اياگوز اۋدانىندا 2011 جىلى قۇرىلعان «قازاق زاعيپتار قوعامىنىڭ» باستاۋىش ۇيىمىنىڭ بۇگىندە 60-تان استام مۇشەسى بار. 13 قاراشا – زاعيپتار كۇنى قارساڭىندا «قوزى كورپەش-بايان سۇلۋ» مادەنيەت سارايىندا مەرەكەلىك شارا ءوتتى. مەرەكەلىك شارادا اۋدان اكىمىنىڭ ورىنباسارى بولات سۇلەيمەنوۆ قۇتتىقتاۋ لەبىزىن ءبىلدىرىپ, قوعامدىق ءىس-شارالاردا بەلسەندىلىك تانىتقان زاعيپ جاندارعا اۋدان اكىمى باقىتجان باياحمەتوۆتىڭ العىس حاتتارىن تابىس ەتتى.
ايتا كەتەيىك, مەرەكە قارساڭىندا جەرگىلىكتى كاسىپكەرلەر «ارعىن» ساۋدا ءۇيىنىڭ باسشىسى م.كۇزەتاەۆ پەن «قۇرمانباي» ساۋدا ءۇيىنىڭ باسشىسى ە.قۇرمانعوجانوۆ 60 ازاماتقا ازىق-ت ۇلىك سەبەتتەرىن تارتۋ ەتكەن بولاتىن. «وتە قۋانىشتىمىن. ءبىزدى ەلەپ-ەسكەرگەندەرىڭىزگە راحمەت. قانداي جاعداي بولماسىن العا باسۋ كەرەك. مىنە, جەمىسىن كورىپ وتىرمىز. سىزدەردىڭ بارلىقتارىڭىزعا راحمەت ايتامىن»,- دەيدى اياگوز اۋدانى بويىنشا «قازاق زاعيپتار قوعامىنىڭ» ءتورايىمى قۇرالاي ەلشىبەكوۆا.
ازامات قاسىم,
«ەگەمەن قازاقستان»
شىعىس قازاقستان وبلىسى, اياگوز اۋدانى
