كونفەرەنتسيا جۇمىسىنا «نۇر وتان» پارتياسىنىڭ حاتشىسى قانىبەك جۇماشەۆ, «نۇر وتان» پارتياسى ماڭعىستاۋ وبلىستىق فيليالىنىڭ توراعاسى, وبلىس اكىمى ەرالى توعجانوۆ, «نۇر وتان» پارتياسى وبلىستىق فيليالى ساياسي كەڭەسىنىڭ مۇشەلەرى, پارتيا ارداگەرلەرى, بارلىق دەڭگەيدەگى ماسليحاتتارداعى دەپۋتاتتىق فراكتسيانىڭ مۇشەلەرى, جەرگىلىكتى اتقارۋشى ورگاندار باسشىلارى, باستاۋىش پارتيا ۇيىمدارىنىڭ توراعالارى مەن بۇقارالىق اقپارات قۇرالدارىنىڭ وكىلدەرى, «جاس وتان» جاستار قاناتىنىڭ مۇشەلەرى قاتىستى.
«نۇر وتان» پارتياسىنىڭ حاتشىسى قانىبەك جۇماشەۆ پارتيا تاراپىنان جاسالىپ جاتقان ىرگەلى ىستەر تۋرالى ايتتى.
- ەلباسى, «نۇر وتان» پارتياسىنىڭ توراعاسى ن.نازارباەۆتىڭ تاپسىرماسىمەن ەلىمىزدە ەكونوميكالىق, ساياسي جəنە əلەۋمەتتىك جاڭعىرۋ جۇزەگە اسىرىلىپ جاتىر. ءبىزدىڭ ساياسي ۇيىم وسى وزگەرىستەردىڭ بىرىنەن دە قالىس قالماي, ەلدى-مەكەندەردە ورىندالۋىنا زەر سالاتىنى انىق. پارتيانىڭ ءوز ىشىندە دە اۋقىمدى جاڭعىرتۋ جۇمىستارى باستالىپ كەتتى. سونىڭ ىشىندە ۋاقىت تالابىنا ساي تسيفرلاندىرۋ ماڭىزدى ءرول اتقارادى, وسىعان كوبىرەك ءمان بەرىلۋى ءتيىس, دەدى قانىبەك بەكبولات ۇلى.
كونفەرەنتسيانىڭ كۇن تارتىبىنە 4 ماسەلە قارالدى. شارادا پارتيانىڭ وبلىستىق فيليالى ساياسي كەڭەسىنىڭ ەسەپتى مەرزىمدە اتقارعان جۇمىسى جانە باقىلاۋ-تەكسەرۋ كوميسسياسىنىڭ ەسەبى تىڭدالدى. ودان كەيىن جاڭادان وبلىستىق فيليالى ساياسي كەڭەسى, ساياسي كەڭەس بيۋروسى جانە باقىلاۋ – تەكسەرۋ كوميسسياسىنىڭ مۇشەلەرى سايلاندى.
باسقوسۋدا بايانداما جاساعان «نۇر وتان» پارتياسى موف توراعاسىنىڭ ءبىرىنشى ورىنباسارى نۇري تۋمىشەۆ, بۇگىنگى كۇنى جاۋاپتى مىندەتتەردى جۇزەگە اسىرۋدا باستاۋىش پارتيا ۇيىمدارىنىڭ ءرولى ەرەكشە ەكەندىگىنە توقتالدى. ەلباسى, پارتيا توراعاسى ن.ءا.نازارباەۆ «باستاۋىش پارتيا ۇيىمدارى» - «نۇر وتاننىڭ» نەگىزگى تىرەگىنە, شىنايى كۇشىنە اينالادى» جانە جىل سايىن «نۇر وتان» پارتياسى ەڭ باستى ساياسي كۇشكە اينالىپ, حالىقتىڭ قولداۋىنا يە بولۋدا ەكەندىگىن ەسكە سالدى.
