قازاقستان رەسپۋبليكاسىنىڭ زاڭى №541-IV

بەيسەنبى, 26 قاڭتار 2012 7:12

ەنەرگيا ۇنەمدەۋ جانە ەنەرگيا تيىمدىلىگىن  ارتتىرۋ تۋرالى

وسى زاڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىن­داعى قوعامدىق قاتىناستاردى رەتتەيدى جانە جەكە جانە زاڭدى تۇلعالار قىزمەتىنىڭ قۇقىقتىق, ەكونوميكالىق جانە ۇيىمداستىرۋشىلىق نەگىزدەرىن ايقىندايدى.

1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) اككرەديتتەۋ تۋرالى كۋالىك – ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى ۋاكىلەتتى ورگان بەرەتىن, زاڭدى تۇلعالاردىڭ ەنەرگيا ءاۋديتىن جانە (نەمەسە) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇزەگە اسىرۋ قۇزىرەتىن كۋالاندىراتىن رەسمي قۇجات;

بەيسەنبى, 26 قاڭتار 2012 7:12

ەنەرگيا ۇنەمدەۋ جانە ەنەرگيا تيىمدىلىگىن  ارتتىرۋ تۋرالى

وسى زاڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىن­داعى قوعامدىق قاتىناستاردى رەتتەيدى جانە جەكە جانە زاڭدى تۇلعالار قىزمەتىنىڭ قۇقىقتىق, ەكونوميكالىق جانە ۇيىمداستىرۋشىلىق نەگىزدەرىن ايقىندايدى.

1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) اككرەديتتەۋ تۋرالى كۋالىك – ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى ۋاكىلەتتى ورگان بەرەتىن, زاڭدى تۇلعالاردىڭ ەنەرگيا ءاۋديتىن جانە (نەمەسە) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇزەگە اسىرۋ قۇزىرەتىن كۋالاندىراتىن رەسمي قۇجات;

2) كۆازيمەملەكەتتىك سەكتور سۋبەكتىلەرى – مەملەكەتتىك كاسىپورىندار, جاۋاپكەرشىلىگى شەكتەۋلى سەرىكتەستىكتەر, اكتسيونەرلىك قوعامدار, ونىڭ ىشىندە قاتىسۋشىسى نەمەسە اكتسيونەرى مەملەكەت بولىپ تابىلاتىن ۇلتتىق باسقارۋ حولدينگتەرى, ۇلتتىق حولدينگتەر, ۇلتتىق كومپانيالار, سونداي-اق قازاقستان رەسپۋبليكاسىنىڭ زاڭنامالىق اكتىلەرىنە سايكەس ولارمەن ۇلەستەس بولىپ تابىلاتىن ەنشىلەس, تاۋەلدى جانە وزگە دە زاڭدى تۇلعالار;
3) مەملەكەتتىك ەنەرگەتيكالىق ءتىزىلىم – مەملەكەتتىك ەنەرگەتيكالىق ءتىزىلىم سۋبەكتىلەرى تۋرالى اقپاراتتىڭ جۇيەلەنگەن جيىنتىعى;
4) مەملەكەتتىك ەنەرگەتيكالىق ءتىزىلىم وپەراتورى – قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن مەملەكەتتىك ەنەرگەتيكالىق ءتىزىلىمدى قالىپتاستىرۋدى جانە جۇرگىزۋدى جۇزەگە اسىراتىن ۇيىم;
5) مەملەكەتتىك ەنەرگەتيكالىق ءتىزىلىم سۋبەكتىلەرى – ەنەرگەتيكالىق رەسۋرستاردى جىلىنا شارتتى وتىننىڭ ءبىر مىڭ بەس ءجۇز جانە ودان كوپ تونناعا بارابار كولەمىندە ەنەرگەتيكالىق رەسۋرستار تۇتىناتىن جەكە كاسىپكەرلەر جانە زاڭدى تۇلعالار, سونداي-اق مەملەكەتتىك مەكەمەلەر مەن كۆازيمەملەكەتتىك سەكتوردىڭ سۋبەكتىلەرى;
6) تەرموجاڭعىرتۋ – ۇيلەردىڭ, قۇرىلىستاردىڭ, عيماراتتاردىڭ جىلۋ ەنەرگياسى ىسىرابىنىڭ ازايۋىنا اكەلەتىن, ولاردىڭ جىلۋ تەحنيكالىق سيپاتتاماسىن جاقسارتۋ جونىندەگى ءىس-شارا;
7) ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىبى – ۇيلەردىڭ, قۇرىلىستاردىڭ, عيماراتتاردىڭ ەنەرگيا تۇتىنۋ ۇنەمدىلىگىنىڭ پايدالانۋ ساتىسىنداعى ەنەرگيا تيىمدىلىگىن سيپاتتاۋشى دەڭگەيى;
8) شارتتى وتىن – تەحنيكالىق-ەكونوميكالىق ەسەپتەۋلەر كەزىندە قابىل­دانعان, ورگانيكالىق وتىننىڭ الۋان تۇرلەرىنىڭ جىلۋ قۇندىلىعىن سالىستىرۋ ءۇشىن قىزمەت ەتەتىن, نورماتيۆتەر مەن ستاندارتتاردا رەگلامەنتتەلەتىن بىرلىك;
9) ەنەرگەتيكالىق اۋديت (ەنەرگيا ءاۋديتى) – ەنەرگيا ۇنەمدەۋدىڭ مۇمكىندىگى مەن الەۋەتىن باعالاۋ جانە قورىتىندى دايىنداۋ ماقساتىندا ەنەرگەتيكالىق رەسۋرستاردىڭ پايدالانىلۋى تۋرالى دەرەكتەردى جيناۋ, وڭدەۋ جانە تالداۋ;
10) ەنەرگەتيكالىق رەسۋرستار – زاپاستاعى ەنەرگياسى قازىرگى ۋاقىتتا شارۋاشىلىق جانە وزگە دە قىزمەت تۇرلەرىنە پايدالانىلاتىن نەمەسە پەرسپەكتيۆادا پايدالانىلۋى مۇمكىن تابيعي جانە وندىرىلگەن ەنەرگيا كوزدەرىنىڭ جيىنتىعى, سونداي-اق ەنەرگيا تۇرلەرى (اتوم, ەلەكتر, حيميا, ەلەكترلى-ماگنيتتى, جىلۋ جانە ەنەرگيانىڭ باسقا تۇرلەرى);
11) ەنەرگەتيكالىق رەسۋرستاردى ءتيىمدى پايدالانۋ – ەنەرگەتيكالىق رەسۋرستاردى پايدالانۋدىڭ تەحنيكالىق جاعىنان مۇمكىن بولاتىن جانە ەكونوميكالىق جاعىنان اقتالعان دەڭگەيىنە قول جەتكىزۋ;
12) ەنەرگەتيكالىق تيىمدىلىك (ەنەرگيا تيىمدىلىگى) – ەنەرگەتيكالىق رەسۋرستاردى پايدالانۋدان بولعان پايدالى اسەردىڭ وسى اسەردى الۋ ماقساتىندا وندىرىلگەن ەنەرگەتيكالىق رەسۋرستاردىڭ شىعىندارىنا قاتىناسىن كورسەتەتىن سيپاتتامالار;
13) ەنەرگيا تۇتىناتىن ەلەكتر قۇرىلعىسىنىڭ ەنەرگيا تيىمدىلىگى سىنىبى – ەنەرگيا تۇتىناتىن ەلەكتر قۇرىلعىسىنىڭ ەنەرگيا تۇتىنۋ ۇنەمدىلىگىنىڭ پايدالانۋ ساتىسىنداعى ەنەرگيا تيىمدىلىگىن سيپاتتاۋشى دەڭگەيى;
14) ەنەرگيا ۇنەمدەۋ – پايدالانىلاتىن ەنەرگەتيكالىق رەسۋرستاردىڭ كولەمىن ازايتۋعا باعىتتالعان ۇيىمداستىرۋشىلىق, تەحنيكالىق, تەحنولوگيا­لىق, ەكونوميكالىق جانە وزگە دە شارالاردى ىسكە اسىرۋ;
15) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى اككرەديتتەۋ – ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى ۋاكىلەتتى ورگاننىڭ ەنەرگيا ءاۋديتى جانە (نەمەسە) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇزەگە اسىرۋعا زاڭدى تۇلعالاردىڭ قۇزىرەتىن رەسمي تانۋ ءراسىمى;
16) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەنەدجمەنت (ەنەرگيا مەنەدجمەنتى) – ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساياساتىن, ءىس-شارالار جوسپارىن, مونيتورينگ راسىمدەرى مەن ادىستەمەلەرىن, ەنەرگيا تۇتىنۋدى باعالاۋدى ازىرلەۋ مەن ىسكە اسىرۋدى جانە ەنەرگيا تيىمدىلىگىن ارتتىرۋعا باعىتتالعان باسقا دا ءىس-قيمىلداردى قامتيتىن, ەنەرگەتيكالىق رەسۋرستاردى ۇتىمدى پايدالانۋدى قامتاماسىز ەتۋگە جانە باسقارۋ وبەكتىسىنىڭ ەنەرگيا تيىمدىلىگىن ارتتىرۋعا باعىتتالعان اكىمشىلىك ءىس-قيمىلدار كەشەنى;
17) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى باسشىلىقتى جۇزەگە اسىراتىن ورتالىق اتقارۋشى ورگان;
18) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسى – ەنەر­گەتيكالىق رەسۋرستاردى پايدالانۋمەن جانە ۇيلەردى, قۇرىلىستاردى, عي­ماراتتاردى سالۋ, سونداي-اق ولاردى رەكونسترۋكتسيالاۋدى, كۇردەلى جوندەۋدى ءجۇر­گىزۋ كەزىندە تۇتىنۋشىلاردىڭ ەنەرگيامەن قامتاماسىز ەتۋگە ارنالعان شى­عىندارىن وڭتايلاندىرۋىمەن بايلانىستى ساۋلەت-قۇرىلىس جانە تەحنيكا­لىق شەشىمدەردىڭ ەنەرگيا تيىمدىلىگىن باعالاۋ ماقساتىندا جۇرگىزىلەتىن ساراپتاما;
19) ەنەرگيا ۇنەمدەۋشى جابدىق – ەنەرگەتيكالىق رەسۋرستاردى پايدالانۋدىڭ تيىمدىلىگىن ارتتىرۋعا مۇمكىندىك بەرەتىن جابدىق;
20) ەنەرگيا ۇنەمدەۋشى ماتەريال – ەنەرگەتيكالىق رەسۋرستاردى پايدالانۋدىڭ تيىمدىلىگىن ارتتىرۋعا مۇمكىندىك بەرەتىن ماتەريال.
2-باپ. قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسى
1. قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعانداردان وزگە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.

2-تاراۋ. ەنەرگيا ۇنەمدەۋ جانە ەنەرگيا تيىمدىلىگىن
ارتتىرۋ سالاسىنداعى مەملەكەتتىك رەتتەۋ
3-باپ. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالا­سىنداعى مەملەكەتتىك رەتتەۋدىڭ نەگىزگى باعىتتارى
ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك رەتتەۋدىڭ نەگىزگى باعىتتارى:
1) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىندا تەحنيكالىق رەتتەۋدى جۇزەگە اسىرۋ;
2) ەنەرگەتيكالىق رەسۋرستاردى ءوندىرۋ جانە تۇتىنۋ سالاسىنداعى تەڭگەرىمدى تاريفتىك ساياسات پەن باعا بەلگىلەۋدى جۇزەگە اسىرۋ;
3) ەنەرگيا ۇنەمدەيتىن جابدىقتار مەن ماتەريالداردى پايدالانۋدى قوسا العاندا, ەنەرگيا ۇنەمدەۋدى جانە ەنەرگيا تيىمدىلىگىن ارتتىرۋدى ىنتالاندىرۋ;
4) ەنەرگەتيكالىق رەسۋرستاردىڭ ءتيىمدى پايدالانىلۋىنا مەملەكەتتىك باقىلاۋدى جۇزەگە اسىرۋ;
5) ەنەرگەتيكالىق رەسۋرستاردى ءتيىمدى پايدالانۋدىڭ ەكونوميكالىق, ەكولوگيالىق جانە الەۋمەتتىك ارتىقشىلىقتارىن ناسيحاتتاۋ, وسى سالادا قوعامدىق ءبىلىم بەرۋ دەڭگەيىن ارتتىرۋ;
6) قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسىنىڭ ساقتالۋىن قامتاماسىز ەتۋ بولىپ تابىلادى.
4-باپ. قازاقستان رەسپۋبليكاسى ۇكىمەتىنىڭ قۇزىرەتى
قازاقستان رەسپۋبليكاسىنىڭ ۇكىمەتى:
1) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى;
2) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى جۇمىستاردى ۇيلەستىرۋدى جۇزەگە اسىرادى;
3) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى حالىقارالىق ىنتىماقتاستىقتى جۇزەگە اسىرادى;
4) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى اككرەديتتەۋ قاعيداسىن بەكىتەدى;
5) ەنەرگيا تۇتىنۋدىڭ نورماتيۆتەرىن, دارا كاسىپكەرلەردىڭ جانە زاڭدى تۇلعالاردىڭ ەلەكتر جەلىلەرىندەگى قۋات كوەففيتسيەنتىنىڭ نورماتيۆتىك ءمانىن بەكىتەدى;
6) مەملەكەتتىك ەنەرگەتيكالىق ءتىزىلىمدى قالىپتاستىرۋ جانە جۇرگىزۋ ءتارتىبىن بەكىتەدى;
7) مەملەكەتتىك ەنەرگەتيكالىق ءتىزىلىم وپەراتورىن ايقىندايدى;
8) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ماسەلەلەرى بويىنشا جەرگىلىكتى اتقارۋشى ورگاندار قىزمەتىن باعالاۋ تەتىگىن بەكىتەدى;
9) ۇيلەردىڭ, قۇرىلىستاردىڭ, عيماراتتاردىڭ جانە ولاردىڭ قورشاۋ كونسترۋكتسيالارىنىڭ بولىگى بولىپ تابىلاتىن ەلەمەنتتەرىنىڭ ەنەرگيا تيىمدىلىگى جونىندەگى تالاپتاردى بەلگىلەيدى;
10) كولىكتىڭ ەنەرگيا تيىمدىلىگى بويىنشا تالاپتاردى بەلگىلەيدى;
11) ەلەكتر قوزعالتقىشتارىنىڭ ەنەرگيا تيىمدىلىگى بويىنشا تالاپتاردى بەلگىلەيدى;
12) ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىبىن ايقىنداۋ جانە قايتا قاراۋ قاعيداسىن بەكىتەدى;
13) ەنەرگيا ءاۋديتىن جۇرگىزۋ ءتارتىبىن جانە ەنەرگيا ۇنەمدەۋ مەن ەنەرگيا تيىمدىلىگىن ارتتىرۋ ساراپتاماسىن جۇرگىزۋ ءتارتىبىن بەكىتەدى;
14) ۇيلەردىڭ, قۇرىلىستاردىڭ, عيماراتتاردىڭ جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسىنا قويىلاتىن ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى تالاپتاردى بەكىتەدى;
15) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى ۇلگى كەلىسىمدى بەكىتەدى;
16) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى سالالىق باعدارلامانى بەكىتەدى;
17) ەنەرگيا ءاۋديتىنىڭ قورىتىندىسى بويىنشا مەملەكەتتىك ەنەرگەتي­كالىق ءتىزىلىم سۋبەكتىسى ازىرلەيتىن, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءىس-شارالار جوسپارىنىڭ نىسانى مەن مازمۇنىنا قويىلاتىن تالاپتاردى بەكىتەدى;
18) ەنەرگيا ءاۋديتىن جانە (نەمەسە) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇزەگە اسىراتىن كادرلاردى قايتا دايارلاۋ جانە ولاردىڭ بىلىكتىلىگىن ارتتىرۋ, سونداي-اق ەنەرگيا مەنەدجمەنتى جۇيەسىن قۇرۋ, ەنگىزۋ جانە ۇيىمداستىرۋ جونىندەگى وقۋ ورتالىقتارىنىڭ قىزمەت ءتارتىبىن ايقىندايدى;
19) ورتالىق اتقارۋشى ورگانداردىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتىڭ ىسكە اسىرىلۋى جونىندەگى ەسەپتەرىنىڭ نىسانىن جانە ولاردى ۇسىنۋ مەرزىمدەرىن بەكىتەدى;
20) وزىنە قازاقستان رەسپۋبليكاسىنىڭ كونستيتۋتسياسىندا, زاڭدارىندا جانە قازاقستان رەسپۋبليكاسى پرەزيدەنتىنىڭ اكتىلەرىندە جۇكتەلگەن وزگە دە فۋنكتسيالاردى ورىندايدى.
