وندا «قازاقستان رەسپۋبليكاسىنىڭ اگروونەركاسىپ كەشەنىن رەتتەۋ ماسەلەلەرى جونىندەگى بىرقاتار زاڭ اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى. زاڭ جوباسى تۋرالى الدىمەن اۋىل شارۋاشىلىعى ۆيتسە-ءمينيسترى بەرىك بەيسەنعاليەۆ بايانداما جاسادى. ول سالانى دامىتۋداعى ءتۇيىندى ماسەلەلەرگە ناقتى توقتادى.
«ەگەر اۋىل شارۋاشىلىعى تەحنيكالارى جونىندە ايتار بولساق, بيىل جىل باسىنان بەرگى 9 ايدا بۇل سالا 50 ميلليارد تەڭگەگە قارجىلاندىرىلىپ, وعان 2650 - دەن اسا تەحنيكا الىندى. ال وتكەن جىلعى بولىنگەن قارجى مۇنان از بولاتىن, جىل اياعىنا دەيىن بۇل قارجىنىڭ بارلىق كولەمى 70 ميلليارد تەڭگەگە جەتىپ قالادى» دەدى بەرىك بەيسەنعاليەۆ.
زاڭ اكتىلەرىنە وزگەرىستەر مەن تولىقتىرۋلار ەنگىزۋ جونىندەگى قوسىمشا باياندامانى زاڭ جوباسى جونىندەگى جۇمىس توبىنىڭ جەتەكشىسى, ءماجىلىس دەپۋتاتى مۇرات تەمىرجانوۆ جاسادى. ول 30 زاڭ اكتىلەرىنە, 10 كودەكسكە جانە 20 زاڭعا وزگەرىستەر مەن تولىقتىرۋلار ەنگىزىلەتىنىن ايتتى.
«وسىلاردىڭ بارلىعى ەلىمىز وڭىرىندەگى وسىمدىك الەمىن ساقتاۋعا,جەر پايدالانۋدى رەتتەۋگە, ۆەتەرينارلىق قىزمەتتى جولعا قويۋعا, سۋمەن قامتاماسىز ەتۋگە, بالىق شارۋاشىلىعى مەن جانۋارلار الەمىن قورعاۋدى رەتتەيدى», دەدى مۇرات تەمىرجانوۆ.
ول زاڭ اكتىلەرىنە كىرەتىن ماسەلەلەردىڭ بارلىعىن تالداپ ايتقان سوڭ, وسى جيىنعا قاتىسقان قوستاناي, اقمولا, سولتۇستىك قازاقستان وبلىستارى اكىمدىكتەرىنىڭ وكىلدەرى ءوز وڭىرلەرىندەگى اۋىل شارۋاشىلىعىن دامىتۋ ىسىنە شولۋ جاسادى. ودان كەيىن باس قوسۋعا شاقىرىلعان ماماندار مەن اۋىل شارۋاشىلىعى تاۋارلارىن وندىرۋشىلەر زاڭ اكتىلەرىنە ەنەتىن وزگەرىستەر مەن تولىقتىرۋلاردى تالقىلادى. وندا ايتىلعان ۇسىنىستاردىڭ بارلىعى زاڭ قابىلدانعاندا ەسكەرىلەتىن بولادى.
ءنازيرا جارىمبەت,
«ەگەمەن قازاقستان»
قوستاناي
