قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ وسىدان ءبىر جارىم جىل بۇرىن جاريالانعان «بولاشاققا باعدار: رۋحاني جاڭعىرۋ» ماقالاسى قازاق قوعامىنىڭ رۋحانياتى مەن مادەنيەتىنىڭ كوكجيەگىن اشقان ماقالا بولسا, كەيىن جاريالانعان « ۇلى دالانىڭ جەتى قىرى» ماقالاسى ۇلتتىق مۇرالارىمىزدى تەرەڭ تانۋعا سەرپىن بەرەتىن ۇلكەن تاريحي مانگە يە.
اتالعان تاريحي قۇجات ۋاقىت تالابىنا ساي ەلىمىزدىڭ ساياسي, مادەني, رۋحاني ومىرىندە دامۋدىڭ ناقتى باعىت-باعدارىن ايقىنداپ بەرەتىن قۇندى پىكىرىمەن ەرەكشەلەنەدى. ماقالادا كوتەرىلگەن ۇلتىمىزدىڭ تاريحى مەن مادەنيەتىنە قاتىستى تىڭ ويلار مەن ناقتى ۇسىنىستار جاڭا ىزدەنىستەر مەن باستامالارعا جول اشاتىنى انىق.
ەلباسىنىڭ ماقالاسىندا جازىلعان ۇلتىمىزدىڭ رۋحاني مۇراسى مەن مادەنيەتىن جاڭا زامان تالابىنا ساي وركەندەتۋ جولىندا ت.جۇرگەنوۆ اتىنداعى قازاق ۇلتتىق ونەر اكادەمياسى جانىنداعى مەكتەپ-ينتەرنات كوللەدجىنىڭ مەرەيتويىنا ارنالعان «ونەرمەن ورنەكتەلگەن 30 جىل» اتتى اۋقىمدى ءىس-شارا بولىپ ءوتتى. رەسپۋبليكامىزدىڭ تۇكپىر-تۇكپىرىنەن كەلگەن دارىندى بالالارعا ارنالعان رەسپۋبليكالىق ارنايى كوركەمسۋرەت مەكتەپ-ينتەرناتىنىڭ, قازاقستانداعى كوركەمونەردەن العاش ۇزدىكسىز ءۇش ساتىلى ءبىلىم بەرۋ جۇيەسىنىڭ نەگىزىن قالاۋشى, aعارتۋشى-عالىم, ءبىلىم, عىلىم جانە مادەنيەت سالاسىنىڭ ۇيىمداستىرۋشىسى, ءوز ىسىنە جاۋاپكەرشىلىكپەن قاراۋدىڭ ونەگەسىن كورسەتە بىلگەن ىسكەر باسشى, ابزال ازامات, پروفەسسور ۇلىقبەك يبراگيموۆتىڭ ەڭبەگىن كەيىنگى ۇرپاققا تانىستىرۋ ماقساتىندا وتكەن بۇل ءىس-شارا ءوز ەرەكشەلىگىمەن جاس ۇرپاقتىڭ جادىندا قالماق.
«بۇگىنگى كۇندى ءتۇسىنىپ, ءتۇيسىنۋ ءۇشىن دە, بولاشاقتىڭ ديدارىن كوزگە ەلەستەتۋ ءۇشىن دە كەشەگى كەزەڭگە كوز جىبەرۋىمىز كەرەك», دەپ ەلباسىنىڭ اتاپ وتكەنىندەي, مەكتەپ-ينتەرنات كوللەدجى ۇجىمىنىڭ ۇيىمداستىرۋىمەن وتكەن مەرەكەلىك شارادا قازاقستان رەسپۋبليكاسىنىڭ مەملەكەتتىك ورتالىق مۇراجايىندا «ەستەلىكتەر ايناسى» اتتى كوركەم تۋىندىلار كورمەسى, مەكتەپ-ينتەرنات كوللەدجىنىڭ عيماراتىندا كورمەلەر, شەبەرلىك ساباقتارى, دوڭگەلەك ۇستەل ۇيىمداستىرىلىپ, كوپشىلىك نازارىنا ۇسىنىلدى.
