سوتتالعانداردىڭ اراسىندا ۇيىمداستىرىلعان بايقاۋعا 60 سوتتالۋشى قاتىستى. كورمەگە 45 سۋرەت قويىلىپ, ۇزدىك تۋىندىنىڭ اۆتورلارى اتالدى.
كورمەگە حالىقارالىق دەڭگەيدەگى ترەينەر-مەدياتور تاتيانا درونزينا جانە ەلىمىزدىڭ ءدىن ىستەرى كوميتەتى مادەنيەتتەر مەن دىندەردىڭ حالىقارالىق ورتالىعىنىڭ باسشىسى ەسەنوۆا ديانا سياقتى ماماندار ارنايى قاتىستى.
- بۇل كورمە-ەكسترەميستەردى وڭالتۋ جۇمىسىنىڭ ۇزاق ءبىرى عانا ناتيجەسى. بۇل باستاما ەكسترەميزم جانە تەرروريزممەن كۇرەس سالاسىندا حالىقارالىق قاۋىمداستىقتىڭ نازارىنا ىلىگەتىندەي جوبا,- دەيدى تاتيانا درونزينا.
- كورمەدەگى تۋىندىلاردان سۋرەت كورىپ قانا قويماي, اۋىر قىلمىسپەن سوتتالعانداردىڭ دۇنيەگە كوزقاراسىن, ۇستانىمىن بايقاۋعا بولادى. ولار كوزقاراستى تۇبەگەيلى وزگەرتۋدە. بۇل جوبا مامانداردىڭ راديكالدى اعىمعا تۇسكەندەردى قايتا ءداستۇرلى دىنگە قايتارىپ, دۇرىس باعىتقا ءتۇسۋ ءۇشىن جاسالعان جۇمىسى, - دەدى د. ەسەنوۆا.
وبلىستىق قىلمىستىق اتقارۋ جۇيەسى دەپارتامەنتى باسشىسىنىڭ ورىنباسارى داۋلەت ىسقاقوۆتىڭ ايتۋىنشا, كورمەنىڭ جازاسىن وتەۋشىلەردىڭ دۇنيەتانىمىنا وڭ اسەرىن تيگىزەرى ءسوزسىز. جازاسىن وتەۋشىلەر سۋرەتتەرى ارقىلى ادامي قۇندىلىقتارعا دەگەن ىشكى جان دۇنيەسىن كورسەتەدى.
جالپى, دەسترۋكتيۆتى باعىتتى ۇستانۋشىلار ءان ايتۋ, سۋرەت سالۋ سىندى مادەني شارالار مەن سالت-ءداستۇر, مەيرام, قوعامدىق قۇندىلىقتارعا تۇبەگەيلى قارسى بولىپ كەلەدى.
ال, بايقاۋ كەزىندە جازاسىن وتەۋشىلەر قولدارىنا قالام الىپ مەملەكەتتىك رامىزدەردى, مەرەكەلەردى, ءداستۇردى سيپاتتاپ سۋرەت سالدى.
ساراپشىلار اتالمىش شارانى ەكسترەميستىك پيعىلدان قايتارۋداعى جەتىستىك رەتىندە باعالادى.
وڭىردەگى «كونفەسسياارالىق قارىم-قاتىناستاردى تالداۋ جانە دامىتۋ» ورتالىعىنىڭ ديرەكتورى گۇلناز رازدىقوۆانىڭ ايتۋىنشا, سۋرەت كورمەسىنىڭ ۇيىمداستىرىلۋىنا وبلىستىق پروكۋراتۋرا وكىلدەرى ۇيىتقى بولىپتى.
كورمە ەكسترەميزم مەن تەرروريزم باپتارى بويىنشا سوتتالعاندار ءۇشىن سىرتقى ومىرمەن ارالاسىپ, جاساعان قىلمىستارى ءۇشىن ادامداردان كەشىرىم سۇراۋعا مۇمكىنشىلىك بەرەدى.
وبلىس بويىنشا قىلمىستىق اتقارۋ جۇيەسى مەكەمەلەرىنىڭ تەولوگيالىق جانە قايتا وڭالتۋ جۇمىستارىن ۇيىمداستىرۋ توبىنىڭ باس ينسپەكتورى رۋسلان سادۋتىڭ ايتۋىنشا, وبلىس ورتالىعىنداعى قايتا تۇزەۋ كولونياسىنا اپتاسىنا ءبىر رەت تەولوگتار, ءدىنتانۋشىلار, پسيحولوگتار, تاريحشى ماماندار كەلىپ وڭالتۋ جۇمىستارىن جۇرگىزەدى. باسقا دا ارنايى ءىس-شارالار وتكىزىلىپ تۇرادى.
ناتيجەسىندە, ەكسترەميزم بابى بويىنشا سوتتالعانداردىڭ باسىم كوپشىلىگىن ءوز رايىنان قايتۋدا. ۇستانىمدارىنىڭ دۇرىس ەمەستىگىن ءتۇسىندى. جازاسىن وتەۋشىلەردىڭ دۇنيەتانىمى وزگەرۋدە.
سەبەبى, ولار نەگىزگى ءدىني مالىمەتتى عالامتوردان, اۋديودان, بۋكلەتتەردەن, كۇماندى اقپارات كوزدەرىن العان.
ال, وڭالتۋ سالاسىندا ءدىني ماماندار, تەولوگتار مەن پسيحولوگتار وسى سالادا اۋقىمدى جۇمىستار اتقارۋدا. ومىرگە دەگەن كوزقاراستارىن وڭالتۋ, تۇزەۋ ارقىلى سوتتالعانداردى تولەرانتتىلىققا باۋلۋ جانە ەكسترەميستىك, دەسترۋكتيۆتى سانادان الشاقتاتۋ, ءداستۇرلى ءدىننىڭ پرينتسيپتەرى مەن قۇندىلىقتارىن ناسيحاتتاۋ.
سۋرەت كورمەسىن وتكىزۋ ارقىلى تەرروريزمگە قارسى تۇرۋعا ارنالعان بۇل شارا ەلىمىزدىڭ باسقا وڭىرلەرگە تارالۋدا.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ايگۇل ەسەناليەۆا
