ساپاردىڭ العاشقى كۇنىندە جەنەۆادا قازاقستاننىڭ شۆەيتسارياداعى ەلشىسى جانار ايتجانوۆا 30-دان استام تۋريستىك كومپانيالار مەن الەۋەتتى ينۆەستورلاردىڭ قاتىسۋىمەن «روۋد-شوۋ» ۇيىمداستىرىلدى. «قازاق تۋريزم» ۇلتتىق كومپانياسى قازاقستان جانە رەسپۋبليكالىق تۋريستتەندىرۋ كارتاسى «وندىعىنىڭ» بىرقاتار ينۆەستيتسيالىق جوبالارى تۋرالى پرەزەنتاتسيا جاسادى.
30 قازاندا دۇنيەجۇزىلىك ەكونوميكالىق فورۋمنىڭ تۋريزم مەن ساياحاتتىڭ باسەكەگە قابىلەتتىگى جونىندەگى يندەكسىنىڭ وكىلدەرىمەن كەزدەسۋ ۇيىمداستىرىلدى. اتالعان يندەكس قۇرىلىپ جاتقان قازاقستاننىڭ ىشكى جانە سىرتقى ءتۋريزمىن 2025 جىلعا دەيىن دامىتۋ جونىندەگى مەملەكەتتىك باعدارلاماسى شەڭبەرىندەگى ماڭىزدى كورسەتكىشتەردىڭ بىرىنە اينالاتىندىعىن اتاپ وتكەن ءجون.
مەملەكەت باسشىسى ن.نازارباەۆتىڭ جولداۋىندا بەلگىلەنگەن قازاقستاندا تۋريزم ۋنيۆەرسيتەتىن اشۋ تۋرالى مىندەتتى ىسكە اسىرۋ شەڭبەرىندە دەلەگاتسيا تۋريزم سالاسىنداعى ماماندار مەن قىزمەت كورسەتۋ پەرسونالىن دايىندايتىن «Ecole Hotelier Geneve» قىزمەت كورسەتۋ مەكتەبىنە باردى. مەكتەپ باسشىلىعى قازاقستان ءۇشىن وقۋ باعدارلاماسىن دايىنداۋ مەن ۋنيۆەرسيتەتتى اشۋدا قولعابىس كورسەتۋگە قىزىعۋشىلىق ءبىلدىردى.
كەزەكتى روۋدشوۋ 31 قازاندا تسيۋريح قالاسىندا سىرتقى ءتۋريزمنىڭ 20 ماڭىزدى ويىنشىلارىن, تسيۋريح كانتونىنىڭ الەۋەتتى ينۆەستورلارى مەن مۇددەلى كومپانيالارىن قامتىدى.
1 قاراشادا دەلەگاتسيا شۆەيتساريانىڭ ەكونوميكالىق ماسەلەلەر جونىندەگى مەملەكەتتىك حاتشىلىعىنىڭ (SECO), «Swiss Tourism», «Swiss Health», «Swiss Education Group» كومپانيالارىنىڭ جانە باسقا ۇيىمداردىڭ باسشىلىعىمەن بىرقاتار رەسمي كەزدەسۋلەر وتكىزدى.
كەلىسسوزدەردىڭ قورىتىندىسى بويىنشا «Kazakh Tourism» جانە «Swiss Tourism» اراسىنداعى ىنتىماقتاستىق تۋرالى مەموراندۋمعا قول قويۋ ءراسىمى ءوتتى. مەموراندۋمعا سايكەس, شۆەيتساريالىق تاراپ قازاقستاننىڭ ۇلتتىق پاركتەرى مەن تاۋلى ايماقتارىنداعى جىل بويى قىزمەت كورسەتەتىن ءتۋريزمدى دامىتۋعا, تاۋلى گيدتەر مەن شاڭعى ينسترۋكتورلارىن دايارلاۋ ستاندارتتارىن ەنگىزۋگە قولعابىس كورسەتەتىن بولادى. سونداي-اق, ەكىجاقتى قۇجات تۋريستىك ونىمدەردى ىلگەرىلەتۋ ءۇشىن ءوزارا قولداۋ كورسەتۋدى, اقپارات الماسۋدى جانە حالىقارالىق ىنتىماقتاستىقتى تەرەڭدەتۋدى كوزدەيدى.
Swiss Tourism ىقپالداسۋىمەن «قازاق تۋريزم» ۇك» لۋگانوداعى 16-شى حالىقارالىق تۋريستىك كورمەگە قاتىسادى جانە تسەرنەزدەگى شۆەيتساريانىڭ ۇلتتىق پاركىن باسقارۋ مودەلىمەن تانىسادى.
