ىستە ناتيجەلىلىككە قول جەتكىزۋ ءۇشىن قۇزىرلى مەملەكەتتىك ورگاندارمەن ىنتىماقتاستىق تۋرالى مەموراندۋمدارعا, شارتتار مەن كەلىسىمدەرگە قول قويىلعان. ورتالىق جۇمىسىن باستاعالى اقتاۋ, جاڭاوزەن قالالارىنىڭ پەداگوگ-پسيحولوگتارىنا الەۋمەتتىك پسيحولوگيالىق كومەكتى قاجەت ەتەتىن جاسوسپىرىمدەرمەن جۇمىس جاساۋ ءادىس-تاسىلدەرى تۋرالى ترەنينگتەر وتكىزىلىپ, جاسوسپىرىمدەرمەن كوممۋنيكاتيۆتى داعدىنى قالىپتاستىرۋدى جاقسارتۋ ماقساتىندا مەكتەپتەردىڭ تاربيە جونىندەگى ورىنباسارلارمەن ترەنينگتەر ۇيىمداستىرىلدى. بالالارمەن وتكىزىلگەن ترەنينگتەردەگى ءار ءتۇرلى ويىنداردا سترەسسكە توزىمدىلىكتى ارتتىرۋعا كوپ ءمان بەرىلەدى, اتاپ ايتقاندا ورتالىقتا زاڭمەن بايلانىسقان ياعني, ءىستى بولعان جاسوسپىرىمدەر مەن ولاردىڭ اتا-انالارىنا قاجەتتى كەڭەستەر بەرىلىپ, ترەنينگتەر وتكىزىلەدى.
ورتالىق اياسىندا قىزمەت جۇرگىزەتىن «پراۆو» قوعامدىق قورىنىڭ ماڭىزى زور. بالالارعا دۇرىس جول تاڭداۋعا كومەكتەسۋ, ەل ازاماتى بولۋعا ۇيرەتۋ, باعىت-باعدار بەرۋ جانە كەيبىر جاعدايدا اتا-انا تاراپىنان الا الماعان قامقورلىقتى, كومەكتى بەرۋ ماقساتىنداعى قور 9-18 جاس ارالىعىنداعى جاسوسپىرىمدەرمەن جۇمىس جاسايدى. ءار بالانىڭ پسيحولوگيالىق پورترەتىن جاساۋ, جانۇيا جاعدايىن انىقتاۋ جانە وعان كومەكتەسۋ جولدارىن انىقتاۋ بولىپ تابىلادى. سونىمەن قاتار, ورتالىق قىزمەتىمەن ءىىد-دە ەسەپتە تۇرعان, قىلمىس جاساۋعا بەيىم بالالار دا قامتىلعان. ورتالىقتا پسيحولوگيالىق, قۇقىقتىق كومەك كورسەتۋمەن قاتار, ولاردىڭ بوس ۋاقىتتارىن ءتيىمدى وتكىزۋگە جاعداي جاسالعان. ءان ايتۋعا, سۋرەت سالۋعا ۇيرەتۋ, ءتىل ۇيرەتۋ, ت.ب. ۇيىرمەلەر جۇمىس جاسايتىن بولادى.
- بالا –ون سەگىزگە تولماعان ادام. بالانىڭ ءوز قۇقىقتارى مەن زاڭدى مۇددەلەرىنىڭ قورعالۋىنا قۇقىعى بار. ولاردىڭ قۇقىقتارىن قورعاۋ جونىندەگى فۋنكتسيالاردى جۇزەگە اسىراتىن ۇيىمدار – بۇل بالالاردى الەۋمەتتىك قورعاۋدى, الەۋمەتتىك تۇرمىستىق, مەديتسينالىق, الەۋمەتتىك-پەداگوگيكالىق, پسيحولوگيالىق-پەلاداگوگيكالىق, قۇقىقتىق قىزمەتتەر كورسەتۋمەن ماتەريالدىق كومەك كورسەتەۋدى, ومىردە قيىن احۋالعا تاپ بولعان بالالاردى قولداۋدى جۇزەگە اسىرادى, دەيدى ورتالىق پسيحولوگى د.نازاروۆا.
ورتالىقتا الەۋمەتتىك پەداگوگ, زاڭگەر, تەولوگ پەن ۇيىرمە جەتەكشىلەرى ۇكىمەتتىڭ جانە جەرگىلىكتى اتقارۋشى ورگانداردىڭ قولداۋىمەن جاس ۇرپاق تاربيەسىنە اتسالىسىپ كەلەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
