بالالارعا ارنالعان عاجايىپ كەش بارىسىندا قالا اكىمى باۋىرجان بايبەك تاۋەلسىزدىك كۇنىنە ارنايى قۇتتىقتاۋىن جولداي وتىرىپ, قايىرىمدىلىق شارانىڭ قاتىسۋشىلارىنا «سيقىرلى اۋەندەر» بالالار اراسىندا كلاسسيكالىق تۋىندىلاردى ديسنەي فيلمدەرىنەن تانىس كەيىپكەرلەر ارقىلى دارىپتەي وتىرىپ, ەرەكشە قۋانىش سىيلاتىندىعىن اتاپ ءوتتى. قالا باسشىسىنىڭ ايتۋىنشا, بيلەت ساتىلىمدارىنان جينالعان قاراجات «بولاشاق» كورپوراتيۆتىك قورىمەن ء«اربىر بالا مەكتەپكە لايىق» جانە «ساپار گرانتتارى» جوبالارىن قولداۋعا باعىتتالاتىن بولادى.
بۇگىندە ددۇ دەرەكتەرى بويىنشا قازاقستاندا اۋتيزم انىقتالعان 35 مىڭعا جۋىق بالا بار. «بولاشاق» كورپوراتيۆتىك قورىنىڭ قايىرىمدىلىق قولداۋىمەن قازاقستاننىڭ 9 قالاسىندا 20 ينكليۋزيالىق قولداۋ بولىمشەسى اشىلىپ, 800-دەن استام دەنساۋلىق ساقتاۋ جانە ءبىلىم بەرۋ ماماندارى وقىتىلعان. جىل باسىنان بەرگى ارالىقتا قور تاراپىنان ينكليۋزيۆتى 4 كورسەتىلىم وتكىزىلگەن.
رەسەي مەن تمد ەلدەرىندەگى ديسنەي كومپانياسىنىڭ باس اتقارۋشى ديرەكتورى مارينا جيگالوۆا-وزكان اۋتيزم سپەكترىنىڭ بۇزىلۋى انىقتالعان بالالارعا ارنالعان كينوكونتسەرت وتكىزۋ ۇلكەن قايىرىمدى ىستەرگە ارقاۋ بولاتىندىعىن جەتكىزسە, «بولاشاق» كورپوراتيۆتىك قورىنىڭ ديرەكتورى دينارا چايجۋنۋسوۆا بۇل كەشتە بالالار سيقىرلى اۋەندەردى تىڭداپ قانا قويماي, تالانتتى بالالاردىڭ ءارتۇرلى بايقاۋلارعا قاتىسۋىنا, بىرلەسە ماقساتتارعا جەتۋىنە مۇمكىندىك بەرەدى دەپ اتاپ ءوتتى.
«سيقىرلى اۋەندەر» كەشىندە «سۋىق جۇرەك», «ارىستان پاتشا», «سۋ پەرىسى», «ارۋ مەن قۇبىجىق», «مۋلان», «الاددين» جانە «پوكاحونتاس» انيماتسيالىق فيلمدەرىنەن ورىندالعان كومپوزيتسيالار تىڭداۋشىلارعا راسىندا دا سيقىرلى ءبىر الەمنىڭ عاجايىپتارىنا جەتەلەپ كەتكەندەي اسەر قالدىردى. انيماتسيالىق فيلمدەردىڭ اۋەندەرىن الەكساندر بەلياكوۆتىڭ باسشىلىعىنداعى الماتى اكىمدىگىنىڭ ەسترادالىق-سيمفونيالىق وركەسترى ورىندادى.
ديسنەي كومپانياسى لوندون, توكيو, پاريج, ماسكەۋ جانە تاعى دا باسقا قالالاردا وسى مازمۇنداعى كونتسەرتتەر وتكىزۋدە. كينوكونتسەرتتە ورىندالعان ساۋندترەكتەر ەسىمدەرى الەمگە بەلگىلى حانس تسيممەر, الان مەنكەن ي دجەري گولدسميت سياقتى كومپوزيتورلاردىڭ شىعارمالارىنان الىنعان. الماتىداعى كينوكونتسەرتتە ەكى مىڭنان اسا كورەرمەن جينالدى. بەس جۇزدەن استام بيلەتتەر ەرەكشە مۇقتاجدىققا ءزارۋ بالالارعا ءبولىندى.
ەلۆيرا سەرىكقىزى,
«ەگەمەن قازاقستان»
الماتى
