ماڭعىستاۋ اۋىلىندا العاش اشىلعان زاماناۋي 500 ورىندىق ورتالىق 7000 شارشى مەتردى قۇرايدى. كىتاپحاناسى بار مادەنيەت ءۇيى ەلباسىنىڭ «رۋحاني جاڭعىرۋ» باعدارلاماسى اياسىندا «نورد كاسپيان وپەرەيتينگ كومپانياسىنىڭ» الەۋمەتتىك مىندەتتەمەلەرى باعدارلاماسىمەن سالىندى. جوسپار بويىنشا بۇل عيماراتتا كىتاپحانا, كونفەرەنتس زالدار, ۇيىرمەلەر, ۇلكەن كورەرمەن زالى, 2 حورەوگرافيا زالى, 33 جابىق اۋديتوريالار قاراستىرىلعان.
جاڭا نىساننىڭ اشىلۋ سالتاناتىنا ايماق باسشىلىعى مەن اۋدان تۇرعىندارى قاتىستى. حالقىنىڭ سانى جاعىنان وبلىستاعى الدىڭعى قاتارلى اۋدان سانالاتىن مۇنايلى اۋدانىندا تاۋەلسىزدىك مەرەكەسى قارساڭىندا اشىلعان ەڭسەلى مادەنيەت ءۇيى ەندى ءوز تۇرعىندارىنا جان-جاقتى قىزمەت ەتەتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
