«ۇبت فورماتىن جەڭىلدەتۋ, بالالارعا ءتيىستى جاعداي جاساۋ ماقساتىندا ۇسىنىستارىمىز بار. ءبىرىنشى ماسەلە 2019 جىلدان باستاپ جوعارى وقۋ ورنىنا اقىلى نەگىزدە ءتۇسۋ ءۇشىن تۇلەكتەر ۇلتتىق بىرىڭعاي تەستىلەۋدى جىلىنا 4 رەت تاپسىرۋ مۇمكىندىگى بار. قاڭتار ايىندا ۇبت تاپسىرىپ, ءتيىستى شەكتى بالدى جيناپ السا, وندا مەكتەپتى بىتىرمەي, اتتەستاتىن الماي تۇرسا دا, سەرتيفيكاتتى اپارۋ ارقىلى جوعارى وقۋ ورنىنا تاپسىرسا, وندا تۇلەك اقىلى نەگىزدە وقۋعا تۇسۋگە قۇجاتتارىن تاپسىرا الادى», - دەپ مالىمدەدى قر ءبىلىم جانە عىلىم ۆيتسە-ءمينيسترى اسحات ايماعامبەتوۆ.
2019 جىلعى 15-20 قاڭتار ارالىعىندا وتكىزىلەتىن ۇبت-عا قاتىسۋ ءۇشىن وتىنىشتەر 2018 جىلعى 1-15 جەلتوقسان ارالىعىندا قابىلدانادى.
ال ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن وقۋعا تۇسۋشىلەر مىندەتتى تۇردە ماۋسىم-شىلدە ايلارىندا وتەتىن ۇبت-عا قاتىسۋى قاجەت ەكەندىگىن اسحات ايماعامبەتوۆ تىلگە تيەك ەتتى.
سونداي-اق, شەت ءتىلىن مەڭگەرگەندىگىن راستايتىن حالىقارالىق سەرتيفيكاتتارى بار تۇلعالاردى «شەت ءتىلى» ءپانى بويىنشا ۇبت-دان بوساتۋ نورماسى ەنگىزىلۋدە.