5-باپ. ۋاكىلەتتى ورگاننىڭ قۇزىرەتى
ۋاكىلەتتى ورگان:
1) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتى ىسكە اسىرادى;
2) ءوز قۇزىرەتى شەگىندە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى حالىقارالىق ىنتىماقتاستىقتى جۇزەگە اسىرادى;
3) مەملەكەتتىك ورگانداردىڭ ەنەرگيا ۇنەمدەۋ جانە ەنەرگيا تيىمدىلىگى سالاسىنداعى قىزمەتىن سالاارالىق ۇيلەستىرۋدى جۇزەگە اسىرادى;
4) مەملەكەتتىك ەنەرگەتيكالىق ءتىزىلىمدى قالىپتاستىرۋدى جانە جۇرگىزۋدى ۇيىمداستىرادى;
5) قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسى تالاپتارىنىڭ ساقتالۋىنا مەملەكەتتىك باقىلاۋدى جۇزەگە اسىرادى;
6) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى نورماتيۆتىك قۇقىقتىق اكتىلەردى ازىرلەيدى;
7) قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسىنىڭ تالاپتارىن بۇزۋشىلىقتاردى جويۋ تۋرالى نۇسقامانىڭ نىسانىن ازىرلەيدى جانە بەكىتەدى;
8) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى سالالىق باعدارلامانى ازىرلەيدى;
9) مەملەكەتتىك ەنەرگەتيكالىق ءتىزىلىمنىڭ ەنەرگەتيكالىق رەسۋرستاردى, سۋدى تۇتىنۋدىڭ كولەمىن ءونىمنىڭ, ۇيلەردىڭ, قۇرىلىستار مەن عيماراتتاردىڭ الاڭى بىرلىگىنە, ەنەرگيا ءاۋديتى قورىتىندىلارى بويىنشا ايقىندالعان شاماعا دەيىن جىل سايىن ازايتۋدى قامتاماسىز ەتپەگەن سۋبەكتىلەرىنىڭ, ونىڭ ىشىندە ەنەرگيا تۇتىنۋدىڭ نورماتيۆتەرىن ساقتامايتىن مەملەكەتتىك مەكەمە­لەردى قامتيتىن تىزبەسىن قالىپتاستىرادى جانە ءوزىنىڭ ينتەرنەت رەسۋرسىندا ورنالاستىرادى;
10) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى, سونداي-اق تەحنولوگيالىق ازىرلەمەلەردى جۇرگىزۋدى ۇيىمداستىرادى جانە ۇيلەستىرەدى;
11) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى اككرەديتتەۋ جونىندەگى تۇراقتى جۇمىس ىستەيتىن كوميسسيانى قۇرادى, ونىڭ قۇرامىن جانە قىزمەت ءتارتىبىن بەكىتەدى;
12) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى اككرەديتتەۋدى جۇرگىزەدى جانە اككرەديتتەۋ تۋرالى كۋالىكتىڭ نىسانىن بەكىتەدى;
13) اككرەديتتەۋ تۋرالى كۋالىك العان زاڭدى تۇلعالاردىڭ ءتىزىلىمىن جۇرگىزەدى;
14) ەنەرگيا ءاۋديتىن جانە (نەمەسە) ەنەرگيا ۇنەمدەۋ مەن ەنەرگيا تيىمدىلىگىن ارتتىرۋ ساراپتاماسىن جۇزەگە اسىراتىن كادرلاردى قايتا دايارلاۋ مەن ولاردىڭ بىلىكتىلىگىن ارتتىرۋ, سونداي-اق ەنەرگيا مەنەدجمەنتى جۇيەسىن قۇرۋ, ەنگىزۋ جانە ۇيىمداستىرۋ جونىندەگى وقۋ ورتالىقتارىن قۇرۋدى جانە ولاردىڭ جۇمىسىن ۇيىمداستىرادى;
15) ەنەرگيا ءاۋديتىن جانە (نەمەسە) ەنەرگيا ۇنەمدەۋ مەن ەنەرگيا تيىمدىلىگىن ارتتىرۋ ساراپتاماسىن جۇزەگە اسىراتىن كادرلاردى قايتا دايارلاۋ جانە ولاردىڭ بىلىكتىلىگىن ارتتىرۋ, سونداي-اق ەنەرگيا مەنەدجمەنتى جۇيەسىن قۇرۋ, ەنگىزۋ جانە ۇيىمداستىرۋ جونىندەگى وقۋ ورتالىقتارىنىڭ تىزبەسىن قالىپتاستىرادى;
16) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتىڭ ىسكە اسىرىلۋ مونيتورينگىن جۇزەگە اسىرادى, قا­زاقستان رەسپۋبليكاسىنىڭ ۇكىمەتى بەلگىلەگەن نىسان بويىنشا جانە مەرزىم­دەردە ورتالىق اتقارۋشى ورگاندار ۇسىناتىن ەسەپتەرگە تالداۋ جۇرگىزەدى;
17) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى ۇلگىلىك كەلىسىمدى ازىرلەيدى;
18) «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ زاڭىنا سايكەس ۆەدومستۆولىق ەسەپتىلىكتىڭ, تەكسەرۋ پاراقتارىنىڭ نىساندارىن, تاۋەكەل دارەجەسىن باعالاۋ ولشەمدەرىن, تەكسەرۋ جوسپارلارىن ازىرلەيدى جانە بەكىتەدى;
19) مەملەكەتتىك ەنەرگەتيكالىق ءتىزىلىم وپەراتورىن قازاقستان رەسپۋب­ليكاسىنىڭ ۇكىمەتىنە بەكىتۋگە ۇسىنادى;
20) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسىنىڭ پرەزيدەنتى مەن قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
6-باپ. ­وزگە دە مەملەكەتتىك ورگانداردىڭ ەنەرگيا ۇنەمدەۋ جانە  ەنەرگيا تيىمدىلىگىن ارتتىرۋ سالاسىنداعى قۇزىرەتى
1. ورتالىق اتقارۋشى ورگاندار ءوز قۇزىرەتى شەگىندە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتى ىسكە اسىرادى جانە قازاقستان رەسپۋبليكاسىنىڭ ۇكىمەتى بەلگىلەگەن نىسان بويىنشا جانە مەرزىمدەردە ۋاكىلەتتى ورگانعا ەنەرگيا ۇنەمدەۋ مەن ەنەرگيا تيىمدىلىگىن ارتتىرۋ تۋرالى ەسەپتەردى بەرەدى.
