جيىندى اشقاناقپارات جانە كوممۋنيكاتسيالار ءمينيسترى داۋرەن اباەۆ: «بۇگىندە قازاقتىلدى سايتتاردىڭ سانى دا, سالماعى دا ارتىپ كەلەدى. ۋاقىت تالابىنا ساي ءوز اۋديتورياسىن قالىپتاستىرعان باسەكەگە بەيىم پورتالداردىڭ قاراسى كوبەيىپ جاتىر. وسى قارقىن جالعاسسا, مەملەكەتتىك ءتىلىمىزدىڭ مارتەبەسى وسەدى», دەي كەلىپ, قازاقتىلدى رەسۋرستاردىڭ ساپاسىن ودان ءارى ارتتىرۋ ماسەلەسىنە توقتالدى.
مينيستر بۇگىندە وتاندىق اقپارات قۇرالدارىنىڭ مەملەكەت ساياساتىن xالىققا دەر كەزىندە وڭتايلى جەتكىزىپ وتىرعانىن اتاپ ءوتتى.
«حالىق ەلباسىنىڭ «بولاشاققا باعدار: رۋxاني جاڭعىرۋ» جانە « ۇلى دالانىڭ جەتى قىرى» سىندى باعدارلامالىق ماقالالارىنىڭ ماعىناسىنا تەرەڭ ءۇڭىلدى. وسىنداي اۋقىمدى جۇمىستى اتقارعاندارىڭىز ءۇشىن اقپارات جانە كوممۋنيكاتسيالار مينيسترلىگى اتىنان سىزدەرگە العىس ايتامىز. قازىرگى كۇنى الەم جەدەل قارقىنمەن وزگەرۋ ۇستىندە. سوعان ساي اقپاراتتىق تەحنولوگيالار ءتۇرلى باعىتتار بويىنشا جان-جاقتى دامىپ جاتىر. سول سەبەپتى اۋديتورياعا قىزىقتى كونتەنت, وقىرمانعا تارتىمدى پورتال قالىپتاستىرۋ – بۇگىنگى زامان تالابى. قازىر قازاقتىلدى سايتتاردىڭ ءوز باعىتى قالىپتاسىپ كەلەدى. وسى جايت كوڭىلگە قۋانىش ۇيالاتادى. بۇگىندە ناقتى دەرەگى بار قىسقا دا نۇسقا اقپارات قۇندى. وسىدان ون جىل بۇرىن ءبىز ءسوزى ءوتىمدى قازاقتىلدى سايتتار بولسا ەكەن دەپ ويلايتىنبىز. قازىر ونداي سايتتار جەتەرلىك. ەندى, سول رەسۋرستاردىڭ ساپاسىن كۇشەيتۋىمىز قاجەت», دەدى مينيستر.
جيىنعا قاتىسقان قازاقستاندىق تانىمال ۆەب-سايتتار مەن مەديا-بيزنەس وكىلدەرى اقپارات قۇرالدارىن زامانعا ساي دامىتۋ ماسەلەلەرىن تالقىلادى.
«قازاق ينتەرنەتى سالاسىندا نە وزگەردى, نە جاڭالىق بولىپ جاتىر, وسىنى تالقىلاۋ مۇمكىندىگى پايدا بولعاندىعى قۋانتادى. بۇل كەزدەسۋىمىزدىڭ ءوزى قازاق ينتەرنەتىنىڭ قارقىندى دامۋىنىڭ كورىنىسى. بۇگىندە تەلەۆيزيا نەمەسە ينتەرنەت دەپ بولۋگە كەلمەيدى. «قازاقستان» تەلەراديوكورپوراتسياسى دا قازاق ينتەرنەتىندە كونتەنت جاساۋشىلاردىڭ ءبىرى. ءبىزدىڭ ونىمدەرىمىزدى xالىق الەۋمەتتىك جەلىلەر ارقىلى قالاي قاراسا, «Qazaqstan TV» ءموبيلدى قوسىمشاسى ارقىلى دا ەركىن تاماشالاي الادى. بۇل قوسىمشا شىلدە ايىندا دايىندالدى. وسى 4-5 ايدىڭ ىشىندە 500 مىڭنان استام ادام جۇكتەپ الدى. ياعني, قازاقتىلدى اۋديتوريا بۇگىنگى تاڭدا ينتەرنەتتەگى نەگىزگى تۇتىنۋشىلاردىڭ ءبىرى بولىپ وتىر», دەدى «قازاقستان» رترك» اق باسقارما توراعاسى ەرلان قارين.
