ول وسى ەسەپتى جىلداردا پارتيا «بالالار ءۇشىن تەگىن IT - كلاستارى», «IT-مامانداردى دايارلاۋ», «گەواقپاراتتىق ونلاين قىزمەت», « English for jastar» ت.ب جوبالاردىڭ تابىستى جۇزەگە اسقانىن ايتتى.
ء«بىزدىڭ الدىمىزدا ەندى وسى قارقىندى تومەندەتپەي, تاعى دا وسىنداي كلاستار اشۋدى جالعاستىرۋ ماقساتى تۇر. وبلىس اكىمى ەكى جىل ىشىندە 50 IT- كلاستار اشۋ مىندەتىن قويدى», دەدى جاڭاباي بيسيمباەۆ.
وبلىستاعى وقۋ ورىندارىندا موبيلدىك قوسىمشالار, اقپاراتتىق قاۋىپسىزدىك ءۇشىن 3-6 ايلىق قىسقا مەرزىمدى وقۋلار باعدارلامالارى جۇزەگە اسادى. پارتيالىقتار وبلىستا بولاشاقتىڭ ماماندارىن دايىنداۋدى دۇرىس دەپ بىلەدى. تسيفرلاندىرۋ باعدارلاماسى بويىنشا دا كوپتەگەن جۇمىستار جۇرگىزىلدى.
كونفەرەنتسيادا «نۇر وتان» پارتياسى جانىنداعى «جاس وتان» جاستار قاناتى وبلىستىق فيليالىنىڭ توراعاسى ءا.مۇحامەدجانوۆ قوستانايلىق جاس نۇروتانشىلار اتقارعان جۇمىستارعا شولۋ جاسادى. «پارتيا بەلسەندىلەرى اۋىل بالالارىنىڭ اعىلشىن ءتىلىن ۇيرەنۋىنە كوڭىل ءبولدى. بۇل ۋاقىت تالاپ ەتىپ وتىرعان ماسەدە.
«English for jastar» باعدارلاماسى بويىنشا وبلىستىڭ 7 ايماعىنا قازاقستاندىق ستۋدەنتتەر مەن شەتەلدىك ەرىكتىلەردى تارتتىق. كىتاپحانالاردى زاماناۋي ءبىلىم ورتالىكتارىنا اينالدىردىق», دەدى الىبەك ومىربەك ۇلى.
كونفەرەنتسيا سوڭىندا پارتيا فيليالىنىڭ توراعاسى ا.مۇحامبەتوۆ ەسەپتى كەزەڭدى قورىتىپ, جۇرگىزىلگەن جۇمىستارعا باعا بەردى, الداعى ماقسات - مىندەتتەر تۋرالى ايتتى. پارتيا بەلسەندىلەرى پارتيانىڭ «العىس حاتىمەن» ماراپاتتالدى.
