ۇكىمەت • 23 قازان، 2018

اسقار مامين ەرەۆاندا وتكەن «ەۋرازيا اپتالىعى» حالىقارالىق فورۋمىنا قاتىستى

195 رەتكورسەتىلدى

2018 جىلدىڭ 22 قازانىندا قر پرەمەر-ءمينيسترىنىڭ ءبىرىنشى ورىنباسارى اسقار مامين ەرەۆاندا وتكەن «ەۋرازيا اپتالىعى»: ەۋرازيالىق ەكونوميكالىق وداقتىڭ ناقتى سەكتورى: ينتەگراتسيا جاعدايىندا الەۋەتتى ارتتىرۋ» اتتى حالىقارالىق فورۋمنىڭ پلەنارلىق وتىرىسىنا قاتىستى، دەپ حابارلايدى  پرەمەر-ءمينيستردىڭ ءباسپاسوز قىزمەتى. 

فورۋمعا قاتىسۋشىلار الدىندا ءسوز سويلەگەن ارمەنيا پرەمەر-ءمينيسترى نيكولو پاشينيان «ەۋرازيا اپتالىعىنىڭ» ماڭىزدىلىعىن اتاپ ءوتتى. سونىمەن قاتار، ول بۇل شارانىڭ ەاەو اياسىنداعى ىنتىماقتاستىقتى نىعايتۋعا ىقپال ەتەتىن ماڭىزدى پىكىرتالاس الاڭىنا اينالاتىنىنا سەنىم بىلدىردى.

2000-عا جۋىق ادام قاتىسقان جيىندا ءسوز سويلەگەن 150 بايانداماشىنىڭ ىشىندە رەسەي ۇكىمەتى توراعاسىنىڭ ءبىرىنشى ورىنباسارى انتون سيلۋانوۆ، بەلارۋس رەسپۋبليكاسى پرەمەر-ءمينيسترىنىڭ ورىنباسارى يگور پەتريشەنكو، قىرعىز رەسپۋبليكاسىنىڭ ۆيتسە-پرەمەرى جەنيش رازاقوۆ، ەۋرازيالىق ەكونوميكالىق كوميسسيا القاسىنىڭ توراعاسى تيگران ساركيسيان، ۇكىمەت مينيسترلەرى، مەملەكەتتىك كورپوراتسيالار مەن ەاەو-عا مۇشە مەملەكەتتەردىڭ بيزنەس وكىلدەرى بار.

قر پرەمەر-ءمينيسترىنىڭ ءبىرىنشى ورىنباسارى ا. مامين ءوز سوزىندە ەاەو-عا مۇشە مەملەكەتتەر الدىندا جاھاندىق ەكونوميكانىڭ الداعى تسيكلدىق باياۋلاۋىنىڭ سالدارىن ازايتۋ مىندەتى تۇرعانىن جەتكىزدى.

سونداي-اق، ا. مامين ەاەو ەلدەرىنىڭ وڭتايلى ساياساتىنىڭ ارقاسىندا تەرىس ۇردىستەرگە قارسى تۇرا الاتىن مەحانيزمىنىڭ بار ەكەنىن دە اتاپ ءوتتى.

«بىرىڭعاي ەكونوميكالىق كەڭىستىكتى دامىتۋ باعىتتارىن جۇزەگە اسىرۋ، ەاەو ەلدەرىنىڭ نارىقتارىنا كەدەرگىسىز كىرۋدى قامتاماسىز ەتۋ شارالارى سىرتقى فاكتورلارعا قاراماستان، وسى ەلدەر اراسىنداعى ساۋدا-ساتتىقتى ارتتىرۋعا جاقسى جاعداي جاسادى. "Doing Business 2018" رەيتينگىسىندە ەاەو 190 ورىننىڭ ىشىندە 35-ءشى بولىپ تۇر. 2017 جىلمەن سالىستىرعاندا 5 پوزيتسياعا كوتەرىلگەن»، — دەدى ا. مامين.

