سىر وڭىرىندە وتباسىمەن جانە بۇگىنگى قوعامنىڭ دامىپ, وركەندەۋىنە ءار سالادا ءجۇرىپ ءوزىنىڭ ۇلەسىن قوسقان 35 ايەل-اناعا «عاسىر-انا», «ۇزدىك ءبىلىم قىزمەتكەرى», «ۇزدىك مەديتسينا قىزمەتكەرى», «ۇزدىك فەرمەرلىك جانە شارۋا قوجالىعىنىڭ باسشىسى», «ۇزدىك پوشتا نەمەسە ءوندىرىس قىزمەتكەرى», «ۇزدىك ساۋدا جانە قىزمەت كورسەتۋ سالاسىنداعى شاعىن جانە ورتا بيزنەس باسشىسى» نوميناتسيالارى بويىنشا وبلىس اكىمى اتىنان ديپلومدار بەرىلدى.
فورۋمدا "ۇرپاقتان-ۇرپاققا" قوعامدىق بىرلەستىكتىڭ جەتەكشىسى ا. بوجانوۆا, جاڭاقورعان اۋدانى, كەدەن اۋىلدىق وكرۋگىنە قاراستى اققۇم اۋىلىنىڭ تۇرعىنى, ءىى توپ مۇگەدەگى, قولونەرشى ورال قاسيەت ءسوز سويلەدى. "اۋىل ايەلىنىڭ ءبىر كۇنى" دەگەن تاقىرىپپەن جالاعاش اۋدانىنىڭ تۇرعىنى, مالشى ق. قاناتباەۆا جونىندە بەينەروليك كورسەتىلدى.
- بيىلعى جىلى قىزىلوردا وبلىسىندا جاپپاي كاسىپكەرلىك دامىتۋ جىلى دەپ جاريالاندى. ونىڭ كاسىپكەرلەرىمىزدىڭ جۇمىسىن ءتيىمدى جۇرگىزۋىنە سەپتىگى تيگەندىكتەن, وبلىس اكىمى بۇنى ءارى قاراي ءۇش جىلعا سوزۋ جونىندە شەشىم قابىلدادى. بۇل رەتتە, وڭىرلىك كاسىپكەرلىكتى دامىتۋ ءۇشىن بيۋدجەتى 32 ملرد. تەڭگەنى قۇرايتىن كەشەندى جول كارتاسى ازىرلەندى. «ستارت-اپ» جوبالارعا 3,0 ملرد. تەڭگە ءبولىندى. ونىڭ ىشىندە, اۋىلدىق جەردە اۋىلشارۋاشىلىق كەشەنىن دامىتۋعا 8,8 ملرد.تەڭگە قارجى قاراستىرىلعان. 2017 جىلى ەكى مىڭنان استام جەكە قوسالقى شارۋاشىلىقتى بىرىكتىرىپ, 80 كوووپەراتيۆ قۇرىلدى. وڭىرلىك ينۆەستيتسيالىق ورتالىق ارقىلى وبلىستىق بيۋدجەتتەن شاعىن نەسيەگە 1 ملرد. تەڭگە ءبولىنىپ, بۇگىنگى تاڭدا 258 جوبا قارجىلاندى. ونىڭ ىشىندە 112 جوبا ايەل كاسىپكەرلەرگە تيەسىلى. سونىمەن قاتار, «اۋىل شارۋاشىلىعىن قولداۋ قورى» قىزىلوردا فيليالىنان 2017-2018 جىلدار ارالىعىندا 2,4 ملرد. تەڭگەگە 760 نەسيە ايەل كاسىپكەرلەرگە بەرىلدى. قازىر تابىستى بيزنەستى جۇرگىزۋ ءۇشىن جاقسى جاعداي بار. تەك جۇمىس ىستەۋ, تاجىريبە الماسۋ جانە قيىندىقتاردان قورىقپاۋ كەرەك, - دەدى فورۋم جۇمىسىن جۇرگىزىپ وتىرعان قىزىلوردا وبلىسى اكىمى ورىنباسارى, وبلىستىق ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا توراعاسى رۋسلان رۇستەم ۇلى.
قىزىلوردا وبلىسى بويىنشا 2018 جىلدىڭ 1 قازانىنا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنا 27741 قاتىسۋشى ەنگىزىلسە, ونىڭ ىشىندە ايەلدەردىڭ مەنشىكتى سالماعى 47,4 پايىزدى قۇراعان ەكەن.
باقتيار تايجان,
«ەگەمەن قازاقستان»
قىزىلوردا وبلىسى