2. ساۋلەت, قالا قۇرىلىسى جانە قۇرىلىس ىستەرى جونىندەگى ۋاكىلەتتى مەملەكەتتىك ورگان:
1) ۇيلەردى, قۇرىلىستاردى, عيماراتتاردى رەكونسترۋكتسيالاۋ, سالۋ ماقساتىندا ازىرلەنەتىن جانە بەكىتىلەتىن ساۋلەت-قۇرىلىس جانە وزگە دە جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسىندا ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى تالاپتاردىڭ ساقتالۋىن قامتاماسىز ەتەدى;
2) تەرموجاڭعىرتۋدى ەسكەرە وتىرىپ, ۇلگىلىك كوپپاتەرلى ۇيلەردىڭ جوبالاۋ الدىنداعى جانە (نەمەسە) جوبالاۋ-سمەتالىق قۇجاتتامالارىنىڭ ازىرلەنۋى مەن بەكىتىلۋىن قامتاماسىز ەتەدى;
3) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
3. تەحنيكالىق رەتتەۋ سالاسىنداعى ۋاكىلەتتى مەملەكەتتىك ورگان:
1) كەدەن وداعىنىڭ تەحنيكالىق رەگلامەنتىنە سايكەس ەنەرگيا تۇتىناتىن ەلەكتر قۇرىلعىلاردىڭ تەحنيكالىق قۇجاتتاماسىندا جانە زاتتاڭبالارىندا ەنەرگيا تيىمدىلىگىنىڭ سىنىبى مەن سيپاتتامالارىنىڭ بەلگىلەنۋىنە مەملەكەتتىك باقىلاۋدى جۇزەگە اسىرادى;
2) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
4. وبلىستاردىڭ جەرگىلىكتى اتقارۋشى ورگاندارى:
1) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءىس-شارالاردى ءتيىستى اۋماقتىڭ دامۋ باعدارلاماسىنا ەنگىزۋدى قامتاماسىز ەتەدى;
2) ءوز قۇزىرەتى شەگىندە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتى ىسكە اسىرادى;
3) ءوز قۇزىرەتى شەگىندە مەملەكەتتىك مەكەمەلەردىڭ ەنەرگيا تۇتىنۋدىڭ نورماتيۆتەرىن ساقتاۋىنا مونيتورينگتى جۇزەگە اسىرادى;
4) قازاقستان رەسپۋبليكاسىنىڭ زاڭناماسىنا سايكەس وزگە دە فۋنكتسيالاردى جۇزەگە اسىرادى.
5. رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى:
1) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءىس-شارالاردى ءتيىستى اۋماقتىڭ دامۋ باعدارلاماسىنا ەنگىزۋدى قامتاماسىز ەتەدى;
2) ءوز قۇزىرەتى شەگىندە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتى ىسكە اسىرادى;
3) ءوز قۇزىرەتى شەگىندە مەملەكەتتىك مەكەمەلەردىڭ ەنەرگيا تۇتىنۋدىڭ نور­ماتيۆتەرىن ساقتاۋىنا مونيتورينگتى جۇزەگە اسىرادى, مەملەكەتتىك مەكە­مەلەردىڭ ەنەرگيا ءاۋديتىن وتكىزۋدى, تەرموجاڭعىرتۋدى, مەملەكەتتىك مەكەمەلەر ءۇشىن ەنەرگەتيكالىق رەسۋرستاردى ەسەپكە الۋ اسپاپتارى مەن جىلۋ تۇتىنۋدى رەتتەۋدىڭ اۆتوماتتى جۇيەلەرىن ساتىپ الۋدى جانە ورناتۋدى ۇيىمداستىرادى, سونداي-اق ەنەرگيا ۇنەمدەيتىن شامداردى پايدالانۋدى ەسكەرە وتىرىپ, ساياباققا جانە كوشەگە جارىق بەرۋدى جاڭعىرتۋدى قامتاماسىز ەتەدى;
4) تۇرعىنداردا پايدالانۋدا بولعان, قۇرامىندا سىناپ بار ەنەرگيا ۇنەمدەۋ شامدارىن كادەگە جاراتۋدى ۇيىمداستىرادى;
5) قازاقستان رەسپۋبليكاسىنىڭ زاڭناماسىنا سايكەس وزگە دە فۋنكتسيالاردى جۇزەگە اسىرادى.
6. اۋدانداردىڭ (وبلىستىق ماڭىزى بار قالالاردىڭ) جەرگىلىكتى اتقارۋشى ورگاندارى:
1) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءىس-شارالاردى ءتيىستى اۋداننىڭ (وبلىستىق ماڭىزى بار قالانىڭ) دامۋ باعدارلاماسىنا ەنگىزۋدى قامتاماسىز ەتەدى;
2) ءوز قۇزىرەتى شەگىندە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك ساياساتتى ىسكە اسىرادى;
3) ءوز قۇزىرەتى شەگىندە مەملەكەتتىك مەكەمەلەردىڭ ەنەرگيا تۇتىنۋ نور­ماتيۆتەرىن ساقتاۋىنا مونيتورينگتى جۇزەگە اسىرادى, مەملەكەتتىك مەكە­مەلەردىڭ ەنەرگيا ءاۋديتىن وتكىزۋدى, تەرموجاڭعىرتۋدى, مەملەكەتتىك مەكەمەلەر ءۇشىن ەنەرگەتيكالىق رەسۋرستاردى ەسەپكە الۋ اسپاپتارى مەن جىلۋ تۇتىنۋدى رەتتەۋدىڭ اۆتوماتتى جۇيەلەرىن ساتىپ الۋدى جانە ورناتۋدى ۇيىمداستىرادى, سونداي-اق ەنەرگيا ۇنەمدەيتىن شامداردى پايدالانۋدى ەسكەرە وتىرىپ, ساياباققا جانە كوشەگە جارىق بەرۋدى جاڭعىرتۋدى قامتاماسىز ەتەدى;
4) تۇرعىنداردا پايدالانۋدا بولعان, قۇرامىندا سىناپ بار ەنەرگيا ۇنەمدەۋ شامدارىن كادەگە جاراتۋدى ۇيىمداستىرادى;
5) قازاقستان رەسپۋبليكاسىنىڭ زاڭناماسىنا سايكەس وزگە دە فۋنكتسيالاردى جۇزەگە اسىرادى.