2018 جىلدىڭ قاڭتار-شىلدە ايلارىندا ەاەو-نىڭ ءوزارا ساۋدا-ساتتىق كولەمى $34،1 ملرد قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 13،8%-عا كوپ. 2018 جىلدىڭ قاڭتار-شىلدە ايلارىندا ەاەو مۇشەلەرىنىڭ سىرتقى ساۋداسى $419،6 ملرد جەتتى. بۇل – 2017 جىلدىڭ سايكەس كەزەڭىمەن سالىستىرعاندا 22،7%-عا ارتىق كورسەتكىش.

ەاەو ىشكى نارىعىنداعى بيزنەس-ورتانى جاقسارتۋ ءۇشىن ءتۇرلى سالالارداعى 15 كەدەرگى جويىلىپ، كاسىپكەرلەردى ءبىراز قارجى شىعىنىنان ساقتاپ قالدى.

اسقار مامين ەاەو اياسىندا تۇراقتى ەكونوميكالىق ءوسىم بولۋى ءۇشىن وڭدەۋشى سەكتوردىڭ باسەكەگە قابىلەتتىلىگىن ارتتىراتىن كەلىسىلگەن ەكونوميكالىق ساياساتتىڭ قاجەتتىگىن باسا ايتتى. بۇل جۇمىستا ەڭ الدىمەن، ەاەو-نىڭ بارلىق مۇشەلەرىنىڭ باسەكەلەستىك ارتىقشىلىقتارىن ينتەگراتسيالاۋعا جانە قوسىلاتىن قۇن تىزبەگىندە شىعىنداردى ازايتۋعا باعىتتالعان ورتاق وندىرىستىك پروتسەستەردى قالىپتاستىرۋ كەرەك.

«عارىش، مەديتسينا، تابيعي رەسۋرستاردى ءوندىرۋ، ەكولوگيا جانە اۋىل شارۋاشىلىعى سالالارىندا 130 بىرلەسكەن جوبانى ازىرلەۋ جوسپارى جاسالدى»، — دەدى ا. مامين.

قر پرەمەر-ءمينيسترىنىڭ ءبىرىنشى ورىنباسارى وندىرىستىك الەۋەتتى ودان ءارى دامىتۋدىڭ باستى ماسەلەسى تسيفرلاندىرۋ ەكەندىگىن ايتتى. ونىڭ سوزىنە قاراعاندا، اسىرەسە جەكەلەگەن سەكتورلاردا نەمەسە وڭىرلەردە بۇل پروتسەسستىڭ ارتتا قالۋ ۇدەرىسىنە سەزىمتالدىعىنىڭ جوعارى بولۋىنا بايلانىستى ەاەو ەلدەرىنىڭ اراسىندا تسيفرلاندىرۋدى بىرقالىپتى ۇيلەستىرۋ قاجەتتىلىگى تۋىپ وتىر.

قر ءبىرىنشى ۆيتسە-پرەمەرى «ەۋرازيا اپتالىعى» فورۋمى ەاەو ەلدەرىنىڭ ەكونوميكاسىن، ينۆەستيتسيالار مەن ەكسپورتتىق الەۋەتىن دامىتۋدىڭ، بيزنەس-پروتسەستەردى ينتەگراتسيالاۋدى ودان ءارى تەرەڭدەتۋدىڭ ماڭىزدى قۇرالى بولادى دەپ سەنىم ءبىلدىردى.

ەرەۆانعا ساپارى اياسىندا اسقار مامين «ەاەو اياسىندا قازىرگى زامانعى دامۋ پاراديگماسى» تانىستىرىلىمىنا بارىپ، ەاەو-عا قاتىسۋشى ەلدەردىڭ وڭدەۋ ونەركاسىبى ونىمدەرىنىڭ كورمەسىنىڭ جۇمىسىمەن تانىستى، سونداي-اق ەۋرازيالىق ەكونوميكالىق كوميسسيا كەڭەسىنىڭ وتىرىسىنا دا قاتىستى.

سوڭعى جاڭالىقتار

ۇقساس جاڭالىقتار