Reuters. وپەك لوگوتيپى
وپەك-ءتىڭ الداعى وتىرىسى بەيسەنبى كۇنى ۆەنادا وتەدى, ال جۇما كۇنى رەسەي سياقتى كارتەل وداقتاستارىنىڭ كەلىسسوزدەرى وتەدى. وپەك-ءتىڭ نەگىزگى كوشباسشىسى ساۋد ارابياسى 2019 جىلدىڭ قاڭتارىنان باستاپ, مۇنايدىڭ كوپ مولشەرىنىڭ جارامسىز قالماۋىن ەسكەرە وتىرىپ, ءوندىرىستىڭ كولەمىن كۇرت قىسقارتۋ قاجەتتىلىگىن كورسەتكەن. الايدا رەسەي كۇرت تومەندەتۋگە قارسى.
«بارلىعىمىز رەسەيدى قوسا العاندا, قىسقارتۋ قاجەتتىلىگىنىڭ بار ەكەنىنە كەلىسەمىز», - دەدى ساۋد ارابياسىن, رەسەيدى جانە باسقا دا بىرنەشە مۇناي وندىرۋشىلەردى بىرىكتىرەتىن مينيسترلىك مونيتورينگ كوميتەتىنىڭ وتىرىسىنان كەيىن ومان مۇناي ونەركاسىبى ءمينيسترى مۇحاممەد بين حاماد ءال-رۋمي جۋرناليستەرگە. «قىسقارتۋدىڭ ناقتى كولەمى ءالى دە تالقىلانۋدا», دەدى ءال-رۋمي. 2018 جىلعى قىركۇيەك نەمەسە قازان ايىنداعى كورسەتكىش 2019 جىلعى قاڭتار-ماۋسىم ارالىعىندا ءوندىرۋدى قىسقارتۋ ءۇشىن بازالىق دەڭگەي بولۋى مۇمكىن.
ەكى وپەك دەلەگاتى رەسەيدىڭ ەنەرگەتيكا ءمينيسترى الەكساندر نوۆاك رف پرەزيدەنتى ۆلاديمير ءپۋتيننىڭ كەلىسۋىمەن تانىسۋ ءۇشىن سارسەنبى كۇنى ماسكەۋگە ۇشىپ كەتكەنىن ايتتى.
ساۋد ارابياسى وپەك-ءتىڭ مۇناي ءوندىرۋدىڭ كولەمىن قىسقارتۋدى جانە كارتەل وداقتاستارىنىڭ كەم دەگەندە تاۋلىگىنە 1,3 ميلليون باررەلگە نەمەسە ءوندىرۋ دەڭگەيىنەن 1,3 پايىزعا قىسقارتۋدى قالايتىنىن ءتۇسىندى.
ەر-رياد ماسكەۋدىڭ مۇناي ءوندىرۋدى كەم دەگەندە تاۋلىگىنە 250.000-350.000 باررەلگە قىسقارتقانىن قالايدى, بىراق رەسەي قىسقارتۋ كولەمى وسى دەڭگەيدەن جارتىسىن قۇراۋى ءتيىس دەپ وتىر.
وپەك پەن كارتەلدىڭ وداقتاستارى 2019 جىلى ءوندىرۋدى قىسقارتۋ يدەياسىن 2016 جىلى كەلىسىلگەن كۆوتالارعا قايتارۋ ەسەبىنەن تالقىلايتىنىن حابارلادى, دەپ جازادى تاسس اگەنتتىگى دەرەككوزدەرگە سىلتەمە جاساي وتىرىپ.
مۇنداي شەشىم تاۋلىگىنە 1 ميلليون باررەلدەن ارتىق ءوندىرۋدى قىسقارتۋدى بىلدىرەدى. ساۋد ارابياسى, رەسەي جانە ءباا 2018 جىلدىڭ ماۋسىمىنان باستاپ دونالد ترامپ يراننان اقش-تىڭ سانكتسيالارىنان كەيىن تۇسەتىن ەكسپورتتىڭ ورنىن تولتىرۋ ءۇشىن مۇناي ءوندىرۋدى ارتتىرۋعا شاقىردى.
دايىنداعان ءمادينا جالەلقىزى,
«ەگەمەن قازاقستان»