7-باپ. قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا ءتيىم­دىلىگىن ارتتىرۋ تۋرالى زاڭناماسىنىڭ ساقتالۋىن مەملەكەتتىك با­قىلاۋ
1. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى مەملەكەتتىك باقىلاۋ:
1) مەملەكەتتىك ەنەرگەتيكالىق تىزىلىمگە ۇسىنىلاتىن اقپاراتتىڭ دۇرىستىعىنا;
2) وسى زاڭنىڭ 11-بابىنىڭ 3-تارماعىندا كورسەتىلگەن وبەكتىلەردەن باسقا, ۇيلەردە, قۇرىلىستار مەن عيماراتتاردا ەنەرگيا تيىمدىلىگى جونىندەگى تالاپتاردىڭ ورىندالۋىنا;
3) دارا كاسىپكەرلەردىڭ جانە زاڭدى تۇلعالاردىڭ ەنەرگيا تۇتىنۋ نورماتيۆتەرى مەن ەلەكتر جەلىلەرىندەگى قۋات كوەففيتسيەنتىنىڭ نورماتيۆتىك ماندەرىن ساقتاۋىنا;
4) ەنەرگيا ءاۋديتىنىڭ جانە ەنەرگيا ۇنەمدەۋ مەن ەنەرگيا تيىمدىلىگىن ارتتىرۋ ساراپتاماسىنىڭ جۇرگىزىلۋىنە, ەنەرگيا ءاۋديتىن جانە (نەمەسە) ەنەرگيا ۇنەمدەۋ مەن ەنەرگيا تيىمدىلىگىن ارتتىرۋ ساراپتاماسىن جۇزەگە اسىراتىن كادرلاردى قايتا دايارلاۋ مەن ولاردىڭ بىلىكتىلىگىن ارتتىرۋ, سونداي-اق ەنەرگيا مەنەدجمەنتى جۇيەسىن قۇرۋ, ەنگىزۋ جانە ۇيىمداستىرۋ جونىندەگى وقۋ ورتالىقتارىنا قويىلاتىن تالاپتاردىڭ ساقتالۋىنا;
5) وسى زاڭدا جانە ەنەرگيا ۇنەمدەۋ مەن ەنەرگيا تيىمدىلىگىن ارتتىرۋ سالاسىنداعى باسقا دا نورماتيۆتىك قۇقىقتىق اكتىلەردە بەلگىلەنگەن وزگە دە تالاپتاردىڭ ساقتالۋىنا جۇزەگە اسىرىلادى.
2. قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسىنىڭ ساقتالۋىنا مەملەكەتتىك باقىلاۋ تەكسەرۋ نىسانىندا جانە وزگە دە نىسانداردا جۇزەگە اسىرىلادى.
تەكسەرۋ «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى.
3-تاراۋ. ەنەرگيا ۇنەمدەۋ جانە ەنەرگيا تيىمدىلىگىن
ارتتىرۋ سالاسىنداعى جالپى تالاپتار
8-باپ. ەنەرگيا ۇنەمدەيتىن جابدىقتار مەن ماتەريالداردى پايدالانۋ, جاڭا وبەكتىلەردى قابىلداۋ بويىنشا شەكتەۋلەر جانە تۇتىنىلعان جىلۋ ەنەرگياسى ءۇشىن اقى تولەۋ
1. ەنەرگەتيكالىق رەسۋرستاردى تۇتىناتىن وبەكتىلەردىڭ قۇرىلىس جوبالارىندا ەنەرگيا ۇنەمدەيتىن ماتەريالداردى مىندەتتى پايدالانۋ, ەنەرگەتيكالىق رەسۋرستاردى ەسەپكە الۋ اسپاپتارىن, جىلۋ تۇتىنۋدى رەتتەۋدىڭ اۆتوماتتاندىرىلعان جۇيەلەرىن ورناتۋ كوزدەلەدى.
كوپپاتەرلى تۇرعىن ۇيلەردىڭ جوبالارىندا ەنەرگيا ۇنەمدەيتىن ماتەريال­داردى مىندەتتى پايدالانۋ, جالپى ءۇيدىڭ جىلۋ ەنەرگياسىن ەسەپكە الۋ اسپاپ­تارىن جانە پاتەر بويىنشا ەلەكتر ەنەرگياسىن, سۋىق جانە ىستىق سۋدى, گازدى ەسەپكە الۋ اسپاپتارىن, سونداي-اق جىلىتۋ جۇيەلەرىندە رەتتەۋشى اسپاپتاردى, جىلۋ تۇتىنۋدى رەتتەۋدىڭ اۆتوماتتاندىرىلعان جۇيەلەرىن ورناتۋ كوزدەلەدى.
2. ەنەرگەتيكالىق رەسۋرستاردى تۇتىناتىن, ەنەرگەتيكالىق رەسۋرستاردى ەسەپكە الۋدىڭ ءتيىستى اسپاپتارىمەن جانە جىلۋ تۇتىنۋدى رەتتەۋدىڭ اۆتوماتتاندىرىلعان جۇيەلەرىمەن جاراقتاندىرىلماعان جاڭا وبەكتىلەردى پايدالانۋعا قابىلداۋعا جول بەرىلمەيدى.
3. وسى باپتىڭ 1 جانە 2-تارماقتارىنىڭ جىلۋ تۇتىنۋدى رەتتەۋدىڭ اۆتوماتتاندىرىلعان جۇيەلەرى بولىگىندەگى تالاپتارى جىلۋ ەنەرگياسىن ساعات بويىنشا ورتاشا 50 كۆت-دان از تۇتىناتىن (جىلۋ ەنەرگياسى, جىلىتۋ, جەلدەتۋ, كونديتسيونەرلەۋ جانە ىستىق سۋمەن جابدىقتاۋ شىعىستارىن قوسا العاندا) وبەكتىلەرگە قولدانىلمايدى.
4. تۇتىنۋشىلار قازاقستان رەسپۋبليكاسىنىڭ تابيعي مونوپوليالار جانە رەتتەلەتىن نارىقتار تۋرالى زاڭناماسىنا سايكەس بەكىتىلگەن, جىلۋ ەنەرگياسىن ەسەپكە الۋ اسپاپتارىنىڭ بولۋىنا نەمەسە بولماۋىنا بايلانىستى سارالانعان تاريفتەر بويىنشا تۇتىنىلعان جىلۋ ەنەرگياسى ءۇشىن اقى تولەۋدى جۇرگىزەدى.
9-باپ. مەملەكەتتىك ەنەرگەتيكالىق ءتىزىلىم
1. مەملەكەتتىك ەنەرگەتيكالىق تىزىلىمگە ەنگىزىلەتىن اقپارات:
1) مەملەكەتتىك ەنەرگەتيكالىق ءتىزىلىم سۋبەكتىلەرىنىڭ اتاۋىن, مەكەنجايى مەن ولاردىڭ قىزمەتىنىڭ نەگىزگى تۇرلەرىن;
2) كۇنتىزبەلىك ءبىر جىل ىشىندە زاتتاي جانە اقشالاي كورىنىستەگى ەنەرگەتي­كالىق رەسۋرستاردى جانە سۋدى ءوندىرۋ, شىعارۋ, تۇتىنۋ, بەرۋ جانە جوعالتۋ كولەمدەرىن;
3) ەنەرگيا ءاۋديتى قورىتىندىسى بويىنشا مەملەكەتتىك ەنەرگەتيكالىق ءتىزىلىم سۋبەكتىسى ازىرلەيتىن ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءىس-شارالار جوسپارىن, سونداي-اق وسى ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءىس-شارالار جوسپارىنا ەنگىزىلەتىن تولىقتىرۋلاردى جانە (نەمەسە) وزگەرىستەردى;
4) ەسەپتى كەزەڭ ىشىندە ەنەرگيا ءاۋديتى قورىتىندىسى بويىنشا مەملەكەت­تىك ەنەرگەتيكالىق ءتىزىلىم سۋبەكتىسى ازىرلەيتىن ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءىس-شارالار جوسپارىنىڭ ورىندالۋ ناتيجە­لەرىن;
5) ءونىم بىرلىگىنە شاققاندا ناقتى ەنەرگيا تۇتىنۋدى جانە (نەمەسە) ۇيلەر, قۇرىلىستار, عيماراتتار اۋدانىنىڭ بىرلىگىنە شاققاندا جىلىتۋعا كەتكەن ەنەرگەتيكالىق رەسۋرستار شىعىنىن;
6) ەنەرگيا ءاۋديتى بويىنشا قورىتىندىنىڭ كوشىرمەسىن;
7) ەنەرگەتيكالىق رەسۋرستاردى ەسەپكە الۋ اسپاپتارىمەن جاراقتان­دىرىلۋى تۋرالى اقپاراتتى قامتيدى.