«نۇر وتان» پارتياسى ءوز قىزمەتىن ساياسي دوكترينانى, «بىرلىك. تۇراقتىلىق. جاسامپازدىق» سايلاۋالدى باعدارلاماسىن نەگىزگە الا وتىرىپ اتقارۋدا. سونىمەن قاتار, بۇگىنگى تاڭدا وبلىستىق فيليالدىڭ اتقارىپ جاتقان بارلىق شارالارى ەلباسىنىڭ جولداۋىنا, «رۋحاني جاڭعىرۋ» باعدارلاماسىنا, بەس الەۋمەتتىك باستاماسىنا وراي جۇرگىزىلۋدە. وزدەرىڭىزگە بەلگىلى, «نۇر وتان» پارتياسىنىڭ ماقساتى - ساياسي جۇمىس ادىستەرىمەن – ازاماتتىق قوعامنىڭ دامىعان ينستيتۋتتارى, قازىرگى زامانعى باسەكەگە قابىلەتتى ساياسي جۇيەسى بار, ەكونوميكالىق مىقتى, دەموكراتيالىق, زايىرلى, قۇقىقتىق, الەۋمەتتىك مەملەكەت قۇرۋعا قول جەتكىزۋ. وسىعان وراي, مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان ءابىش ۇلى زامان اعىمىنا ساي پارتيانى جاڭعىرتۋ جونىندە تاپسىرمالار بەرگەن بولاتىن. ەلباسىنىڭ 2017 جىلى 3-قاراشادا وتكەن پارتيانىڭ ساياسي كەڭەسىنىڭ وتىرىسىندا ء«بىز جاڭعىرۋدىڭ 2017 جىلى جاريالانعان ءۇش باعدارلاماسىن جۇزەگە اسىرۋ بارىسىندا «نۇر وتان» پارتياسىنىڭ ءرولىن ايقىن ءارى انىق ءتۇسىنۋىمىز كەرەك. وسى باعدارلامالاردى جۇزەگە اسىرۋعا لايىقتى اتسالىسۋ ءۇشىن پارتيا ءوز جۇمىسىن وزگەرتۋدىڭ ناقتى جولدارىن تابۋعا ءتيىس», - دەپ اتاپ ءوتىپ, وسى باعىتتاعى تاپسىرمالارىن بەرگەن بولاتىن.
بۇگىندە وبلىستىق فيليال قۇرامىندا 158 باستاۋىش پارتيا ۇيىمى جانە 26 432 مۇشەسى بار. ۇسىنىلىپ وتىرعان باستامانىڭ ءبىرى پارتيانىڭ جاڭعىرتۋ جانە ونىڭ قىزمەتىندە قازىرگى زامانعى تەحنولوگيالاردى قولدانۋعا باعىتتالعان. بۇگىنگى تاڭدا وڭىرىمىزدە بارلىعى 35 ءىت-سىنىپتارى اشىلىپ, وندا 8 جاس پەن 16 جاس ارالىعىنداعى بارلىعى 1136 (جوسپار بويىنشا 1000) بالا قوسىمشا ءبىلىم الىپ, روبوتەحنيكامەن اينالىسۋدا. جوبا جەرگىلىكتى بيۋدجەتتەن جانە دەمەۋشىلىك قاراجاتتاردان قارجىلاندى. 2019 جىلى وسىنداي 50 ءىت-سىنىپ اشىلۋى جوسپارلانىپ وتىر.
پارتيانىڭ «رۋحاني جاڭعىرۋ» شەڭبەرىندەگى جوبالاردان كىتاپحانالار دا تىس قالعان جوق, كىتاپحانا قورىن تسيفرلاندىرۋدى قولعا الدى. اقتاۋ قالاسى, بەينەۋ اۋداندى, تۇپقاراعان اۋدانى فورت-شەۆچەنكو قالاسىنداعى كىتاپحاندا 3 كوۆوركينگ- ورتالىعى اشىلىپ, جاستار بوس ۋاقىتتارىن, ءىس-شارالارىن سوندا وتكىزۋدە.
