«پرەزيدەنت اكىمشىلىگىندە جاۋاپتى قىزمەتتەردى اتقارىپ, پارلامەنت ماجىلىسىنە ەكى مارتە توراعا بولىپ سايلانۋى – ورەكەڭە ارتىلعان زور سەنىم مەن جاۋاپكەرشىلىكتىڭ جەڭىل بولماعانىن اڭعارتادى. كوزى ءتىرى بولسا ول بۇگىن 70 جاسقا تولار ەدى. «جاقسىنىڭ اتى ولمەيدى, عالىمنىڭ حاتى ولمەيدى» دەمەكشى, رۋدنىي قالاسىندا ىلىنگەن ەسكەرتكىش تاقتا ورال بايعونىس ۇلىنىڭ ەلى ءۇشىن جاساعان ەڭبەگىن حالقىنىڭ, وسى عيماراتتا وقيتىن جاستاردىڭ ەسىنە سالىپ تۇراتىنى انىق», دەدى قوستاناي وبلىستىق ءماسليحاتىنىڭ حاتشىسى سايلاۋبەك ەسجانوۆ.
مۋزىكا زەرتتەۋشىسى گۇلنار الپەيىسوۆا ورال مۇحامەدجانوۆتىڭ اتاسى مۇحامەدجاننىڭ ارقانىڭ ءان مەكتەبىنىڭ ءىرى وكىلى ەكەنىن, بۇل ونەردەن اكەسى بايعونىس تا, ءوزى دە قۇرالاقان بولماعانىن ايتتى. تاۋەلسىز ەلىمىزدىڭ قۇقىقتىق-زاڭنامالىق بازاسىن نىعايتۋدا كوپ ەڭبەك سىڭىرگەن, ەلباسىنىڭ سەنىمدى سەرىكتەرىنىڭ ءبىرى بولعان ورال مۇحامەدجانوۆتىڭ ەڭبەگى مەن ونەگەلى ءومىرى كەيىنگى ۇرپاققا ۇلگى بولا بەرەتىنىن رۋدنىي قالاسى اكىمىنىڭ ورىنباسارى ەلەنا سكارەدينا جانە ورالدىڭ دوسى جۇماعالي قاسىموۆ ەرەكشە ايتىپ ءوتتى.
ورال بايعونىس ۇلىنىڭ جارى شولپان مەن قىزى زۋحرا ەسكەرتكىش تاقتانىڭ اشىلۋىنا قاتىسىپ, وتباسى اتىنان جەرلەستەرىنە رازىلىعىن ءبىلدىردى.
ءنازيرا جارىمبەت,
«ەگەمەن قازاقستان»
قوستاناي