2. مەملەكەتتىك مەكەمەلەر ءۇشىن 3), 4), 6) تارماقشالاردى قوسپاعاندا, وسى باپتىڭ 1-تارماعىندا كورسەتىلگەن اقپاراتتى مەملەكەتتىك ەنەرگەتيكالىق ءتىزىلىم سۋبەكتىلەرى جىل سايىن قاعاز جانە ەلەكتروندى جەتكىزگىشتەردە ءبىرىنشى ناۋرىزعا دەيىن مەملەكەتتىك ەنەرگەتيكالىق ءتىزىلىم وپەراتورىنا ۇسىنادى.
3. مەملەكەتتىك ەنەرگەتيكالىق ءتىزىلىمنىڭ جانە مەملەكەتتىك ورگانداردىڭ دەرەكتەرى نەگىزىندە ۋاكىلەتتى ورگان جالپى ىشكى ءونىمنىڭ ەنەرگيا سىيىمدى­لىعىن جانە قازاقستان رەسپۋبليكاسىندا ەنەرگەتيكالىق رەسۋرستاردى پايدالانۋ تيىمدىلىگىن تالداۋدى جانە بولجامداۋدى قامتاماسىز ەتەدى.
10-باپ. ەنەرگيا مەنەدجمەنتى
1. جىلىنا ءبىر مىڭ بەس ءجۇز جانە ودان كوپ تونناعا بارابار شارتتى وتىن كولەمىندە ەنەرگەتيكالىق رەسۋرستاردى تۇتىناتىن مەملەكەتتىك ەنەرگەتيكا­لىق ءتىزىلىم سۋبەكتىلەرى ەنەرگيا مەنەدجمەنتى بويىنشا حالىقارالىق ستاندارتتىڭ تالاپتارىنا سايكەس ەنەرگيا مەنەدجمەنتىنىڭ جۇيەسىن قۇرۋعا, ەنگىزۋگە جانە ونىڭ جۇمىسىن ۇيىمداستىرۋعا مىندەتتى.
2. ەنەرگيا مەنەدجمەنتى جۇيەسىن قۇرۋدى, ەنگىزۋدى جانە ۇيىمداستىرۋدى باقىلاۋ جىلىنا ءبىر مىڭ بەس ءجۇز جانە ودان كوپ تونناعا بارابار شارتتى وتىن كولەمىندە ەنەرگەتيكالىق رەسۋرستاردى تۇتىناتىن مەملەكەتتىك ەنەرگەتيكالىق ءتىزىلىم سۋبەكتىلەرىنىڭ ءبىرىنشى باسشىلارىنا جۇكتەلەدى.
11-باپ. ۇيلەردىڭ, قۇرىلىستاردىڭ, عيماراتتاردىڭ ەنەرگيا ءتيىمدى­لىگىن قامتاماسىز ەتۋ
1. جوبالاناتىن جانە سالىناتىن (رەكونسترۋكتسيالاناتىن, كۇردەلى جوندەلەتىن) ۇيلەر, قۇرىلىستار, عيماراتتار قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسىنىڭ تالاپتارىنا سايكەس كەلۋگە ءتيىس.
2. ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى بويىنشا تالاپتارى:
1) ۇيدەگى, قۇرىلىستاعى, عيماراتتاعى ەنەرگەتيكالىق رەسۋرستار شىعى­نىنىڭ ۇلەستىك شاماسىن سيپاتتايتىن كورسەتكىشتەردى;
2) ساۋلەت, كولەمدىك-جوسپارلاۋ, تەحنولوگيالىق, كونسترۋكتسيالىق جانە ينجەنەرلىك-تەحنيكالىق شەشىمدەرگە ۇيلەردىڭ, قۇرىلىستاردىڭ, عيماراتتار­دىڭ ەنەرگيا تيىمدىلىگىنە ىقپال ەتەتىن تالاپتاردى;
3) ۇيلەردە, قۇرىلىستاردا, عيماراتتاردا پايدالانىلاتىن ينجەنەرلىك جۇيەلەر مەن تەحنولوگيالىق جابدىقتارعا قويىلاتىن تالاپتاردى;
4) جوبالاۋ قۇجاتتاماسىنا ەنگىزىلەتىن جانە ۇيلەردى, قۇرىلىستاردى, عيماراتتاردى سالۋ (رەكونسترۋكتسيالاۋ, كۇردەلى جوندەۋ) كەزىندە قولدانىلاتىن تەحنولوگيالار مەن ماتەريالدارعا قويىلاتىن, ەنەرگەتيكالىق رەسۋرستاردىڭ ۇتىمسىز (نەگىزسىز) شىعىستارىن بولدىرماۋعا مۇمكىندىك بەرەتىن تالاپتاردى قامتۋى ءتيىس.
ۇيلەردى, قۇرىلىستاردى, عيماراتتاردى پايدالانۋعا بەرۋ كەزىندە ەنەرگيا تيىمدىلىگى جونىندەگى تالاپتاردى ورىنداۋ قۇرىلىس سالۋشىعا جۇكتەلەدى.
3. ەنەرگيا تيىمدىلىگى جونىندەگى تالاپتار مىناداي ۇيلەرگە, قۇرىلىستارعا, عيماراتتارعا قولدانىلمايدى:
1) تاريحي-مادەني مۇرا وبەكتىلەرىنە جاتقىزىلعان ۇيلەر, قۇرىلىستار, عيماراتتار;
2) قىزمەت مەرزىمى ەكى جىلدان اسپايتىن شارۋاشىلىق ماقساتتاعى ۋاقىتشا قۇرىلىستار, قوسالقى ءۇي-جايلار;
3) جەكە تۇرعىن ۇيلەر, سونداي-اق ساياجاي جانە باۋ-باقشا ۋچاسكەلەرىندە ورنالاسقان قۇرىلىستار;
4) جالپى الاڭى ەلۋ شارشى مەتردەن از بولەك تۇرعان ۇيلەر, قۇرىلىستار, عيماراتتار;
5) عيبادات ەتۋ ۇيلەرى, قۇرىلىستارى جانە عيماراتتارى;
6) بولەك تۇرعان جىلىتىلمايتىن ۇيلەر, قۇرىلىستار, عيماراتتار.
4. ەنەرگيا تيىمدىلىگىنىڭ تالاپ ەتىلەتىن سىنىبى قۇرىلىس (رەكونسترۋكتسيالاۋ, كۇردەلى جوندەۋ) جوباسىن ازىرلەۋگە تاپسىرىس بەرۋشىنىڭ تاپسىرماسىندا كورسەتىلەدى جانە قۇرىلىسى (رەكونسترۋكتسيالاۋ, كۇردەلى جوندەۋ) اياقتالعان وبەكت پايدالانۋعا بەرىلگەننەن كەيىن جىلجىمايتىن م ۇلىككە ارنالعان قۇقىقتاردى تىركەۋ كەزىندە سالىنعان جانە پايدالانۋعا بەرىلگەن وبەكتىنىڭ تەحنيكالىق پاسپورتىندا كورسەتىلەدى.