وڭىرلەردەگى مەملەكەتتىك-جەكەمەنشىك سەرىكتەستىكتى كەڭەيتۋ اياسىندا «مەكتەپتەردىڭ سپورت الاڭدارىن قايتا قۇرۋ» جانە «مەكتەپ اسحانالارىن جاڭعىرتۋ» جوبالارى بويىنشا 2018 جىلى وبلىس بويىنشا 9 مەكتەپتىڭ الاڭى جاڭارتىلىپ, مەكتەپ اسحاناسى سياقتى م ۇلىك باسقارۋشىعا سەنىمگەرلىكپەن كەمىندە 5 جىلعا جالعا بەرىلمەك.
سونىمەن قاتار, نۇري تۋمىشەۆ ءوز بايانداماسىندا «ۇشتىلدىككە كوشۋ» جوباسى اياسىندا پارتيا «English for Jastar» جوبانى وڭدەپ, ول بويىنشا جاڭاوزەن قالاسىندا, بەينەۋ, ماڭعىستاۋ, مۇنايلى, قاراقيا, تۇپقاراعان اۋداندارىندا تۇراتىن جەرگىلىكتى اۋىل بالالارىنا ەرىكتىلەر كۇشىمەن اعىلشىن ءتىلىن ۇيرەتۋ كۋرستارى ۇيىمداستىرىلىپ, وقۋدى باستاپ كەتكەندىگىن ايتتى. جوباعا شەت ەلدەن كەلگەن ەرىكتىلەر دە قاتىسۋى كوزدەلگەن. بۇگىنگى تاڭدا 10 جەرگىلىكتى ەرىكتىلەر 400 دەن استام بالا وقىتۋدا. جوسپار بويىنشا جالپى 500-گە جۋىق بالا وقىتىلادى. ەرىكتىلەر بارلىق قاجەتتى ادىستەمەلىك وقۋلىقتارىمەن قامتاماسىز ەتىلدى.
«ارداگەرلەردى ارداقتايىق» پارتيالىق جوباسى تۋرالى دا ايتىلدى. بۇگىندە وبلىستا ۇلى وتان سوعىس ارداگەرلەرىنىڭ سانى 22, ونىڭ 19-ى اقتاۋ قالاسىندا تۇرادى, تىل ارداگەرلەرىنىڭ سانى 1500. ۇلى وتان سوعىسى ارداگەرلەرى تۇرعىن ۇيمەن قامتاماسىز ەتىلگەن.
بيىلعى جىلى «نۇرلى جول», «نۇرلى جەر» مەملەكەتتىك باعدارلاماسى اياسىندا ماڭعىستاۋ وبلىسىندا 31 وبەكتتىڭ ىسكە اسىرىلۋى كوزدەلىپ, وعان 2018 جىلى جالپى بولىنگەن سوما 59 227,5 ملن.تەڭگەنى قۇرايدى.
«نۇرلى جول» بويىنشا ءار باعىتتا 4 كوميسسيا, «نۇرلى جەر» بويىنشا 3 كوميسسيا وتىرىسى ءوتتى. بۇل رەتتە پارتيا فيليالدارى «نۇرلى جول» مەن باسقا دا مەملەكەتتىك باعدارلامالارعا پارتيالىق مونيتورينگ جۇرگىزىپ, بولىنگەن قاراجاتتىڭ ماقساتتى جانە ءتيىمدى جۇمسالۋىن باقىلاۋدا.
ۇستىمىزدەگى 2018 جىلدىڭ 10 ايىندا قوعامدىق قابىلداۋ بولمەلەرىنە 1677 ءوتىنىش كەلىپ تۇسكەن.
«پرەزيدەنتتىڭ بەس الەۋمەتتىك باستاماسىنىڭ» ماڭعىستاۋ وبلىسىندا ىسكە اسىرىلۋىن باقىلاۋ بويىنشا قوعامدىق كەڭەس قۇرىلعان. ەڭ وزەكتى ماسەلە ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» ءبىرىنشى الەۋمەتتىك باستاماداعى «7-20-25» باعدارلاماسىنا قاتىستى بولدى. قازىرگى تاڭدا وسى باعدارلامامەن ءوتىنىم بەرگەن 326 ادامنىڭ 212 ادامنىڭ وتىنىمىنە كەلىسىم بەرىلدى. نەسيە سوماسى 1 733 496 246 تەڭگەنى قۇرادى, دەمەك, 212 ادام باسپانا الۋعا قولى جەتتى. ماڭعىستاۋ وبلىسى رەسپۋبليكا بويىنشا 3-ورىندا كەلەدى.
