ, اتالعان قۇجاتتى ءبىراۋىزدان قابىلدادى.
ال سپيكەر نۇرلان نىعماتۋلين پالاتا دەپۋتاتتارىنىڭ اتىنان سەرىك ساپيەۆكە ريزاشىلىق ءبىلدىرىپ, العىس حات تابىس ەتتى. ءوز كەزەگىندە, وليمپيادا چەمپيونى دا ريزاشىلىعىن جەتكىزدى.
«بەرىلگەن مۇمكىندىكتى پايدالانا وتىرىپ, مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان ءابىش ۇلىنا ماعان ارتقان سەنىمى ءۇشىن شەكسىز العىسىمدى بىلدىرگىم كەلەدى. سپورت الاڭىندا دا, قازىر دە ەلباسىنىڭ قولداۋىن ءاردايىم سەزىنىپ جۇرەمىز. سونداي-اق, قۇرمەتتى ارىپتەستەر, اربىرەۋىڭىزگە اقىل-كەڭەستەرىڭىز بەن قولداۋلارىڭىز ءۇشىن راقمەت ايتامىن. بۇل جەردە مەن ءبىراز تاجىريبە جينادىم. ەلىمىزدىڭ وركەندەۋى جولىندا سىزدەرمەن تىعىز جۇمىس جاساۋدى جالعاستىرا بەرەمىز دەپ سەنەمىن» دەدى س.ساپيەۆ.
ايتا كەتەيىك, لوندون وليمپياداسىنىڭ جەڭىمپازى سەرىك ساپيەۆ 2017 جىلدىڭ اقپان ايىندا پارلامەنت ءماجىلىسىنىڭ دەپۋتاتى قىزمەتىنە تاعايىندالعان بولاتىن.
