قازىرگى كەزدە ايەلدەر كۇرەس وكىلدەرى اراسىنداعى تارتىستىڭ ناعىز قىزىپ تۇرعان شاعى. وكىنىشكە قاراي, ازىرگە قازاقستان قۇراماسىنىڭ قورجىنىندا بىردە-ءبىر مەدال جوق. مارينا سەدنەۆا (55 كيلو), التىناي ساتىلعان (59 كيلو), ەكاتەرينا لاريونوۆا (68 كيلو) جانە ءجاميلا باقبەرگەنوۆا (72 كيلو) سىندى سپورتشىلارىمىز ءوز جانكۇيەرلەرىن قۋانتا المادى. وسى كۇنگە دەيىن بوز كىلەمگە شىققان جەرلەستەرىمىزدىڭ اراسىندا تەك ەلميرا سىزدىقوۆانىڭ عانا جەڭىس تۇعىرىنا كوتەرىلۋگە مۇمكىندىگى بار. 76 كيلو سالماق دارەجەسىندە كۇش سىناسىپ, ريو وليمپياداسى, ازيا ويىندارى جانە قۇرلىق چەمپيوناتىندا جۇلدە العان ارۋىمىز بۇگىن جۇبانىش سايىسىنا قاتىسادى. رۋمىنيانىڭ وكىلىنەن ايلاسىن اسىرعان جاعدايدا ەلميرا قولا مەدال ءۇشىن تالاسۋ قۇقىعىنا يە بولادى.
سونىمەن قاتار, بۇگىن ايەلدەر كۇرەسىنەن قالعان ءتورت سالماق دارەجەسى بويىنشا باسەكەلەر باستالادى. ءبىزدىڭ بالۋاندار اراسىنان ۆالەنتينا يسلاموۆا (50 كيلو), جۇلدىز ەشىموۆا (53 كيلو), ەمما تيسينا (57 كيلو), جانە اياۋلىم قاسىموۆا (62 كيلو) جارىس كورىگىن قىزدىرادى. ال ودان كەيىن ءتورت كۇن بويى گرەك-ريم كۇرەسى شەبەرلەرىنىڭ ايقاسىن تاماشالايمىز.
عالىم سۇلەيمەن,
«ەگەمەن قازاقستان»
