كورنەكى مىسال رەتىندە جابىق مەكەمەلەر مونيتورينگىندە ومبۋدسمەننىڭ ۇيلەستىرۋشى ءرولى كەزىندە مەملەكەتتىك ورگاندار مەن ازاماتتىق سەكتوردىڭ ىنتىماقتاستىق تاجىريبەسى كەلتىرىلگەن; قر ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ مۇمكىندىگى شەكتەۋلى جانداردىڭ قۇقىقتارىن قورعاۋ ماسەلەلەرى بويىنشا تالقىلاۋ جانە شارالار ازىرلەۋ ءۇشىن ديالوگ الاڭىن قۇرۋ; بۇۇ بالالار قورىنىڭ (يۋنيسەف) قازاقستانداعى وكىلدىگىمەن بىرلەسىپ بالالارعا قاتىستى زورلىق-زومبىلىق پروبلەماسىنا كەشەندى زەرتتەۋ جۇرگىزۋ.
جوعارىدا كورسەتىلگەن ءوزارا ءىس-قيمىل فورماتىنداعى جۇمىس ناتيجەلەرى حالىقارالىق ۇيىمدارمەن مويىندالعان جانە باسقا ەلدەردە ىسكە اسىرۋ ءۇشىن ۇسىنىلعان.
سونىمەن قاتار ومبۋدسمەن ۇكىمەت باسشىسىنىڭ نازارىن جۇيەلى سيپاتقا يە ونىڭ ۇندەۋلەرى مەن ۇسىنىمدارىن ورتالىق مەملەكەتتىك ورگاندارمەن بىرنەشە رەت تيىسىنشە قاراستىرماعاندىعىنا اۋداردى.
وسىعان بايلانىستى ۇلتتىق قۇقىق قورعاۋ مەكەمەسىنىڭ ۇندەۋ حاتتارى ازاماتتاردىڭ شاعىمدارى مەن وتىنىشتەرىنىڭ تالداماسىنان نەگىزدەلگەنى, سونداي-اق قازاقستان رەسپۋبليكاسى پرەزيدەنتىنىڭ باستاماشىلىق جاساعان ءىرى مەملەكەتتىك باعدارلامالار شەڭبەرىندە تاپسىرمالارىنا تىكەلەي ساي كەلەتىن نىسانالى ۇسىنىستاردى قامتىلعانى اتاپ ءوتىلدى.
وسىلايشا, اعىمداعى جىلدىڭ 5 قازانىندا مەملەكەت باسشىسىنىڭ قازاقستان حالقىنا جولداۋىندا ازىرلەۋدى تاپسىرعان «جول كارتاسىنا» مەكتەپكە دەيىنگى مەكەمەلەردىڭ قىزمەتىن جەتىلدىرۋدىڭ ناقتى ۇسىنىمدارى ۇكىمەتكە قاراۋ ءۇشىن ۇسىنىلدى.
بۇعان دەيىن باسقا دا وزەكتى ماسەلەلەر بويىنشا, اتاپ ايتقاندا, «التىن القا» القاسىمەن ماراپاتتالعان كوپ بالالى انالاردىڭ مەملەكەتتىك تۇرعىن ءۇي قورىنان ءبىرىنشى كەزەكتە تۇرعىن ءۇي الۋ قۇقىعىن ىسكە اسىرۋدا قۇقىقتىق كولليزيانى جويۋ, سونداي-اق تۇرعىن ءۇيى بەلگىلەنگەن سانيتارلىق-ەپيدەميولوگيالىق جانە تەحنيكالىق تالاپتارعا ساي كەلمەيتىن ازاماتتاردى ەسەپكە قويۋ ماسەلەلەرى بويىنشا ۇندەۋ حاتتار جىبەرىلگەن بولاتىن.
ادام قۇقىقتارى جونىندەگى ۋاكىلدىڭ الاڭداۋشىلىعى جەكەلەگەن مەملەكەتتىك ورگانداردىڭ ۇسىنىلعان ۇسىنىستارعا انىق جانە ۋاقىتىلى جاۋاپتىڭ, سونداي-اق ۇلكەن الەۋمەتتىك ماڭىزى بار جانە كەڭ قوعامدىق رەزونانس تۋدىراتىن ماسەلەلەردى شەشۋ جونىندەگى نەگىزدەلگەن ۇستانىمنىڭ بولماۋىنا بايلانىستى تۋىندادى.
جوعارىدا ايتىلعاندارعا بايلانىستى ومبۋدسمەن پرەمەر-مينيسترگە قولدانىستاعى زاڭناما شەڭبەرىندە بيلىكتىڭ اتقارۋشى ورگاندارى مەن ۇلتتىق قۇقىق قورعاۋ مەكەمەسىنىڭ ءوزارا ءىس-قيمىلىنىڭ تيىمدىلىگىن ارتتىرۋ جونىندە قاجەتتى تاپسىرمالار بەرۋ تۋرالى وتىنىشىمەن جۇگىندى.
