ەۋروپا ليگاسىنىڭ 3-تۋر ويىنىن "استانا" سىرت الاڭدا چەحيانىڭ "يابلونەتس" كومانداسىنا قارسى وتكىزەدى. چەحيالىق ۇجىم العاشقى ويىندا "رەنن" كومانداسىنان جەڭىلىپ قالدى دا, ءوز الاڭىنداعى ويىندا "دينامو" كيەۆپەن تەڭ ءتۇستى. جالعىز ۇپايى بار "يابلونەتس" "استانانى" جەڭەمىز دەپ جەلپىنىپ وتىرعانى راس. وسى ويىن الدىندا الەمدىك بۋكمەكەرلىك كەڭسەلەر ءوز باعالارىن بەرىپ تە تاستادى. سولاردىڭ ىشىندە ەڭ قىزىعى "استانا" كومانداسىنىڭ ساپىنان گول سوعۋى ەڭ ىقتيمال ويىنشى رانگەلو يانگا بولىپ تۇر. ورتاشا ەسەپپەن الساق, وعان بەرىلگەن كوەفيتسەنت ءدال قازىر - 3,2-ءنى كورسەتەدى. ال ەكىنشى ورىنعا الەكسەي ششەتكين جايعاسقان. ونىڭ گول سوعۋ ىقتيمالدىعى 3,41 كوەفيتسەنتكە تەڭەسىپتى. ال جالپى ويىننىڭ ءفاۆوريتى دەپ كەڭسەلەر الاڭ يەسى "يابلونەتستى" نۇسقادى.
ەستەرىڭىزگە سالا كەتەيىك ماتچ بەيسەنبى كۇنى, استانا ۋاقىتىمەن تۇنگى 01-00-دە باستالادى.
