سۋرەتتە: «استانا» ساياباعىنىڭ كورىنىسى
نىساندى قارجىلاندىرۋ ءىسى «پارىز» جانە استانا قالاسى قورلارى ەسەبىنەن جۇرگىزىلگەن. مۇنداعى قۇرىلىس-مونتاج جۇمىستارىنىڭ جالپى قۇنى 466 ميلليون تەنگە قۇرايدى. بۇگىنگى الاڭى نەبارى 4,3 گەكتاردى قۇرايتىن «استانا» الداعى جىلداردا 90 گەكتار كولەمدى قامتيتىن شەتى مەن شەگى جوق ۇلكەن ساياباققا اينالماق.
سوعاي سايكەس ونىڭ اينالاسىن اباتتاندىرۋ ءىسى ودان ءارى جالعاسا بەرمەك. جاڭادان جاساقتالعان ساياباقتا ەلورداسى استانانى قاق جارىپ اعاتىن ەسىل وزەنىنىڭ مولتەك ماكەتى مەن باس قالاداعى نەگىزگى نىسانداردىڭ شاعىن نوبايى كورىنىس تاۋىپتى. بۇعان قوسا بۇل ارادا ءار ءتۇرلى ارحيتەكترۋالىق انسامبلدەر, شاعىن جۇرگىنشىلەر مەن ۆەلوسيپەد جولدارى سالىنباق. سونداي-اق وسى ماڭداعى نەكە سارايى مەن ونەر ورتالىعىنىڭ ارتىنان ۇلكەن ەتنواۋىل بوي تۇزەمەك.
قىسقاسى استانانىڭ اتاۋىن العان دەمالىس ورنىندا ونىڭ ەلىمىزدىڭ ەلورداسىنا ارنالعانىن ايعاقتايتىن ايشىقتار جەتكىلىكتى. ساياباقتا استانانىڭ ءتۇرلى-ءتۇستى پانارامالىق كوركەم كورىنىستەرى بەينەلەنگەن. نۇر ساۋلەسى شاشىراعان اقىق شامدار مەن ىڭعايلى ورىندىقتار, مۇسىندىك تۇلعالار مەن رەلەفتى توبەلەر ەشكىمدى دە ەنجار, سەلسوق قالدىرا المايدى. ەسىل وزەنىنىڭ جاعالايىن ەسكە سالاتىن ەنى 3,5 مەتر, تەرەڭدىگى 50 سم ارىقتار سىلدىر قاعىپ, تىنىعۋعا كەلگەن قالا تۇرعىندارى مەن قوناقتارىنا ۇمتىلماستاي اسەر ءارى جايلى كوڭىل-كۇي سىيلار الارى انىق. شاعىن جاساندى وزەن ۇستىنە كوپىرلەر سالىنعان. بۇل ساۋلەتتىك ۇلگىلەر ە ساياباقتى تارتىمدى دا, اسەرلى كورىنىستەرمەن تولىقتىرۋ نيەتىنەن تۋعان شىنايى شىعارماشىلىق شەشىم ەكەنىن ەرىكسىز تۇيسىنەسىز.
قاناتىن كەڭگە جايىلىپ, ىرگەڭ بەكي ءتۇسسىن «استانا» ساياباعى!
تەمىر قۇسايىن,
«ەگەمەن قازاقستان»
اقتوبە
