قازىرگى ۋاقىتتا كومپانيانىڭ يپوتەكالىق پورتفەلىندەگى شەتەلدىك ۆاليۋتاداعى نەسيەنىڭ 70 پروتسەنتى قايتا قارجىلاندىرۋعا ماقۇلدانعان جانە ولاردىڭ 48%-ءى قارجىلاندىرىلىپ ۇلگەرگەن.
اتالعان باعدارلاماعا سايكەس قازاقستان ازاماتتارى 2004-2009 جىلدارى العان يپوتەكالىق قارىزدارى بويىنشا تولەمدەردى نەمەسە 2016 جىلعا دەيىن العان شەتەل ۆاليۋتاسىنداعى يپوتەكالىق قارىزداردى تومەندەتە الادى. قايتا قارجىلاندىرۋعا حالىقتىڭ الەۋمەتتىك وسال توپتارىنا ء(حاوت) جاتاتىن قارىز الۋشىلار, 2015 جىلدىڭ 1 قاڭتارىنا دەيىن 90 كۇننەن استام مەرزىمى وتكەن بەرەشەگى بار قارىز الۋشىلار, سونداي-اق شەتەل ۆاليۋتاسىندا يپوتەكا العان قارىز الۋشىلار ءوتىنىم بەرە الادى.
شەتەل ۆاليۋتاسىندا بەرىلگەن يپوتەكالىق قارىزداردى ەركىن ايىرباستاۋ باعامى 188,35 تەڭگە. ءحاوت جاتاتىن ازاماتتار ءۇشىن قارىزداردى اقش دوللارىنان تەڭگەگە ايىرباستاعاننان باسقا, قايتا قارجىلاندىرۋدان كەيىن پايىزدىق مولشەرلەمە جىلىنا 3%-كە دەيىن تومەندەمەك.
– «قازاقستان يپوتەكالىق كومپانياسى» يپوتەكالىق قارىزداردى قايتا قارجىلاندىرۋعا تەك كومپانيانىڭ نەسيە پورتفەلىندە قارىزدارى بار كليەنتتەردەن وتىنىشتەر قابىلدايتىنىن ەستەرىڭىزگە سالامىز. قر ۇلتتىق بانكىنىڭ قايتا قارجىلاندىرۋ باعدارلاماسىن جۇزەگە اسىرۋعا سونداي-اق بىرقاتار قازاقستاندىق ەكىنشى دەڭگەيلى بانكتەر قاتىسۋدا.
ازاماتتار تەڭگەدەگى جانە شەتەل ۆاليۋتاسىنداعى يپوتەكالىق قارىزداردى قايتا قارجىلاندىرۋ باعدارلاماسى تالاپتارىمەن «قيك» يۇ» اق نەمەسە 8 800 080 44 48 جەدەل جەلى تەلەفوندارى بويىنشا تولىعىراق تانىسا الادى, – دەيدى كومپانيا وكىلدەرى.
ارمان وكتيابر,
«ەگەمەن قازاقستان»
الماتى
