حالىقارالىق ىقپالداستىق قادامدارى

ساپارى بارىسىندا رۋمىنيا پرە­زيدەنتىنىڭ ەلىمىزدىڭ جوعارعى باس­شىلىعىمەن بىرقاتار كەز­دە­سۋلەرى جوسپارلانىپ, ولاردىڭ با­رىسىندا ەكىجاقتى ىنتىماقتاستىق پەن حالىقارالىق ۇيىمدار شەڭ­بەرىندەگى ىقپالداستىق ماسەلەلەرى تال­قى­لان­باق ەكەن. سونداي-اق, ەكى ەل ارا­سىن­داعى ەكونوميكا, تۋريزم سا­لا­لا­رىندا ۇكىمەتارالىق كە­لى­سىمدەرگە جانە ۆەدومستۆوارالىق ءبىر­قاتار قۇ­جاتتارعا قول قويىلادى دەپ كۇتىلۋدە. رۋمىنيا پرەزيدەنتى وسى ساپا­رى بارىسىندا قازاقستان پرەزي­دەن­تى جانىنداعى مەملەكەتتىك باس­قارۋ اكادەمياسى تىڭ­داۋ­شى­لا­رى­نىڭ الدىندا ءسوز سويلەپ, ەلى­مىز­دەگى رۋمىن ەتنوسى وكىلدەرىمەن كەز­دەسەتىن كورىنەدى جانە قا­راعاندىداعى سپاسسك مەموريالدى كەشەنىندە بولادى ەكەن. ناۋرىزدىڭ 3-ءى مەن 5-ءى ارا­لى­عىن­دا فينليانديا رەسپۋب­لي­كا­سى­نىڭ سىرتقى ساۋدا جانە دامۋ مي­نيسترى پااۆو ۆيايۋريۋنەننىڭ جۇ­مىس ساپارى بولىپ, ءمينيستردىڭ قا­زاق-فين ىسكەرلىك فورۋمىنا قا­تىسۋى, قازاقستان پار­لا­مەن­تى­نىڭ قوس پالاتاسىنىڭ ءتورا­عا­لا­رىمەن, بىرقاتار مينيسترلىكتەر مەن ۆەدومستۆولار, استانا جانە الماتى قالالارىنىڭ اكىمدەرىمەن كەزدەسۋلەرى جوسپارلانىپتى. ناۋرىزدىڭ 3-ءى مەن 6-سى ارا­لى­عىندا مەملەكەتتىك حاتشى – سىرت­قى ىستەر ءمينيسترى قانات ساۋ­داباەۆ شۆەيتساريا كون­فە­دە­را­تسيا­سىنا رەسمي ساپار جاسايتىنىن ايتقان رەسمي وكىل شۆەيتساريانىڭ استاناسى – بەرندە كونفەدەراتسيا باسشى­لى­عى­مەن بىرقاتار كەلىس­سوز­دەر ءجۇر­گى­زە­تىنىن دە جەتكىزدى. سو­لاردىڭ با­رى­سىن­دا ەكى تاراپ 2009 جىلى قازاندا وتكەن شۆەي­تسا­ريا­نىڭ سىرتقى ىستەر جونىندەگى فە­دە­رال­دى كەڭەسشىسى (ياعني, ءمينيسترى) مي­شلين كالمي-رەيدىڭ قاز­اق­ستان­عا رەسمي ساپارى كەزىندە قول جەت­كىزىلگەن ۋاعدا­لاس­تىق­تاردىڭ ىسكە اسىرىلۋىن, ساياسي جانە ساۋ­دا-ەكونوميكالىق سالال­ار­داعى ەكى­جاق­تى ۇنقاتىسۋدىڭ ماڭىز­دى با­عىت­تا­رىن تالقىلايدى دەپ كۇتىلۋدە. سونداي-اق, شۆەيتساريادا مەم­­­لەكەتتىك حاتشى – سىرتقى ءىس­تەر ءمينيسترى ەۋروپالىق كە­ڭەس­تىڭ باس حاتشىسى توربەرن ياگ­لان­د­پەن كەز­دەسىپ, وندا قازاقستان رەس­پۋبليكاسى مەن ەۋروپالىق كە­ڭەس اراسىنداعى ءوزارا ىق­پال­دا­سۋ ماسەلەلەرى جانە ءبىر­قاتار ەۋرو­پا­لىق كونۆەنتسيالارعا قوسىلۋ ءجو­نىندەگى قازاقستاندىق ءوتىنىشتى قا­راۋ ماسەلەسى تالقىلانادى ەكەن. بۇ­عان قوسا, وتاندىق سىرتقى سايا­سات ۆەدومستۆوسىنىڭ باسشىسى جەنەۆا قالاسىندا وتەتىن بىرىككەن ۇلت­تار ۇيىمىنىڭ ادام قۇ­قىقتارى جونىندەگى كەڭەسىنىڭ 13-ءشى سەسسيا­سىنا قاتىسپاق. سەسسيا بارىسىندا قانات ساۋ­دا­باەۆتىڭ بۇۇ-نىڭ ادام قۇ­قىق­تارى جونىندەگى جوعارعى كو­ميس­سارى ناۆانەتەم پيللاي حا­نىم­مەن كەزدەسۋى دە جوسپار­لا­نىپتى. ال 5 ناۋرىزدا ماسكەۋدە تمد ەكونوميكالىق كەڭەسىنىڭ 45-ءشى وتىرىسى جانە “تمد-داعى رە­سەي­دىڭ توراعالىعى جىلىنداعى جاڭا باس­تامالار” اتتى دوس­تاس­تىق­قا ءمۇ­شە مەم­لەكەتتەردىڭ حا­لىق­ارالىق ەكو­نو­ميكالىق فورۋمى وتەدى دەپ كۇتىلۋدە. انار تولەۋحانقىزى.