قازاقستان رەسپۋبليكاسى جوعارعى سوتىنىڭ نورماتيۆتىك قاۋلىسى №4
سارسەنبى, 11 قاڭتار 2012 6:01
2011 جىلعى 30 جەلتوقسان, استانا قالاسى
«قىلمىستىق سوت ءىسىن جۇرگىزۋدە ادامنىڭ جانە ازاماتتىڭ قۇقىقتارىن, بوستاندىقتارىن سوتتىڭ قورعاۋى تۋرالى» قازاقستان رەسپۋبليكاسى جوعارعى سوتىنىڭ 2010 جىلعى 25 ماۋسىمداعى № 4 نورماتيۆتىك قاۋلىسىنا وزگەرىس پەن تولىقتىرۋ ەنگىزۋ تۋرالى
سارسەنبى, 11 قاڭتار 2012 6:01
2011 جىلعى 30 جەلتوقسان, استانا قالاسى
«قىلمىستىق سوت ءىسىن جۇرگىزۋدە ادامنىڭ جانە ازاماتتىڭ قۇقىقتارىن, بوستاندىقتارىن سوتتىڭ قورعاۋى تۋرالى» قازاقستان رەسپۋبليكاسى جوعارعى سوتىنىڭ 2010 جىلعى 25 ماۋسىمداعى № 4 نورماتيۆتىك قاۋلىسىنا وزگەرىس پەن تولىقتىرۋ ەنگىزۋ تۋرالى
سوت پراكتيكاسىندا ادامنىڭ جەكە باس بوستاندىعىن, جەكە ومiرىنە قول سۇقپاۋشىلىقتى, جەكە جانە وتباسىلىق قۇپيانى, حات جازىسۋدىڭ, تەلەفون ارقىلى سويلەسۋدىڭ, پوچتا, تەلەگراف جانە وزگە دە حابارلامالاردىڭ قۇپياسىن قامتاماسىز ەتەتىن كونستيتۋتسيالىق نورمالار مەن زاڭداردى بىركەلكى ءتۇسىنۋ جانە قولدانۋ, سونداي-اق ولاردى سوتتىڭ قورعاۋىنىڭ تيىمدىلىگىن ارتتىرۋ ماقساتىندا قازاقستان رەسپۋبليكاسى جوعارعى سوتىنىڭ جالپى وتىرىسى
قاۋلى ەتەدى:
1. قازاقستان رەسپۋبليكاسى جوعارعى سوتىنىڭ 2011 جىلعى 21 ساۋىردەگى №1 نورماتيۆتىك قاۋلىسىمەن ەنگىزىلگەن وزگەرىستەرىمەن بىرگە «قىلمىستىق سوت ءىسىن جۇرگىزۋدە ادامنىڭ جانە ازاماتتىڭ قۇقىقتارىن, بوستاندىقتارىن سوتتىڭ قورعاۋى تۋرالى» قازاقستان رەسپۋبليكاسى جوعارعى سوتىنىڭ 2010 جىلعى 25 ماۋسىمداعى № 4 نورماتيۆتىك قاۋلىسىنا مىناداي وزگەرىس پەن تولىقتىرۋ ەنگىزىلسىن:
1) 2-تارماقتا «مەديتسينالىق مەكەمەگە» دەگەن سوزدەر «مەديتسينالىق ۇيىمعا» دەگەن سوزدەرمەن اۋىستىرىلسىن;
2) 12-تارماق مىناداي مازمۇنداعى ەكىنشى ابزاتسپەن تولىقتىرىلسىن:
«الۋ جۇرگىزىلمەي, قىلمىستىق ءىستى قوزعاۋ تۋرالى شەشىمدى قابىلداۋ مۇمكىن بولماعان جاعدايدا, قىجك-ءنىڭ 232-بابىنىڭ تالاپتارىن ساقتاي وتىرىپ, ونى قىلمىستىق ءىس قوزعالعانعا دەيىن جۇرگىزۋگە بولادى».
2. قازاقستان رەسپۋبليكاسى كونستيتۋتسياسىنىڭ 4-بابىنا سايكەس, وسى نورماتيۆتىك قاۋلى قولدانىستاعى قۇقىق قۇرامىنا قوسىلادى, سونداي-اق جالپىعا بىردەي مىندەتتى بولىپ تابىلادى جانە رەسمي جاريالانعان كۇنىنەن باستاپ كۇشىنە ەنەدى.
قازاقستان رەسپۋبليكاسى جوعارعى سوتىنىڭ توراعاسى ب.بەكنازاروۆ.
قازاقستان رەسپۋبليكاسى جوعارعى سوتىنىڭ سۋدياسى, جالپى وتىرىس حاتشىسى د.نۇرالين.
