اق حالاتتىلاردىڭ كومەگىنە جۇگىنگەن 200-گە جۋىق قالا حالقىنىڭ 169-ى كىشى لابوروتوريالىق تەكسەرۋدەن ءوتتى. قالالىق دەنساۋلىق ساقتاۋ باسقارماسىنىڭ ءبىز سالاماتتى ءومىر سالتى ءۇشىن ۇرانىمەن ۇيىمداستىرعان اكتسياسىندا شىمكەنت جوعارى مەديتسينا كوللەدجىنىڭ ستۋدەنتتەرى ءارتۇرلى جاعدايلاردا العاشقى مەديتسينالىق كومەك كورسەتۋ بويىنشا شەبەرلىك ساباعىن وتكىزدى. بولاشاق دارىگەرلەر جۇرەك-وكپە رەانيماتسياسىن دۇرىس جۇرگىزۋگە ۇيرەتىپ, زارداپ شەگۋشىلەرگە قانداي كومەك بەرۋ كەرەكتىگىن كورسەتتى.
سونداي-اق اتالعان اكتسيا بارىسىندا قالا تۇرعىندارىنا تەگىن كەپىلدەندىرىلگەن مىندەتتى الەۋمەتتىك مەديتسينالىق ساقتاندىرۋ بويىنشا كورسەتىلەتىن مەديتسينالىق كومەكتىڭ تۇرلەرى جانە مەديتسينالىق ساقتاندىرۋدى ەندىرۋدىڭ ماڭىزدىلىعى تۋرالى «مىندەتتى الەۋمەتتىك مەديتسينالىق ساقتاندىرۋ» قورىنىڭ وكىلدەرى ءتۇسىندىرۋ جۇمىستارىن جۇرگىزدى.
ء«اربىر ادامنىڭ نازارىن سالاماتتى ءومىر سالتىن ۇستانۋدى قالىپتاستىرۋعا, حالىقتى ءوز دەنساۋلىعىن ساقتاۋعا شاقىرعان شارا الداعى ۋاقىتتا دا جالعاسىن تابادى», دەيدى سالا ماماندارى.
نۇرشات توكەن,
«ەگەمەن قازاقستان»
شىمكەنت
