ەلدىڭ وسى قۋانىشىن بولىسۋگە كەلگەن وبلىس اكىمى قىرىمبەك كوشەرباەۆ:
«مەملەكەت باسشىسىنىڭ قولداۋىمەن باستالعان ءىرى ستراتەگيالىق ماڭىزى بار – «بەينەۋ-بوزوي-شىمكەنت» ماگيسترالدى گاز قۇبىرى سىر ەلىنە ءساتتى مۇمكىندىك بەردى. ولاي دەيتىنىم, وبلىس اۋماعىنان وتەتىن 846 شاقىرىمدىق گاز قۇبىرى قىزىلوردا وبلىسىن گازداندىرۋعا جول اشتى. بۇل ارال, قازالى, شيەلى, جاڭاقورعان اۋدان ورتالىقتارىن جانە وتكەن جىلى بايقوڭىر قالاسىن گازداندىرۋعا مۇمكىندىك بەردى. مىنە, ەندى كەنت ورتالىعىنان بولەك اۋىلدىق ەلدىمەكەندەردى دە گازداندىرۋ جۇمىستارى جۇرگىزىلۋدە, دەدى.
ۇيىنە گاز كىرگەن ىبىراي جاقاەۆ اۋىلىنىڭ تۇرعىنى ءلاززات پارمانقۇلوۆا:
- بۇرىن پەش جاعىپ, تاماق ىستەۋ ءۇشىن ۇلكەن ابىگەرگە تۇسەتىن ەدىك. وتىن ساتىپ الۋدىڭ دا ءوز ماشاقاتى جەتەتىن. گاز كومىرگە قاراعاندا ارزان, وسى جاعىنان دا تۇرمىسىمىزعا قولايلى بولىپ تۇر, -دەيدى.
بۇگىندە وبلىس حالقىنىڭ 63 پايىزى كوگىلدىر وتىننىڭ قىزىعىن كورىپ وتىر.
باقتيار تايجان,
«ەگەمەن قازاقستان»
قىزىلوردا وبلىسى
