جوبالار «تسيفرلى قازاقستان» مەملەكەتتىك باعدارلاماسى مەن «Smart city» تۇجىرىمداماسى اياسىندا ىسكە اسىرىلىپ جاتىر.
- بۇگىندە ايماقتا ءبىلىم بەرۋ, دەنساۋلىق ساقتاۋ, تۇرعىنۇي كوممۋنالدىق شارۋاشىلىعى, كولىك جانە قاۋىپسىزدىك, بيزنەس سالالارىندا جالپى قۇنى 4,4 ملرد.تەڭگە بولاتىن 40 جوبا جۇزەگە اسىرىلۋدا, - دەدى وبلىس اكىمىنىڭ ورىنباسارى ەۆگەني كيم.
وسىلايشا, قاۋىپسىزدىك سالاسىن تسيفرلاندىرۋ بويىنشا 5 جوبا جۇزەگە اسىرىلادى. 2020 جىلدىڭ سوڭىنا دەيىن 1400 بەينەكامەرانى ورناتىلادى جانە وبلىس ورتالىعىندا جول قوزعالىس ەرەجەلەرى بۇزۋشىلىقتارىن تىركەيتىن 31 جۇيە ىسكە قوسىلادى. سونداي-اق, پيلوتتىق رەجيمدە 112 بىرىڭعاي ديسپەتچەرلىك قىزمەتى ىسكە قوسىلدى, ول جەدەل-جاردەم, پوليتسيا, توتەنشە جاعدايلار, ءورت ءسوندىرۋ, گازبەن قامتۋ, انىقتاما قىزمەتىن بىرىكتىرەدى.
ونەركاسىپ سالاسىن تسيفرلاندىرۋ شەڭبەرىندە «قازگەرمۇناي» بك» جشس مۇناي ءوندىرۋدى 1-2% - عا دەيىن ۇلعايتۋعا, جوندەۋ ارالىق كەزەڭدى 700 كۇنگە دەيىن ۇزارتۋعا, وپەراتسيالىق شىعىنداردى 10% - عا دەيىن قىسقارتۋعا جانە باسقارۋشىلىق شەشىمدەردىڭ تيىمدىلىگىن 20% - عا دەيىن ارتتىرۋعا مۇمكىندىك بەرەتىن «اقىلدى كەن ورنى» تەحنولوگياسىن ەنگىزۋ بويىنشا جۇمىستار باستالدى.
باقتيار تايجان,
«ەگەمەن قازاقستان»
قىزىلوردا وبلىسى