2011 جىلدان باستاپ ەلىمىزدە دەموكراتيالىق كۇشتەردىڭ جالپىۇلتتىق كواليتسياسى جۇمىس جاسايدى. كواليتسيا قۇرامىنا 6 ساياسي پارتيا, 18 ءىرى قوعامدىق بىرلەستىك, ۇكىمەتتىك ەمەس ۇيىمداردىڭ وكىلدەرى, جاس كاسىپكەرلەر ەندى. اعىمداعى جىلدىڭ 10-قازانىندا وتكەن وتىرىسىندا كواليتسيا مۇشەلەرى مەملەكەت باسشىسىنىڭ «قازاقستاندىقتاندىڭ ءال – اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» قازاقستان حالقىنا جولداۋىنىڭ نەگىزگى باعىتتارىن تالقىلاۋ ءۇشىن «قازاقستان–2050» دەموكراتيالىق كۇشتەردىڭ ماڭعىستاۋ وبلىستىق كواليتسياسىنىڭ وتىرىسى ءوتىپ, كواليتسيا مۇشەلەرى ەلباسىنىڭ ساياساتىن ءبىراۋىزدان قولدايتىنىن جەتكىزىپ, وزدەرىنىڭ ماڭعىستاۋلىقتارعا جولداعان ۇندەۋىن قابىلداعان بولاتىن.
2018 جىل مەرەيتويعا تولى جىل بولدى, ءوڭىرىمىز جوعارى دەڭگەيدە 5 ەلدىڭ سامميتى ويداعىداي وتكىزدى, كەلەسى جىلى «نۇر وتان» پارتياسىنىڭ 20-جىلدىق مەرەيتويى بار.
شارا بارىسىندا «نۇر وتان» پارتياسى ماڭعىستاۋ وبلىستىق فيليالى باقىلاۋ-تەكسەرۋ كوميسسياسىنىڭ ءتورايىمى, اقتاۋ قالالىق ء«بىلىم ۇيلەستىرۋ» ورتالىعىنىڭ سەكتور باسشىسى ادا كيم «نۇر وتان» پارتياسى ماڭعىستاۋ وبلىستىق فيليالى باقىلاۋ-تەكسەرۋ كوميسسياسىنىڭ جۇمىسى تۋرالى ەسەپ بەردى.
پارتيا ارداگەرى, مۇنايلى اۋدانى باتىر اۋىلىنىڭ اكىمى قالنياز وڭداباەۆ كونفەرەنتسيادا ايتىلعان باستامالار جۇزەگە اسىرىلۋى كوڭىل قۋانتادى دەدى. اسىرەسە تسيفرلاندىرۋعا بايلانىستى مەكتەپ وقۋشىلارىنا ارنالعان جوبالاردىڭ جۇزەگە اسىپ, پارتيانىڭ جاس ۇرپاقتى زامان تالابىنا قاراي بەيىمدەۋگە, بوس ۋاقىتىن ءتيىمدى وتكىزۋگە كوڭىل اۋدارعانى وڭ وزگەرىس بولدى دەپ ويىمەن ءبولىستى. سونىمەن قاتار, جاس ۇرپاقتى تسيفرلاندىرۋ باعىتىنا بەيىمدەۋ بويىنشا ء«ىت مامانداردى دايىنداۋ», ء«ىت - ورتالىقتار», «قازاقستان كىتاپحانالارى - ءبىلىم ورتالىقتارى», «تومەنگى سىنىپ وقۋشىلارى ءۇشىن دەنساۋلىق ساباقتارى» جوبالارىنىڭ قالالار مەن اۋدانداردا دا قولعا الىنعاندىعى, مۇنايلى اۋدانىندا 6 ءىت-سىنىپ اشىلىپ, بالالارعا قىزمەت كورسەتىپ جاتقاندىعى, «مەكتەپتەردىڭ سپورت الاڭدارىن قايتا قۇرۋ» جانە «مەكتەپ اسحانالارىن جاڭعىرتۋ», سونداي-اق الداعى ۋاقىتتا جۇزەگە اسىرىلاتىن «بيزنەس ءۇشىن گەواقپاراتتاندىرىلعان ونلاين سەرۆيسى» حالىققا بوس جەر تەلىمدەرى تۋرالى تولىق اقپارات الىپ, ءتىپتى ونلاين-سەرۆيس ارقىلى ساتىپالۋعا مۇمكىندىك بەرەتىندىگى كوڭىل قۋانتادى دەدى.
