بۇل شاتقاياقتاپ قالعان شاعىن جانە ورتا بيزنەسىن وركەندەتۋگە ۇمتىلعان كاسىپكەر ءۇشىن ۇلكەن مۇمكىندىك بولماق. جالپى, وبلىستا كاسىپكەرلىكتى قولداۋ ۇلكەن قارقىنمەن جۇرگىزىلۋدە
ەلباسى جولداۋىندا «بيزنەستىڭ جول كارتاسى 2020» باعدارلاماسىن 2025 جىلعا دەيىن ۇزارتۋ جانە جىل سايىن قوسىمشا كەمىندە 30 ملرد. تەڭگە قاراجات ءبولۋ ماسەلەسى كوتەرىلگەن.
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق كاسىپكەرلىك جانە تۋريزم باسقارماسى باسشىسىنىڭ ورىنباسارى ازامات دوسجانوۆ مالىمدەدى.
- بۇل ۇسىنىس وبلىسىمىز تاراپىنان قولدانىپ, 2019 جىلى رەسپۋبليكالىق بيۋدجەتتەن باعدارلاما اياسىندا سۋبسيديالار مەن كەپىلدىكتەر بەرۋ ءۇشىن 849,5 ملن. تەڭگە قاراجات قاراستىرۋعا بيۋدجەتتىك وتىنىمدەر ۇسىنىلدى. جالپى, 2019 جىلى باعدارلاما اياسىندا كاسىپكەرلىك سۋبەكتىلەرىنە قولداۋ كورسەتۋ ءۇشىن 1,6 ملرد. تەڭگە قاراجات ءبولۋ كوزدەلۋدە.
بۇدان وزگە, جولداۋدا ەلباسىمەن كەلەر جىلدى «جاستار جىلى» رەتىندە جاريالاۋ ۇسىنىلعان. بيىلعى جىلدىڭ وزىندە وسى جاستار ءۇشىن ارنايى «بايقوڭىر Start-up 2» بيزنەس-يدەيالار بايقاۋى, قىزىلوردا وبلىسىنىڭ «جاس كاسىپكەرلەر» فورۋمى ۇيىمداستىرىلعان بولسا, ودان بولەك جاستاردىڭ دا ۇلەسى بار مۇمكىندىگى شەكتەۋلى ازاماتتارعا ارنالعان «وزىڭە سەنە باستا» كورمە-بايقاۋى, «قازاقستاننىڭ ۇزدىك تاۋارى 2018» كورمە-بايقاۋى, «ىسكەر ايەل – كاسىپكەرلەر» فورۋمى وتكىزىلدى,-دەدى ا. دوسجانوۆ.
باقتيار تايجان,
«ەگەمەن قازاقستان»
قىزىلوردا وبلىسى
