قالا تۇرعىنى دميتري نەتيسوۆ سۇيىق وتىن ىزدەپ, قانشا جەرگە بارسا دا, ۇزىن-سونار كەزەككە تاپ بولىپتى. ول سياقتى قاسقالداقتىڭ قانىنداي تاپشىلىققا اينالعان كوگىلدىر گازدى ىزدەپ, تابانىنان تاۋسىلىپ, تاۋانى شاعىلعاندار جەتىپ ارتىلادى. ماسەلەنىڭ جۋىق ارادا شەشىلەرىنە گازبەن جابدىقتاۋشىلاردىڭ وزدەرى دە كۇماندى.
«سقو گاز» گاز بەكەتىنىڭ باسقارۋشىسى ۆالەري جەبروۆسكيدىڭ ايتۋىنشا, كولىك يەلەرىنە بەلگىلى شەكتە عانا بوساتىلۋدا. ال, كەي گاز قۇيۋ بەكەتتەرىندە مۇلدەم تاۋسىلعان.كورشىلەس اقمولا وبلىسىندا ءبىر ليتر گازدىڭ باعاسى 56 تەڭگە بولسا, سولتۇستىك قازاقستاندا 73 تەڭگەدەن بوساتىلۋدا. گاز باللوندارىنا قۇيدىرتۋ 90 تەڭگەنى قۇرايدى. وسىنداي قىمباتشىلىققا قاراماستان باعا تاعى كوتەرىلە مە دەگەن قاۋىپ جوق ەمەس.
«پاۆلودار مۇناي-حيميا زاۋىتىنىڭ ۋاقىتشا جوندەۋگە جابىلۋىنا بايلانىستى بىرقاتار قيىندىقتار ورىن الىپ وتىر. ايتپەسە, ەكى جىل بويى گاز جەتىسپەۋشىلىگى بولعان ەمەس. گازدىڭ العاشقى پارتياسىنىڭ جەتكىزىلۋىن كۇتىپ وتىرمىز», دەيدى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى ايدارحان مۋسين.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
