جۋىردا اۋداندىق ورتالىق اۋرۋحانانىڭ ينسۋلت ورتالىعى, سوڭعى زاماناۋي قۇرىلعىمەن جابدىقتالعان توموگرافيا كابينەتى اشىلدى. وتكەن جىلى 209 مەديتسينالىق اپپاراتتار الىنسا, بيىل الىناتىن جاڭا جابدىقتار سانى ودان دا ارتا ءتۇستى. اۋرۋحاناعا قاراستى 75 مەديتسينالىق ەمدەۋ نىساندارى حالىققا قىزمەت كورسەتۋدە. وسى سارىاعاش اۋداندىق اۋرۋحاناسىندا جۇمىس ىستەپ كەلە جاتقانىما 22 جىل بولىپتى. ياعني دەنساۋلىق ساقتاۋ مەكەمەسى كوز الدىمدا جىل وتكەن سايىن جاڭارىپ, قىزمەتى جاقسارىپ كەلەدى. اۋرۋحانانىڭ زامان تالابىنا ساي بولۋى, ءوسىپ-وركەندەۋى, ارينە ەلباسىنىڭ مەديتسينا سالاسىنا جاساعان قولداۋىنىڭ ناتيجەسى ەكەنى ءمالىم.
اۋداندىق ورتالىق اۋرۋحانادا 2121 ادام جۇمىس ىستەيتىن بولسا, ونىڭ 307-ءسى دارىگەر, 1600-ءى ورتا جانە كىشى بۋىن مەديتسينا قىزمەتكەرلەرى. ايتايىن دەگەنىم, ءبىر عانا ءبىزدىڭ اۋرۋحاناداعى وسىنشاما قىزمەتكەر ەلباسى جولداۋىنداعى يگى باستامالار مەن ناقتى مىندەتتەردى قىزۋ قولداۋدا, جۇزەگە اسىرىلۋىنا ءوز مۇمكىندىكتەرى شەڭبەرىندە ۇلەس قوسپاق. جولداۋدا جالپى تۇرعىنداردىڭ ءال-اۋقاتىن كوتەرۋگە باعىتتالعان وڭ شەشىمدەر كوپ. مەملەكەت باسشىسى ادامي كاپيتالدىڭ ساپالى وسۋىنە جاعداي جاساۋعا ەرەكشە نازار اۋدارىپ وتىر. بۇل ورايدا ءبىلىم بەرۋ, عىلىم جانە دەنساۋلىق ساقتاۋ سالاسىنا جۇمسالاتىن شىعىنداردى ءىجو-ءنىڭ 10 پايىزىنا دەيىن جەتكىزۋ ەلىمىزدىڭ الەۋمەتتىك دامۋىن انىقتايتىن نەگىزگى باعىتتارعا سەرپىن بەرەتىنى انىق. بۇكىلحالىقتىق قولداۋعا يە بولىپ وتىرعان ماڭىزدى قۇجاتتا مەديتسينالىق قىزمەت ساپاسى حالىقتىڭ الەۋمەتتىك كوڭىل كۇيىنىڭ اسا ماڭىزدى كومپونەنتى بولىپ سانالاتىنى ايتىلدى. سونداي-اق مەملەكەت باسشىسى «ەڭ الدىمەن, اسىرەسە اۋىلدىق جەرلەردە العاشقى مەديتسينالىق-سانيتارلىق كومەكتىڭ قولجەتىمدى بولۋىن قامتاماسىز ەتۋ قاجەتتىگىن» اتاپ ءوتتى. العاشقى مەديتسينالىق-سانيتارلىق كومەك كورسەتەتىن قىزمەتكەرلەردى ىنتالاندىرۋ ءۇشىن 2019 جىلدىڭ 1 قاڭتارى-
نان باستاپ اۋرۋلاردى ەمدەۋ ءىسىن باسقارۋدىڭ جاڭا تاسىلدەرىن ەنگىزگەن ۋچاسكەلىك مەديتسينا قىزمەتكەرلەرىنىڭ جالاقىسىن كەزەڭ-كەزەڭمەن 20 پايىزعا كوبەيتۋدى تاپسىردى. مىنە, وسىنداي قولداۋ, ىنتالاندىرۋ قوسىمشا كۇش-جىگەر بەرىپ, ءاربىرىمىزدىڭ الاڭسىز جانە ءمىنسىز ەڭبەك ەتۋىمىزگە ىقپال ەتىپ وتىر. دارىگەرلەر اۋدان تۇرعىندارىنىڭ دەنساۋلىقتارى مىقتى بولىپ, ناۋقاستىڭ الدىن الۋ ماقساتىندا عانا كومەككە جۇگىنگەنىن قالايدى. سونداي-اق ەلباسى جولداۋلارىندا بۇقارالىق سپورتتى دامىتۋ, سالاماتتى ءومىر سالتىن قالىپتاستىرۋ ارقىلى حالىقتىڭ دەنساۋلىعىن نىعايتۋ قاجەتتىگى ايتىلىپ كەلەدى. وسى جولعى جولداۋدا دا سپورتتىق نىسانداردىڭ جاستارعا, بالالارعا قولجەتىمدى بولۋى كەرەكتىگى ايتىلدى. بۇل ورايدا دارىگەرلەرىمىز كوپشىلىككە ۇلگى كورسەتۋدە. اۋرۋحانادا سپورتتىق جاتتىعۋ جابدىقتارى ورناتىلعان. ول جەردە اۋرۋحانا قىزمەتكەرلەرىمەن بىرگە دەنەشىنىقتىرۋمەن اينالىسقىسى كەلەتىن كەز كەلگەن ازامات جاتتىعا الادى. دارىگەرلەرىمىز ءتۇرلى سپورتتىق جارىستارعا قاتىسىپ, جاقسى ناتيجەلەرگە قول جەتكىزۋدە.
دارىگەرلەردىڭ قاعازباستىلىقتان ارىلۋى دا تۇرعىندارعا كورسەتەتىن قىزمەت ساپاسىن جاقسارتا تۇسەتىنى انىق. ەلباسى جولداۋىندا «2019 جىلدىڭ 1 قاڭتارىنان باستاپ بارلىق ەمحانالار مەن اۋرۋحانالار مەديتسينالىق قۇجاتتاردى قاعازسىز, تسيفرلى نۇسقادا جۇرگىزۋگە كوشۋگە ءتيىس» دەلىنگەن بولاتىن. بۇل قادام دارىگەرلەر جۇمىسىن جەڭىلدەتۋدىڭ جولى ەكەنىنە قاعاز تولتىرۋدان قۇتىلا باستاعان ءبىزدىڭ كوزىمىز جەتىپ وتىر. ءاربىر تارماعى حالىقتىڭ وسۋىنە, تابىسىنىڭ ارتۋىنا, تۇرمىسىنىڭ جاقسارا تۇسۋىنە ارنالعان جولداۋدا جۇكتەلگەن مىندەتتەردىڭ ساپالى ورىندالۋىنا اۋرۋحانا دارىگەرلەرى دە مۇددەلى.
ادىلبەك سارسەنوۆ,
سارىاعاش اۋداندىق ورتالىق
اۋرۋحاناسىنىڭ رەۆماتولوگ-دارىگەرى
تۇركىستان وبلىسى
