ۆيدەونى قازاقستاننىڭ تۇركياداعى ەلشىلىگى Facebook پاراقشاسىندا ءبولىستى. شاعىن ۆيدەودا انكارا حادجى بايرام ءۋالي ۋنيۆەرسيتەتى تۇركيات زەرتتەۋ ورتالىعىنىڭ ديرەكتورى حۋليا كاساپوعلى چەنگەل تۇركى حالىقتارىنىڭ ازاتتىق كۇرەسىندە ء«ويان» موتيۆىنىڭ اۆتورى - مىرجاقىپ دۋلات ۇلى ەكەنىن ايتادى.
«تۇركىستانداعى العاشقى تاۋەلسىز مەملەكەت 1917 جىلى قازاقستاندا قۇرىلدى. الاش كوشباسشىسى ءاليحان بوكەيحان تاراپىنان جانە ونىڭ جانىنداعى وڭ قولى سەكىلدى مىرجاقىپ دۋلات ۇلى دەگەن بولدى. ونىڭ «ويان» دەگەن ءبىر كىتابى بار. تۇركى دۇنيەسىندە «ويان» ءموتيۆى وتە ماڭىزدى», - دەدى ول.
پروفەسسوردىڭ سوزىنە سۇيەنسەك, تۇركى الەمىندە «ويان» ءسوزىن ءتيىمدى پايدالانعان بىرنەشە اقىن بار. پروفەسسور تۇركى دۇنيەسىنىڭ زيالىلارى ءبىرىن-ءبىرى وقىعانىن جەتكىزدى.
«تۇركيا تۇرىكشەسىمەن اكيف جازعان «ۋيان» ولەڭىن مىرجاقىپ «ويان» دەيدى. ۇيعىر تىلىندە دە «ويعان» دەگەن ولەڭ شىعادى. مىرجاقىپ, «ويان, قازاق» ولەڭىن 1909 جىلى جازادى. دەمەك, مەنىڭشە, «ويان» ءموتيۆتى ولەڭدەردىڭ قاينار كوزى - مىرجاقىپ دۋلات ۇلى» دەدى چەنگەل حانىم.
ح.چەنگەلدىڭ پايىمداۋىنشا, شىعىس تۇركىستاندا «ويان» ءموتيۆىن ابدۋلحالىق ۇيعىر ءىلىپ اكەتىپ, ۇلتقا وسى موتيۆ ارقىلى ۇندەۋ تاستاعان.
«قازاقستاننىڭ تاۋەلسىزدىگىنە جەتۋى ءۇشىن, حالىقتى اعارتۋ ءۇشىن ءجاديديزمنىڭ جالعاسى - الاش قوزعالىسى. حالىقتى اعارتۋ ءۇشىن ءبىر قوزعالىس جانە كۇرەسىپ جاتىر» دەدى پروفەسسور.
