كەڭ-بايتاق قازاق ەلىنىڭ جەتى قىرى – اتقا ءمىنۋ مادەنيەتى, ۇلى دالاداعى ەجەلگى مەتاللۋرگيا, اڭ ءستيلى, التىن ادام, تۇركى الەمىنىڭ بەسىگى, ۇلى جىبەك جولى, قازاقستان – الما مەن قىزعالداقتىڭ وتانى ەكەنىن ناقتى ايعاقتارمەن دالەلدەيدى.
پرەزيدەنت كەلتىرىپ وتىرعان «تۇركى الەمىنىڭ بەسىگى» جان-جۇرەگىمىزدى تەبىرەنىسكە بولەيدى. ماقالادا ايتىلعانداي, ءبىزدىڭ ءداۋىرىمىزدىڭ ءى مىڭجىلدىعىنىڭ ورتا شەنىندە تۇركى دۇنيەسى پايدا بولىپ, ۇلى دالا توسىندە جاڭا كەزەڭ باستالدى. وراسان زور كەڭىستىكتى يگەرە بىلگەن تۇركىلەر ۇلان-عايىر دالادا كوشپەلى جانە وتىرىقشى وركەنيەتتىڭ وزىندىك ورنەگىن قالىپتاستىرىپ, ونەر مەن عىلىمنىڭ جانە الەمدىك ساۋدانىڭ ورتالىعىنا اينالعان ورتاعاسىرلىق قالالاردىڭ گۇلدەنۋىنە جول اشتى. ورتا عاسىرداعى وتىرار قالاسى الەمدىك وركەنيەتتىڭ ۇلى ويشىلدارىنىڭ ءبىرى – ءابۋ ناسىر ءال-ءفارابيدى دۇنيەگە اكەلسە, تۇركى حالىقتارىنىڭ رۋحاني كوشباسشىلارىنىڭ ءبىرى قوجا احمەت ياساۋي تۇركىستان قالاسىندا ءومىر ءسۇرىپ, كۇللى الەمگە ءىلىمىن تاراتتى.
ءححى عاسىر تۇركىلەر عاسىرى بولادى دەپ ۇمىتتەنەر بولساق, وسىناۋ ۇلى جولدا وبلىس ورتالىعى, رۋحاني استانامىز – تۇركىستاننىڭ اتقارار ءرولى ايرىقشا ەكەنى ايقىن. ۇلى ويشىل ءال-فارابي مەن رۋحاني كوسەم قوجا احمەت ءياساۋيدىڭ شاپاعاتىمەن نۇرلانعان قازاق حالقىنىڭ اتاق-داڭقى اسقاقتاپ, مارتەبەسى بيىكتەي تۇسەرى ءسوزسىز. وسىنداي تەرەڭ ماعىنالى ەڭبەگى ءۇشىن پرەزيدەنتكە شەكسىز العىس ايتامىن.
جارقىنبەك قۇلبايىمبەتوۆ,
تۇركىستان قالالىق ارداگەرلەر كەڭەسىنىڭ توراعاسى