بيىل ۇيىمداستىرۋشىلار قازاقتىلدى سايتتارعا عانا كوڭىل اۋدارىپ قويماي, الەۋمەتتىك جەلىلەر, مەسسەندجەرلەر جانە باسقا دا زاماناۋي ينتەرنەت-پلاتفورمالارداعى كونتەنت ماسەلەسىن دە تالقىلادى.
«مەن قازاقتىلدى كونتەنت جاساۋشىلار فورۋمىن مەديا نارىعى ءۇشىن ماڭىزدى ءىس-شارا دەپ ەسەپتەيمىن. ول ماڭىزدى باعىتتارعا نازار اۋدارتىپ, كوكجيەكتى كەڭەيتەدى, قازاقستاندىق جۋرناليستەرگە سىن-تەگەۋرىندەر مەن مۇمكىندىكتەرگە دايىن بولۋعا كومەكتەسەدى», دەپ اتاپ ءوتتى اقش-تىڭ قازاقستانداعى ۋاقىتشا سەنىمدى وكىلى تەودور لينگ.
فورۋمنىڭ ءبىرىنشى سەسسياسىندا كونتەنتتى باسقارۋعا ارنالعان زاماناۋي تەحنولوگيالار جايلى ءسوز قوزعالدى. قاتىسۋشىلار قازاقشا كونتەنتتى شىعارىپ قانا قويماي, ونى باسقارۋ دا قاجەت ەكەنىن اتاپ ءوتتى. وسى ورايدا «قازكونتەنت» اق باسقارما توراعاسى دۋمان قوجاحمەتوۆ, 7kun.kz ىسكەرلىك جاڭالىقتار سايتىنىڭ نەگىزىن قالاۋشى ەربول ازانبەك, «Baribar» سايتىنىڭ نەگىزىن قالاۋشى ەربول سەرىكباي, «Balapan» تەلەارناسىنىڭ ديرەكتورى ماقپال جۇماباي جانە قازاقستاندىق ساياساتتانۋشى ايدوس سارىم ءوز يدەيالارىمەن جانە پىكىرلەرىمەن ءبولىستى.
«قازىرگى «Z» ۇرپاق, ءتورتىنشى يندۋستريالىق رەۆوليۋتسيا وكىلدەرى, الەمدىك جانە ەلىمىزدەگى جاعدايدى اقپاراتتىق سايتتار ارقىلى تەڭ قاراستىرا الادى. اۋديتوريا تاراپىنان مەملەكەتتىك تىلدە ازىرلەنەتىن كونتەنتكە سۇرانىس كۇندەلىكتى ءوسىپ وتىر. سوندىقتان قازاق تىلىندەگى كونتەنتتى ساپالى دامىتۋ – ءبىزدىڭ ماقساتىمىز», دەدى «Balapan» تەلەارناسىنىڭ ديرەكتورى م.جۇماباي.
ەكىنشى پانەلدى سەسسيا اقىلدى جۋرناليستيكاعا, زاماناۋي اناليتيكا قۇرالدارىن تابىستى تۇردە قولدانۋعا, ونلاين-تەحنولوگيالار مەن ۇدەرىستەردى اۆتوماتتاندىرۋعا ارنالدى. Nur.kz ينتەرنەت-پورتالىنىڭ باس رەداكتورى پاۆەل پريتچين, «Informburo» جاڭالىقتار سايتىنىڭ باس رەداكتورى ميحايل دوروفەەۆ, «Galamattech» جشس باس ديرەكتورى اباي سەرعازيەۆ, «اناليتيكا جانە BigData قاۋىمداستىعىنىڭ» پرەزيدەنتى ءارى كاسىپكەر سەرگەي احمەتوۆ, «اتامەكەن» ۇكپ IT-كەڭەسىنىڭ توراعاسى ميرۋس قۇرماشەۆ ءوز كەيستەرىمەن جانە تاجىريبەلەرىمەن ءبولىستى.
فورۋم اياسىنداعى قورىتىندى سەسسيادا BTS digital كومپانياسى ءبىلىم بەرۋ ورتالىعىنىڭ باستىعى ساياسات نۇربەك, IT-اناليتيك جانە مەديا-جاتتىقتىرۋشى تيمۋر بەكتۇر, «ەگەمەن قازاقستان» رگ» اق باسقارما توراعاسىنىڭ ورىنباسارى – باس رەداكتور ايبىن شاعالاق, ماركەتولوگ جانە Yuframe شىعارماشىلىق بىرلەستىگىنىڭ نەگىزىن سالۋشى راسۋل ابدۋللاەۆ جانە جۋرناليست ءارى مەديا-ترەنەر اسحات ەركىمباي مەديا سالاسىنىڭ بولاشاعى جايلى ويلارىمەن ءبولىستى.
مارجان تىلەۋبەك,
«ەگەمەن قازاقستان»