كونفەرەنتسيا مىنبەرى ارقىلى ۇستازداردى دارىندى جاس ۇرپاق تاربيەلەۋگە شاقىرعان «جاڭاوزەن پوليتەحنيكالىق كوللەدجىنىڭ» ديرەكتورى, پارتيانىڭ سايلاۋالدى باعدارلاماسىنىڭ ء«بىلىم» باعىتى بويىنشا ساراپتاما كوميسسياسىنىڭ ءتورايىمى ت.بولاتباەۆا, ساياسي كەڭەستىڭ بيۋروسى مۇشەلەرىنىڭ قاتىسۋىمەن وتكەن ۇسىنىستاردى ايتىپ ءوتتى. اسىرەسە بالالاردىڭ قاۋىپسىزدىگىن ساقتاۋ, مەكتەپكە دەيىنگى ءبىلىم مەكەمەلەرىن بەينەباقىلاۋ قۇرىلعىلارىمەن جابدىقتاۋ بويىنشا اقتاۋ قالاسىنداعى 30-دان اسا جەكەمەنشىك بالاباقشاعا مونيتورينگ جۇرگىزىلىپ, ءبىلىم باسقارماسىنا ۇسىنىستار بەرىلگەندىگىن تىلگە تيەك ەتتى.
جەكە كاسىپكەر س.قارجاۋباەۆ مەملەكەت تاراپىنان كاسىپكەرلىكتىڭ دامۋىنا جاسالىپ جاتقان قولداۋدىڭ بارىن ايتىپ, ءوز كاسىبىن دوڭگەلەتەر جاستاردىڭ قاتارى ارتا تۇسەتىنىنە سەنىم ءبىلدىردى. سەبەبى كەلەر 2019 جىل «جاستار جىلى» بولىپ جاريالانادى, دەمەك جاستاردىڭ ماسەلەلەرى نازاردان تىس قالماسى انىق.
جىلدان جىلعا پارتيامىزدىڭ قاتارى جاس, ءارى بىلىكتى ازاماتتارمەن تولىعىپ كەلە جاتقاندىعى قۋانتادى. ولار جىل سايىن رەسپۋبليكالىق كولەمدە وتەتىن «ەڭ ۇزدىك باستاۋىش پارتيا ۇيىمى» بايقاۋىنا بەلسەنە قاتىسۋدا. بيىلعى وبلىستىق بايقاۋعا 13 ۇيىم قاتىسىپ, ولاردىڭ 3-ءى رەسپۋبليكالىق بايقاۋعا جولداما الدى. شارا اياسىندا «ەڭ ۇزدىك باستاۋىش پارتيا ۇيىمى» بايقاۋىنىڭ جەڭىمپازدارى ماراپاتتالدى.
ءححVىىى ەسەپ بەرۋ-سايلاۋ كونفەرەنتسياسىنىڭ جۇمىسىن قورىتىندىلاعان «نۇر وتان» پارتياسى ماڭعىستاۋ وبلىستىق فيليالىنىڭ توراعاسى, وبلىس اكىمى كەلەر جىلى پارتيانىڭ 20 جىلدىعىن جوعارى دەڭگەيدە اتاپ وتۋگە شاقىردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
