اناستاسيا ەكيموۆا بال جارمەڭكەسىن ۇنەمى اسىعا توسادى. كەيۋانا زەينەتاقىنىڭ ءبىر بولىگىن بال ساتىپ الۋعا جۇمسايدى. ءوزىن ۇنەمى سەرگەك, تىڭ سەزىنەتىنى, اۋىرمايتىنى دا سوندىقتان. تاۋلى, جابايى, پروپوليس, جاڭعاقتى بال تۇرلەرى ۇلكەن سۇرانىسقا يە. ماسەلەن, «كاندىك» دەپ اتالاتىن بال گيپەرتونيا اۋرۋىنا شيپاسى مول. قابىلداعان ءدارى-دارمەكتەن كەيىن اعزانى تەز قالىپقا كەلتىرەدى.
«بال ساپاسىمەن ەرەكشەلەنسە, حالۆانىڭ دامدىلىگى ءتىل ۇيىرەدى. انامنىڭ جۇرەگى كوپتەن بەرى اۋىرادى. سوندىقتان دا تابيعي ونىمدەردى الۋعا تىرىسامىن», دەيدى تۇراقتى تۇتىنۋشىلاردىڭ ءبىرى ەكاتەرينا كيرتيانوۆا.
ساتۋشى اناستاسيا ەكيموۆانىڭ ايتۋىنشا, «جەتى ەمدىك ءشوپ» بالى بۋردزيان قورىعىندا جينالادى ەكەن. جۇرەك-تامىر, قان قىسىمىنا پايداسى زور. «امۋر بارقىتىنىڭ» قۇرامىندا تابيعي يود كوپ بولعاندىقتان, سۇيەكتىڭ قاتايۋىنا كومەكتەسەدى. ماماندار ديابەتكە شالدىققاندار ءۇشىن «اق اكاتسيانى» الۋعا كەڭەس بەرەدى. باعاسى ارقيلى. 2 مىڭنان 5 مىڭ تەڭگەگە دەيىن.
بالدىڭ كەز كەلگەن ءتۇرى تۇماۋ اۋرۋلارىنىڭ دا الدىن الۋعا سەپتەسەدى. كالي, فوسفور, امين قىشقىلى, تاعى باسقا دارۋمەندەر مولىنان كەزدەسەدى.
باشقۇرت بالىنىڭ جارمەڭكەسى 29 جەلتوقسانعا دەيىن سوزىلادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
