جيىندا تاۋەلسىزدىك كۇنىمەن قۇتتىقتاعان ءماجىلىس سپيكەرى ءوز سوزىندە: ء«بىزدىڭ تاريحىمىزدا 16 جەلتوقسان − التىن ارىپتەرمەن جازىلعان ۇلى كۇن. سەبەبى, 27 جىل بۇرىن, ءدال وسى كۇنى تۇڭعىش پرەزيدەنتىمىز − ەلباسى نۇرسۇلتان ءابىش ۇلى نازارباەۆ كەڭ بايتاق قازاقستانىمىزدى تاۋەلسىز ەل دەپ جاريالادى. جاس مەملەكەتىمىز العاشقى قيىن كەزەڭدەردەن امان-ەسەن ءوتىپ, بۇگىندە بۇكىل الەمگە ايگىلى, بەدەلدى ەل اتاندى. وسىنىڭ بارلىعى − پرەزيدەنتىمىزدىڭ ساليقالى ساياساتىنىڭ جانە بەرەكە-بىرلىگىنىڭ جەمىسى», − دەدى.
سالتاناتتى شارادا ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ «پاراسات» وردەنىمەن, ءماجىلىس دەپۋتاتى فاحريددين قاراتاەۆ II دارەجەلى «دوستىق» وردەنىمەن ماراپاتتالسا, ءماجىلىس دەپۋتاتتارى گالينا بايماحانوۆاعا, بەرىك دۇيسەمبينوۆكە, كارىباي مۇسىرمانعا جانە ءماجىلىس اپپاراتىنىڭ ءبولىم مەڭگەرۋشىسى تالعات قاسىمبەكوۆكە «قۇرمەت» وردەنى تابىستالدى.
«ەرەن ەڭبەگى ءۇشىن» مەدالدارىن ءماجىلىس دەپۋتاتتارى كەڭەس ابساتيروۆ, ءاليا ساپاروۆا جانە گەننادي شيپوۆسكيح, سونداي-اق ءماجىلىس اپپاراتىنىڭ ءبولىم مەڭگەرۋشىسى پاتيما قياسباەۆا السا, ءماجىلىس اپپاراتىنىڭ ءبولىم مەڭگەرۋشىسى ءبيبىسارا اۋباكيروۆا قۇرمەت گراموتاسىن الدى, دەپ حابارلادى ءماجىلىستىڭ ءباسپاسوز قىزمەتى.
