ايماقتار • 18 قازان، 2018

د. كالەتاەۆ قوستانايداعى ۇكىمەتتىك ەمەس ۇيىمدار رەسپۋبليكاعا ۇلگى ەكەنىن ايتتى

23 رەتكورسەتىلدى

قوستانايعا ەلباسى جولداۋىن ءتۇسىندىرۋ جۇمىسىمەن كەلگەن قوعامدىق دامۋ ءمينيسترى وبلىستاعى ۇكىمەتتىك ەمەس ۇيىمدار جەتەكشىلەرىمەن كەزدەستى.

الدىمەن مينيستر ازاماتتىق قوعامنىڭ قوستاناي وبلىسىندا بەلسەندى جۇمىس ىستەيتىنىن، وڭىردە كوپتەگەن قوعامدىق ۇيىمداردىڭ باسىن بىرىكتىرىپ وتىرعان رەسۋرستىق ورتالىقتىڭ رەسپۋبليكادا ءبىرىنشى وسى وبلىستا قۇرىلعانىن ايتتى. ەندى ولار ەلىمىزدىڭ وزگە وڭىرلەرىندە دە قۇرىلىپ جاتىر.

بۇل كەزدەسۋدە مينيسترمەن اڭگىمە سۇراق-جاۋاپ فورماتىندا بولدى. كوپتەگەن قوعامدىق بەلسەندىلەر مينيسترگە سۇراق بەرۋگە مۇمكىندىك الدى. وبلىستا كوپتەن بەرى جۇمىس ىستەپ كەلە جاتقان مۇگەدەك بالالار انالارىنىڭ «رادۋگا» قوعامدىق بىرلەستىگىنىڭ جەتەكشىسى ناتاليا كولوسكوۆا ۇكىمەتتىك ەمەس سەكتور قىزمەتىنىڭ بازالىق ەرەجەلەرى، ەتيكالىق نورماسىن بەكىتەتىن كودەكسى بولۋى كەرەك دەگەن ۇسىنىسىن ايتتى.

ء«بىز قازىر ۇكىمەتتىك ەمەس ۇيىمدار جۇمىسىنداعى وزگەرىستەر تۋرالى جۇمىس جۇرگىزىپ جاتىرمىز، سوندا مۇنداي كودەكستىڭ كەرەكتىگىن دە بىلگەنبىز. ءبىز قۇقىقتىق مەملەكەتتە ءومىر ءسۇرىپ وتىرمىز، ادىلەت مينيسترلىگىندەگى مامانداردىڭ ايتۋىنشا، مۇنداي كودەكس جاساۋ وڭاي شارۋا ەمەس. سوندىقتان زاڭگەرلەردىڭ قاتىسۋىمەن ءبىز جۇمىس توبىن قۇردىق، مۇمكىن جاقىن ۋاقىتتا مۇنداي كودەكس تۋرالى ەستيتىن بولارسىز» دەپ جاۋاپ بەردى مينيستر كالەتاەۆ.

ۇكىمەتتىك ەمەس ۇيىمدار بەلسەندىلەرى مينيسترگە مۇنان باسقا دا وسىنداي قاداۋ-قاداۋ وزەكتى ماسەلەلەردى قامتيتىن سۇراقتار بەردى. ونىڭ بارلىعىنا دارحان كالەتاەۆ جاۋاپ بەردى.

ءنازيرا جارىمبەت،

«ەگەمەن قازاقستان»

 قوستاناي

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار