كەڭەس توراعاسى – پارلامەنت سەناتىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا ءوز سوزىندە «ەاەو-تى نىعايتۋ ماقساتىندا جۇيەلى تۇردەگى تۇراقتى جۇمىستىڭ, جالپى جانە ۇلتتىق مۇددەگە ساي كەلىسىمدەردى مۇلتىكسىز ورىنداۋدىڭ, ۇيىمنىڭ قۇقىقتىق نەگىزىن ودان ءارى جەتىلدىرۋدىڭ, انىقتالعان ولقىلىقتار مەن كەمشىلىكتەرگە جىلدام جاۋاپ بەرۋدىڭ ماڭىزدىلىعىن اتاپ ءوتتى.
«ەكونوميكالىق ديپلوماتيانى كۇشەيتىپ, ەاەو ەلدەرىنىڭ نارىعىندا ۇلتتىق بيزنەس مۇددەلەرىن بەلسەندى قورعاۋ قاجەت», - دەدى د.نازارباەۆا.
سىرتقى ىستەر ءمينيسترىنىڭ ورىنباسارى عالىمجان قويشىباەۆ «ەۋرازيالىق ەكونوميكالىق وداقتىڭ جاعدايى مەن دامۋ پەرسپەكتيۆالارى» تاقىرىبىندا بايانداما جاسادى. سىرتقى ساياسي ۆەدومستۆو وكىلى ەۋرازيالىق ەكونوميكالىق وداق اياسىندا ەگەمەندىك, تەڭدىك, تەڭ قۇقىقتىق جانە تاراپتاردىڭ ۇلتتىق مۇددەلەرىن ەسكەرۋ ءپرينتسيپى قاتاڭ قامتاماسىز ەتىلگەنىن اتاپ ءوتتى. «شارت بارلىق دەڭگەيلەردە ستراتەگيالىق شەشىمدەردى قابىلداۋدا ناقتى كونسەنسۋستىق مەحانيزمدى قامتيدى, بۇل باسقا دا شارالارمەن قاتار كەز كەلگەن مەملەكەتتىڭ ۇستەمدىك ەتۋ مۇمكىندىگىن جوققا شىعارادى. بولاشاقتا ەۋرازيالىق ەكونوميكالىق وداق جەكە تارتىمدى الاڭ بولا الادى, ول تولىققاندى. سونىمەن قاتار, ءبىز ايماقتىق اۋقىمدى جوبالار بويىنشا سەرىكتەس بولا الامىز. بۇل ءۇشىن مەملەكەت باسشىسىنىڭ ۇلكەن جانە ەكونوميكالىق تۇرعىدان كۇشتى ەۋرازيانى قۇرۋ يدەياسىنا جەتۋ ماقساتىندا ەۋرووداقپەن, قىتايمەن جانە باسقا ەلدەرمەن تىعىز ءارى ءوزارا ءتيىمدى قاتىناستاردى دامىتۋ قاجەت», - دەپ اتاپ ءوتتى ع.كويشىباەۆ.
ازاماتتىق قوعام تاراپىنان قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى ۆياچەسلاۆ دودونوۆ قوسىمشا بايانداما جاسادى. ساراپشى رەسەي مەن باتىستىڭ تەكەتىرەسى قازاقستان ساراپشىلارى اراسىندا ەلىمىزدىڭ ۇيىمعا مۇشەلىگىنىڭ قيسىندىلىعى تۋرالى پىكىرتالاس تۋعىزعانىن اتاپ ءوتتى. ۆ.دودونوۆ, «ەكى ەلدىڭ ينتەگراتسيالىق بىرلەستىكتەردەگى بىرىككەن مۇشەلىگىنىڭ بولۋ بولماۋىنا قاراماستان, رەسەي قازاقستاننىڭ ستراتەگيالىق جانە جەتەكشى ەكونوميكالىق سەرىكتەسى بولعان جانە بولىپ قالا بەرەدى – بۇل جاعداي كەدەندىك وداقتان بۇرىن قالىپتاسقان. ال ەاەو-تىڭ جوعارعى ورگاندارىندا مۇشەلىك قازاقستانعا كورشى ەلدەرمەن ەكونوميكالىق سەرىكتەستىكتە وسى ورگانداردىڭ جۇمىس شەڭبەرىندە ءوز مۇددەسىن قورعاۋعا مۇمكىندىك بەرەدى», - دەپ اتاپ كورسەتتى.
قازاقستاننان باسقا ەۋرازيالىق ەكونوميكالىق وداققا ارمەنيا, بەلارۋس, قىرعىزستان جانە رەسەي مۇشە ەكەندىگىن ەسكە سالامىز.
قازاقستان رەسپۋبليكاسى سىرتقى ىستەر مينيسترلىگى قىزمەتىنىڭ ماسەلەلەرى جونىندەگى قوعامدىق كەڭەستىڭ كەلەسى وتىرىسى 2019 جىلدىڭ ناۋرىز ايىنا جوسپارلانعان.
