اتالعان قۇجات شىعىس قازاقستان مەن التاي رەسپۋبليكاسىنىڭ ساۋدا-ەكونوميكالىق, مادەني-الەۋمەتتىك, اقپاراتتىق, كولىكتىك, سونداي-اق اۋىلشارۋاشىلىعى سالالارىنداعى بايلانىستى جاڭا دەڭگەيگە كوتەرۋگە مۇمكىندىك بەرەدى. «التاي – ءبىزدىڭ ورتاق ءۇيىمىز. التاي تەك قازاقستان مەن رەسەيدى عانا ەمەس, موڭعوليا مەن قىتايدى دا بىرىكتىرەدى. ءبىزدىڭ بىرلەسكەن تۋريستىك باعىتتارىمىز بار. ەندى شەكارادان كەدەرگىسىز ءوتۋ ماسەلەسىن شەشكەنىمىز ءجون. «رۋحاني جاڭعىرۋ» باعدارلاماسى اياسىندا ءبىز اباي, اۋەزوۆ, دوستوەۆسكي, شۋكشين سەكىلدى ۇلى تۇلعالاردىڭ شىعارماشىلىعىن ناسيحاتتايتىن, قازاقستان مەن رەسەيدىڭ ادەبي, پوەتيكالىق جانە فيلوسوفيالىق ۇندەستىگىن كورسەتەتىن بىرنەشە مارشرۋت ازىرلەدىك», دەدى د.احمەتوۆ جۋرناليستەرگە بەرگەن سۇحباتىندا. سونداي-اق ايماق باسشىسى بۇگىندە شىعىستا ەمدەۋ-ساۋىقتىرۋ ءتۋريزمىن دامىتۋعا باعىتتالعان باعدارلاما ازىرلەنىپ جاتقانىن, وڭىردە وقيعالى تۋريزم سالاسىن قولعا الۋ جوسپاردا بار ەكەنىن جەتكىزدى.
ءوز كەزەگىندە التاي رەسپۋبليكاسىنىڭ باسشىسى رەسەيلىكتەر قازاقستاندىقتارعا تۋريزم سالاسىندا جان-جاقتى قىزمەت تۇرلەرىن كورسەتۋگە ءازىر ەكەنىن ايتتى. ء«بىزدىڭ قازاقستاندىق ارىپتەستەرىمىزبەن بايلانىسىمىز مىعىم. التاي − سىزدەر ءۇشىن دە, ءبىز ءۇشىن دە كيەلى مەكەن, قاستەرلى ۇعىم. كەزىندە ءدال وسى التاي جەرىندە تۇركى قاعاناتىنىڭ نەگىزى قالانعان ەكەن. سوندىقتان بۇل تۇركىتىلدەس ۇلتتاردىڭ قاي-قايسىسى ءۇشىن دە اتاجۇرت دەۋگە بولادى. مۇزتاۋ تاۋىنىڭ ءبىر جارتىسى شىعىس قازاقستان وبلىسىنا قارايدى. دەمەك, شىعىسقازاقستاندىقتارمەن مۇددەمىز دە, قۇندىلىقتارىمىز دا ءبىر. «التاي – ءبىزدىڭ ورتاق ءۇيىمىز» حالىقارالىق كونستيتۋتسيالىق كەڭەسىنىڭ اياسىندا «التاي – التىن جۇزىك» اتتى تۋريستىك جوبا ازىرلەندى. ءتورت مەملەكەت اۋماعىن قامتيتىن بۇل جوبانىڭ قاتىسۋشىلارى قىتايداعى كولدى, بۇقتىرما سۋ قويماسىن, رەسەي اۋماعىنداعى التايدىڭ سۇلۋلىعىن تاماشالاي الادى», دەگەن الەكساندر بەردنيكوۆ شىعىسقازاقستاندىق ينۆەستورلاردى ارىپتەستىككە شاقىردى.
فورۋم اياسىندا ۇيىمداستىرىلعان «قازاقستان مەن رەسەيدەگى ءتۋريزمدى دامىتۋدىڭ جاڭا تəسىلدەرى مەن ۇردىستەرى» اتتى كورمەدە شىعىس قازاقستاننىڭ تۋريستىك الەۋەتى, ارحەولوگيا سالاسى, ء تۋريزمنىڭ ەمدەۋ-ساۋىقتىرۋ, ەكولوگيالىق جانە باسقا دا تۇرلەرى, برەندتىك ونىمدەرى تانىستىرىلدى. سونىمەن قاتار شىعىس قازاقستان وبلىسىنىڭ تۋريستىك اقپاراتتىق ورتالىعى مەن التاي ايماعىنىڭ تۋريستىك ورتالىعى اقپاراتتىق ىنتىماقتاستىق جونىندەگى مەموراندۋمعا قول قويدى.
ازامات قاسىم,
«ەگەمەن قازاقستان»
شىعىس قازاقستان وبلىسى