5. قولدانىستاعى ۇيلەردىڭ, قۇرىلىستاردىڭ, عيماراتتاردىڭ ەنەرگيا ءتيىم­دىلىگى سىنىبى جانە ونى قايتا قاراۋ قازاقستان رەسپۋبليكاسىنىڭ ۇكىمەتى اي­قىن­داعان تارتىپپەن, ەنەرگيا ءاۋديتىن جۇرگىزۋ قورىتىندىلارى بويىنشا بەلگى­لەنەدى جانە ءۇيدىڭ, قۇرىلىستىڭ, عيماراتتىڭ تەحنيكالىق پاسپورتىندا كورسەتىلەدى.
ەنەرگيا ءاۋديتىنىڭ قورىتىندىسى ۇيلەردىڭ, قۇرىلىستاردىڭ, عيماراتتار­دىڭ تەحنيكالىق پاسپورتىنا قوسا بەرىلەدى.
12-باپ. ەنەرگيا تۇتىناتىن ەلەكتر قۇرىلعىلارى
1. قازاقستان رەسپۋبليكاسىنىڭ اۋماعىندا ساتىلاتىن, ەنەرگيا تۇتىناتىن ەلەكتر قۇرىلعىلارىنىڭ تەحنيكالىق قۇجاتتاماسىندا جانە زاتتاڭبالارىندا ولاردىڭ سىنىبى مەن ەنەرگيا تيىمدىلىگىنىڭ سيپاتتامالارى تۋرالى اقپارات بولۋعا ءتيىس.
2. وسى باپتىڭ 1-تارماعىنىڭ تالاپتارى قولدانىلاتىن ەنەرگيا تۇتىنا­تىن ەلەكتر قۇرىلعىلارىنىڭ تىزبەسى كەدەن وداعىنىڭ تەحنيكالىق رەگلامەنتىندە بەلگىلەنەدى.
3. ەنەرگيا تيىمدىلىگىنىڭ سىنىبى مەن سيپاتتامالارىن انىقتاۋ كەدەن وداعىنىڭ تەحنيكالىق رەگلامەنتىنە سايكەس جۇرگىزىلەدى جانە ونى ءوندىرۋشى (يمپورتتاۋشى) جۇزەگە اسىرادى.
4. وندىرۋشىلەر (يمپورتتاۋشىلار) ەنەرگيا تۇتىناتىن ەلەكتر قۇرىلعىلارىنىڭ تەحنيكالىق قۇجاتتاماسىندا جانە زاتتاڭبالارىندا ەنەرگيا تيىمدىلىگىنىڭ سىنىبى مەن سيپاتتامالارىن كەدەن وداعىنىڭ تەحنيكالىق رەگلامەنتىنە سايكەس كورسەتۋگە مىندەتتى.
13-باپ. ونىمدەردى ءوندىرۋ, ساتۋ جانە پايدالانۋ بويىنشا شەكتەۋلەر
ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ماقساتىندا مىنالارعا:
1) جارىق بەرۋ ماقساتىندا اۋىسپالى توك تىزبەكتەرىندە پايدالانىلۋى مۇمكىن, قۋاتى 25 ۆت جانە ودان جوعارى ەلەكتر قىزدىرۋ شامدارىن وندىرۋگە, ساتۋعا;
2) جارىق بەرۋ ماقساتىندا اۋىسپالى توك تىزبەكتەرىندە پايدالانىلۋى مۇمكىن, قۋاتى 25 ۆت جانە ودان جوعارى ەلەكتر قىزدىرۋ شامدارىن مەملەكەتتىك مەكەمەلەر مەن كۆازيمەملەكەتتىك سەكتور سۋبەكتىلەرى ءۇشىن ساتىپ الۋدى جۇزەگە اسىرۋعا;
3) سالىنىپ جاتقان (رەكونسترۋكتسيالاناتىن, كۇردەلى جوندەلەتىن) ۇيلەردە, قۇرىلىستاردا, عيماراتتاردا قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسىندا بەلگىلەنگەن تالاپتارعا سايكەس كەلمەيتىن ماتەريالداردى وندىرۋگە جانە تەحنولوگيالار مەن ماتەريالداردى پايدالانۋعا;
4) كەدەن وداعىنىڭ تەحنيكالىق رەگلامەنتىنە سايكەس ولاردىڭ ەنەرگيا تيىمدىلىگىنىڭ سىنىبى مەن سيپاتتامالارى تۋرالى اقپاراتتى قامتىمايتىن ەنەرگيا تۇتىناتىن ەلەكتر قۇرىلعىلارىن وندىرۋگە, ساتۋعا;
5) 2,5 دالدىك سىنىبى بار ەلەكتر ەنەرگياسىن ەسەپتەۋىشتەردى كوممەرتسيالىق ەسەپكە الۋ ماقساتىندا پايدالانۋعا جول بەرىلمەيدى.
2. جاڭا ىسكە قوسىلعان وبەكتىلەردە جانە قولدانىستاعى وبەكتىلەردەگى ەلەكتر ەنەرگياسىن ەسەپتەۋىشتەردى اۋىستىرۋ كەزىندە تاۋلىك ۋاقىتى بويىنشا ەلەكتر ەنەرگياسىنىڭ شىعىستارىن سارالاپ ەسەپكە الۋعا جانە باقىلاۋعا ارنالماعان ەلەكتر ەنەرگياسىن ەسەپتەۋىشتەردى پايدالانۋعا تىيىم سالىنادى.

4-تاراۋ. ەنەرگيا ۇنەمدەۋدى جانە ەنەرگيا تيىمدىلىگىن ارتتىرۋدى قامتاماسىز ەتۋگە باعىتتالعان ءىس-شارالار
14-باپ. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىن­داعى اككرەديتتەۋ
1. ەنەرگيا ءاۋديتى مەن ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسى ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى قىزمەتتىڭ اككرەديتتەلەتىن تۇرلەرىنە جاتادى.
2. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى اككرەديتتەۋ قازاقستان رەسپۋبليكاسىنىڭ ۇكىمەتى بەكىتكەن قاعيدالارعا سايكەس جۇزەگە اسىرىلادى.
3. زاڭدى تۇلعالاردىڭ اككرەديتتەۋ تۋرالى قۇجاتتارىن قاراۋ جانە ولار بويىنشا شەشىم قابىلداۋ ءۇشىن ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىندا اككرەديتتەۋ جونىندەگى تۇراقتى جۇمىس ىستەيتىن كوميسسيا قۇرىلادى, ونىڭ قۇرامى مەن قىزمەت ءتارتىبىن ۋاكىلەتتى ورگاننىڭ باسشىسى ايقىندايدى.
اككرەديتتەۋ تۋرالى قۇجاتتاردى قاراۋدى كوميسسيا ولار ۋاكىلەتتى ورگانعا كەلىپ تۇسكەن كەزدەن باستاپ ەسەپتەلەتىن وتىز جۇمىس كۇنى ىشىندە جۇزەگە اسىرادى.
وڭ شەشىم قابىلدانعان جاعدايدا ۋاكىلەتتى ورگان ءوتىنىش بەرۋشىگە اككرەديتتەۋ تۋرالى كۋالىك بەرەدى.
