ولار اۋىلشارۋاشىلىعى ونىمدەرى مەن ازىق-ت ۇلىك , تاعام ونىمدەرىن قويدى. «زلاك+ م» اتتى رۋدنىيلىق كومپانيا 1999 جىلدان بەرى ماكارون بۇيىمدارىن شىعارادى. ولاردىڭ قازاقستاننىڭ وبلىستارىنا جانە قىرعىزستانعا تانىمال ءونىمى ەندى رەسەي نارىعىنا دا جەتتى.
ء«بىزدىڭ ءونىمىمىز حالال, ول تۇتىنۋشىلاردىڭ قىزىعۋشىلىعىن ارتتىرىپ كەلەدى. كورمە جاقسى ۇيىمداستىرىلعان ەكەن, بىراق باسەكە بولاتىن ماكارون وندىرۋشىلەردى ونشا كورمەدىك, دەگەنمەن كورمە الاڭى قاشان دا پايدالى. بىرنەشە كومپانيامەن كەزدەستىك, ولار ءبىزدىڭ ونىمگە جاقسى باعا بەردى. قالالىقتار ءبىزدىڭ كورمەگە قويۋعا اپارعان ءونىمىمىزدى ساتۋدى ءجيى سۇراپ كەلىپ جاتتى. قازاقستاننان كەلگەن تاۋارلاردىڭ بارلىعىن دا سۇراۋشىلار كوپ بولدى», دەدى كومپانيانىڭ ساۋدا مەنەدجەرى پەتر شاۋلسكي.
ءتىپتى كورمە باستالماي جاتىپ-اق, چەليابلىكتەر قازاقستاندىق تاۋارلاردى ساتىپ الۋعا كەزەككە تۇرعان. قوستاناي قالاسىنداعى «دەپ» ءسۇت زاۋىتى چەليابى نارىعىندا كوپ جىلداردان بەرى بەلگىلى. زاۋىتتىڭ وكىلى ۆاديم يامالەتدينوۆتىڭ ايتۋىنشا, فيرما ءونىمىن ەكى كۇندىك كورمەگە بىرنەشە رەت تاسۋعا ءماجبۇر بولعان.
«چەليابى نارىعىندا جەرگىلىكتى تاۋار وندىرۋشىلەردىڭ ءونىمى قىمبات, بىراق ءبىزدىڭ ءونىمنىڭ ساپاسى ولاردىكىنەن ەش كەم ەمەس. ءبىز كورمەدە ءسۇتتى ءوندىرۋشى باعاسىمەن ساتتىق, بۇل ساتىپ الۋشىلارعا وتە ۇنايتىنى ءسوزسىز. ەڭ باستىسى الۋشىلار ءبىزدىڭ ءونىمنىڭ تابيعيلىعىنا, ءسۇتتىڭ ۇنتاق ەمەس, ناعىز تابيعي ءسۇت ەكەنىنە كوزى جەتتى. كوپتەگەن ادامدار «سىزدەردىڭ ءونىمدى وبلىستا قالاي تابۋعا بولادى؟» دەگەن سۇراقتار قويدى. «دەپ» قازىر بۇكىل چەليابى وبلىسىنىڭ نارىعىن قامتۋ ءۇشىن بارىنشا جۇمىس جاساپ جاتىر, سوسىن ءبىز ەكاتەرينبۋرگكە شىعامىز», دەيدى ۆاديم يامالەتدينوۆ.
ءنازيرا جارىمبەت,
«ەگەمەن قازاقستان»
قوستاناي