جەتىستىكتەرگە جەتۋ, تابىستى ەڭبەك ەتۋ ءۇشىن 30 جىل از ۋاقىت ەمەس. ۇيىمداستىرىلعان ءاربىر ءىس-شارانىڭ ماقساتى ءتۇرلى كوزقاراستار مەن تالقىلاناتىن تاقىرىپ بويىنشا كەڭ, اۋقىمدى پىكىرلەردى انىقتاۋ, ولاردى جاس ۇرپاققا جەتكىزۋ ەكەندىگى ايان. سونداي-اق ءبىلىم الۋشى ۇرپاققا ۇلتتىق مۇرالارىمىزدى تەرەڭ تانۋمەن قاتار, وركەنيەتتىڭ وزىندىك ورنەگىن قالىپتاستىرىپ, ونەر مەن عىلىمنىڭ جەتىستىكتەرىن جان-جاقتى وي ەلەگىنەن وتكىزۋىنە, تەرەڭنەن زەردەلەي الۋىنا اسەرى مول. ەلىمىزدىڭ ودان ءارى دامىپ, وركەندەۋى مەن رۋحاني جاڭعىرۋىنا ونەر سالاسى بويىنشا الدىڭعى قاتارلى ۇلتتىق ءبىلىم بەرۋ جۇيەسىن دامىتۋ, الەمدىك دەڭگەيدەگى باسەكەگە قابىلەتتى ماماندار شىعارۋ ءىسىن ودان ءارى كۇشەيتە بەرۋ مەن جانداندىرۋ ءىسى ەرەكشە بولماق.
تاريحي سانانى جاڭعىرتۋ باعىتى بويىنشا وتانشىلدىق تاربيە بەرۋ, ءوز تاريحىنا دەگەن ماقتانىش سەزىمىن وياتۋ ماقساتىنا ارنالعان «دالا فولكلورى مەن مۋزىكاسىنىڭ مىڭ جىلى» جوباسى اياسىندا ۇلتىمىزدىڭ مۇراسىن دارىپتەۋ ەرەكشە نازاردا. وسىعان وراي ءبىلىم ورداسىندا بوستاندىق اۋدانى كوللەدجدەرى اراسىندا ۇيىمداستىرىلعان «جاس وركەن» جاستار فەستيۆالى رۋحاني قۇندىلىقتار مەن ونى كەيىنگى ۇرپاققا جەتكىزۋ ماڭىزدىلىعى جونىندە وي وربىتۋگە شاقىرادى. ۇلتتىق مادەنيەتىمىزدى دامىتۋعا ارنالعان مەرەكەلىك فەستيۆال كۇندەرىندە ۇلتتىق اسپاپتار دارىپتەلىپ, كوركەمسوز وقۋ مانەرى مەن ءداستۇرلى ءان بايقاۋى جاس جەتكىنشەكتەرگە ەرەكشە شابىت سىيلادى.
ەلباسىنىڭ « ۇلى دالانىڭ جەتى قىرى» ماقالاسىمەن تانىسا وتىرىپ, ۇلى دالانىڭ ەجەلگى ونەرى مەن تەحنولوگيالار مۋزەيى اشىلاتىنى ءار ازامات بويىنا ماقتانىش سەزىمىن ۇيالاتادى. ول سانالى جەتكىنشەكتىڭ حالقىمىز جايلى تىڭ مالىمەتتەر الۋىنا جول اشادى. بولاشاق ۇرپاقتى ۇلتجاندىلىققا تاربيەلەۋدە ءمانى زور اسىل قازىنا, سارقىلماس مۇرا كونە جادىگەرلەردى دارىپتەۋ ارقىلى تاريحىمىزدى ۇلىقتايتىنىمىز بارشاعا ايان.
ەلىمىزدىڭ تابىستى بولۋى ءۇشىن ءتول تاريحىن بىلەتىن, باعالايتىن, ماقتان ەتەتىن حالىقتىڭ بولاشاق ۇرپاقتارىن تاربيەلەۋ – باستى ماقساتىمىز بولۋى زاڭدىلىق. ال «وتكەنىن ماقتان تۇتىپ, بۇگىنىن ناقتى باعالاي ءبىلۋ مەن بولاشاققا وڭ كوزقاراس تانىتۋ – ەلىمىزدىڭ تابىستى بولۋىنىڭ كەپىلى».
زۋرا جۇماحمەتوۆا,
ت.جۇرگەنوۆ اتىنداعى قازاق ۇلتتىق ونەر اكادەمياسى جانىنداعى مەكتەپ-ينتەرنات كوللەدجىنىڭ ديرەكتورى
الماتى