اككرەديتتەۋدەن باس تارتقان جاعدايدا ءوتىنىش بەرۋشىگە باس تارتۋ سەبەبى كورسەتىلە وتىرىپ, دالەلدى جازباشا جاۋاپ جىبەرىلەدى.
اككرەديتتەۋدەن باس تارتۋ ءۇشىن:
1) ۇسىنىلعان قۇجاتتاردا بۇرىس اقپاراتتىڭ بولۋى;
2) ۇسىنىلعان اقپاراتتىڭ ەنەرگيا ءاۋديتى جانە (نەمەسە) ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسى بويىنشا قىزمەتتى جۇزەگە اسىرۋ ءۇشىن قويىلاتىن تالاپتارعا سايكەس كەلمەۋى;
3) قىزمەتتىڭ مالىمدەلگەن تۇرىمەن اينالىسۋعا تىيىم سالۋ تۋرالى سوت شەشىمىنىڭ بولۋى نەگىز بولىپ تابىلادى.
4. ۋاكىلەتتى ورگان بەرگەن اككرەديتتەۋ تۋرالى كۋالىك قازاقستان رەسپۋب­ليكاسىنىڭ بۇكىل اۋماعىندا جارامدى جانە ونىڭ قولدانىلۋ مەرزىمى بەس جىل بولادى.
اككرەديتتەۋ تۋرالى كۋالىكتىڭ قولدانىلۋ مەرزىمى اككرەديتتەۋ تۋرالى شەشىم قابىلدانعان ساتتەن باستاپ ەسەپتەلەدى.
5. اككرەديتتەۋ تۋرالى كۋالىكتەن ايىرۋ قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە كوزدەلگەن تارتىپپەن جۇزەگە اسىرىلادى.
6. اككرەديتتەۋ تۋرالى كۋالىكتىڭ قولدانىلۋىن توقتاتۋدىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناما تالاپتارىنىڭ بۇزىلۋىنا بايلانىستى ەمەس نەگىزدەرى مىنالار بولىپ تابىلادى:
1) اككرەديتتەلگەن سۋبەكتىنىڭ جازباشا ءوتىنىشى;
2) اككرەديتتەلگەن سۋبەكتىنىڭ تاراتىلۋى نەمەسە بانكروتقا ۇشىراۋى.
7. ەنەرگيا ءاۋديتىن جانە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇزەگە اسىرۋ ءۇشىن قويىلاتىن, زاڭدى تۇلعالار سايكەس بولۋعا ءتيىس تالاپتار قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسىندا بەلگىلەنەدى.
15-باپ. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسى
1. كۇنتىزبەلىك ءبىر جىل ىشىندە بەس ءجۇز جانە ودان كوپ تونناعا بارابار شارتتى وتىن مولشەرىندە ەنەرگەتيكالىق رەسۋرستار تۇتىناتىن جاڭا ۇيلەردى, قۇرىلىستاردى, عيماراتتاردى سالۋدىڭ نەمەسە قازىرگى بارلارىن كەڭەيتۋدىڭ (كۇردەلى جوندەۋدىڭ, رەكونسترۋكتسيالاۋدىڭ) جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسى مىندەتتى تۇردە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىنا جاتادى.
قولدانىستاعى مەملەكەتتىك نەمەسە مەملەكەتارالىق نورماتيۆتەردىڭ بولۋىمەن قامتاماسىز ەتىلمەگەن, جوق نورماتيۆتەردى الماستىراتىن ارنايى تەحنيكالىق شارتتار (ەرەكشە نورمالار) بويىنشا ازىرلەنگەن وبەكتىلەردى سالۋعا ارنالعان جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسى بويىنشا ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن وتكىزۋ مىندەتتى بولىپ تابىلادى.
مەملەكەتتىك ساراپتاماعا جاتاتىن, ەنەرگيا ۇنەمدەۋگە جانە ەنەرگيا تيىمدىلىگىن ارتتىرۋعا قويىلاتىن قازاقستان رەسپۋبليكاسىندا قولدانىستاعى مەملەكەتتىك نەمەسە مەملەكەتارالىق نورماتيۆتىك تالاپتارعا سايكەس ورىندال­عان, كۇنتىزبەلىك ءبىر جىل ىشىندە ەنەرگەتيكالىق رەسۋرستاردى جيىنتىق جىلدىق تۇتىنۋى بەس ءجۇز توننادان از شارتتى وتىنعا بارابار وبەكتىلەر قۇرىلىسىنا ارنالعان جوبالار (جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسى) بويىنشا مىندەتتى ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسى جۇرگىزىلمەيدى.
2. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىنىڭ نەگىزگى مىندەتى ۇيلەردى, قۇرىلىستاردى جانە عيماراتتاردى سالۋعا جانە رەكونسترۋكتسيالاۋعا ارنالعان جوبالاۋ الدىنداعى جانە جوبالاۋ (جوبالاۋ-سمەتالىق) قۇجاتتاماسىنىڭ قازاقستان رەسپۋبليكاسىنىڭ ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى زاڭناماسىنا سايكەستىگىن بەلگىلەۋ بولىپ تابىلادى.
3. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇرگىزۋ قۇقىعىنا قىزمەتتىڭ وسى ءتۇرى بويىنشا اككرەديتتەۋ تۋرالى كۋالىك العان زاڭدى تۇلعالار يە بولادى.
4. زاڭدى تۇلعالار وزدەرى ازىرلەگەن نەمەسە ولاردىڭ قاتىسۋىمەن ازىرلەنگەن جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسىنا ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇرگىزۋگە قۇقىلى ەمەس.
5. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسى قازاقستان رەسپۋبليكاسىنىڭ زاڭناماسىنا سايكەس جاسالعان شارت نەگىزىندە, ءوتىنىش بىلدىرگەن تۇلعانىڭ (تاپسىرىس بەرۋشىنىڭ) قاراجاتى ەسەبىنەن جۇزەگە اسىرىلادى.
6. جۇرگىزىلگەن ەنەرگيا ۇنەمدەۋ جانە ەنەرگيا تيىمدىلىگىن ارتتىرۋدىڭ مىندەتتى ساراپتاماسىنىڭ ناتيجەلەرى بويىنشا ساراپتامالىق قورىتىندى جاسالادى.
ساراپتامالىق قورىتىندى ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساراپتاماسىن جۇزەگە اسىرعان زاڭدى تۇلعانىڭ فيرمالىق بلانكىسىندە بەرىلەدى.
7. بەكىتىلگەن نەگىزگى تەحنيكالىق-ەكونوميكالىق كورسەتكىشتەرگە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ بولىگىندە ىقپال ەتەتىن وزگەرىستەر ەنگىزىلەتىن جوبالار جاڭادان ازىرلەنەتىن جوبالار ءۇشىن بەلگىلەنگەن تارتىپپەن قايتادان ساراپتاۋعا جاتادى.
8. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋدىڭ مىندەتتى ساراپتاماسىنا جاتاتىن ۇيلەردىڭ, قۇرىلىستار مەن عيماراتتاردىڭ جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسىندا ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ جونىندەگى ءبولىم بولۋعا ءتيىس.
9. ەنەرگيا ۇنەمدەۋ جانە ەنەرگيا تيىمدىلىگىن ارتتىرۋدىڭ مىندەتتى ساراپتاماسىنىڭ وڭ قورىتىندىسىنسىز جوبالاردى بەكىتۋگە تىيىم سالىنادى.
10. وسى باپتىڭ 1-تارماعىندا بەلگىلەنگەن جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسى, ول بويىنشا سارا