«زارداپ شەككەندەر مەن كوز جۇمعان ادامداردىڭ ىشىندە قازاقستاندىقتار جوق. قازاقستاننىڭ اتىنان كەرچتە قايتىس بولعانداردىڭ تۋعان-تۋىستارىنا, جاقىندارىنا كوڭىل ايتا وتىرىپ, جاراقات العانداردىڭ تەزىرەك ساۋىعىپ كەتۋىن تىلەيمىز», - دەلىنگەن قر سىرتقى ىستەر مينيسترلىگىنىڭ حابارلاماسىندا.
ەسكە سالا كەتسەك, 17 قازاندا كەرچ قالاسىنداعى پوليتەحنيكالىق كوللەدجدە اتىس جانە جارىلىس بولدى. الدىن الا اقپاراتقا سايكەس, 10 ادام قازا بولىپ, 20-دان استامى اۋرۋحاناعا جەتكىزىلگەن. كەيىن كەرچتە قازا بولعاندار سانى 20 ادامعا جەتكەندىگى تۋرالى حابار تارادى.
وقيعاعا سايكەس قىرىمدا 18 قازاننان باستاپ ءۇش كۇن ازا تۇتۋ كۇندەرى بولىپ جاريالاندى.
