ەلىمىزدەگى مەديتسينالىق مۇمكىندىكتەر تۋرالى اقپاراتپەن قامتاماسىز ەتەتىن ارنايى ونلاين پورتال (medicaltourism.kz) ىسكە قوسىلعان. 1430 ءنومىرى بويىنشا Call-ورتالىق تاۋلىك بويى قىزمەت كورسەتەدى. بۇدان بولەك ەلىمىزدەگى مەديتسينالىق ءتۋريزمنىڭ دامۋىنا ۇلەس قوسىپ جاتقان تۋريستىك وپەراتورلاردىڭ دا ماڭىزى ارتىپ كەلەدى. وسىنى ەسكەرگەن دەنساۋلىق ساقتاۋدى دامىتۋدىڭ رەسپۋبليكالىق ورتالىعى تۋريستىك وپەراتورلارعا ارنايى تۋر ۇيىمداستىردى. تۋريستىك فيرما وكىلدەرى ۇلتتىق نەيروحيرۋرگيا ورتالىعى, ۇلتتىق كارديوحيرۋرگيا ورتالىعى, انا مەن بالا ۇلتتىق عىلىمي ورتالىعى, ء«ۇمىت» توموتەراپيا جانە يادرولىق مەديتسينا ورتالىعى سياقتى بىرقاتار جەتەكشى كلينيكالاردا بولىپ, يننوۆاتسيالىق مەديتسينالىق قىزمەتتەرمەن تانىستى.
ۇلتتىق نەيروحيرۋرگيا ورتالىعىنىڭ جوعارى ساناتتاعى نەيروحيرۋرگى نۇرمان چابداروۆتىڭ ايتۋىنشا, 10 جىل بويى قىزمەت كورسەتىپ كەلە جاتقان مەديتسينالىق مەكەمە سوڭعى جىلدارى 300-دەن استام شەتەلدىك پاتسيەنتتى ەمدەگەن. دəرىگەر تاجىكستاننان كەلىپ, مي ىسىگى دەگەن قاۋىپتى دياگنوزبەن تۇسكەن ايەلگە التى كۇن بۇرىن وپەراتسيا جاسالعانىن مىسالعا كەلتىردى. ناۋقاس اۋرۋحانادان جازىلىپ شىعىپ, ەلىنە قايتقان ەكەن. «بىزگە كەلەتىن شەتەلدىك پاتسيەنتتەر جىلدان-جىلعا كوبەيىپ كەلەدى. ولار نەيروحيرۋرگيا, نەۆرولوگيا بويىنشا قىزمەتىمىزگە جۇگىندى. اتاپ ايتقاندا, ورتالىق جۇيكە جۇيەسى, باس, مي, ومىرتقا, ج ۇلىن اۋرۋى بار ناۋقاستار ەمدەلدى. بۇدان بولەك, ءدəرى-دəرمەك, فيزيوتەراپيا تۇرىندە كومەكتەسەمىز. پاتسيەنتتەر رەسەي, وزبەكستان, قىرعىزستان سياقتى كورشى ەلدەردەن ءجيى كەلەدى», دەدى ن.چابداروۆ.
تۋرعا قاتىسقان «كITO» تۋريستىك كومپانياسىنىڭ ديرەكتورى جازيرا جانكينا قازاقستانداعى مەديتسينالىق قىزمەتتەردىڭ وڭتۇستىك كورەيا, ەۋروپا ەلدەرىمەن سالىستىرعاندا 4-5 ەسەگە ارزان ءəرى ساپاسى دا جاقسى ەكەنىن ايتادى. سوندىقتان دا وتاندىق ماماندارعا حابارلاساتىن شەتەلدىكتەر دە از ەمەس كورىنەدى.
ۇيىمداستىرۋشىلار اقپاراتتىق تۋردىڭ ەل مەديتسيناسىنىڭ الەۋەتىن تانىستىرۋعا مول مۇمكىندىك بەرەتىنىن ايتادى. ءىس-شارا سوڭىندا اقپاراتتىق تۋرعا قاتىسۋشىلار اتالعان كلينيكالارمەن ەكىجاقتى مەموراندۋمعا قول قويۋعا ءازىر ەكەندىكتەرىن جەتكىزدى.
مايگۇل سۇلتان,
«ەگەمەن قازاقستان»
